gr7uae
10-11-2022 - 09:22 pm
السلام عليكم والرحمه ..
شحالكم وشخبااركم ياجماعه الخير ..
انا ان شاء الله مقبل ع الزواج فشهر 3
ومخطط اني ازور ماليزيا لشهر العسل .. بس تنقصني المشووره .. من اهل الخبره
ولي يقدر يفيدني بكون له شااكر .. انا قريت كم مووضوع لخواني الاعضااء
وعجبتني افكاارهم .. بس بنفس الوقت قلت اريح بالي واكتب الموضوع ..
لعل ويعسى .. احصل الرد الي يريحني . ويبرد فوادي ..
ع العموم ياجماعه الخير ..
مده الرحله 11 يوم حاابب اقضيها بماليزيا .
لو في حد من اهل الخبره .. يقدر يقسملي الاياام هذي ..
مع العلم اني ماحب اتنقل وايد ؟؟ يعني مكانين او ثلاثه بنظري يكفوون ..
بس بدايه للموضوع ..
بخصوص السفر من مطار كولالمبور ل لنكاوي .. كم المده .
وهل تحسون انه بيكون شاق ولا لا .. يعني ينفع
اني اسافر من بوظبي لكولمبور ومن كوللمبور للنكاوي .. بنفس اليوم ولا بتكون الرحله متعبه ..
اتمنى الاعضااء يفيدوني بالفنادق فكل منطقه يقترحونها
ولي بيقدر يبلي رابط الفندق من بوكنج بكون له شاكر ..
وتقبلو مروري ..
ومشكورين اخوكم عبدالله
مدة السفر طيران من كوالالمبور إلي لنكاوي تقريبا ساعه بس
بكل صراحه مايصلح انك تواصل رحلتك الدوليه برحله داخليه
متعب ومرهق جدا لأنك بتجلس في المطار اقل شي ثلاث ساعات
علي ثمان ساعات طيران دولي علي ساعه طيران داخلي
علي ثلاث ساعات قبل الإقلاع من أبو ظبي يعني تقريبا يوم كامل تنقلات
نصيحه ريح ليله او ليلتين في بورت ديكسون او كوالالمبور
وجدول 11 يوم يعني 10 ليال
ليلتين سيلانقور -- ثلاث لنكاوي -- اربع كوالالمبور -- آخر ليله بورت ديكسون
بالنسبه للفنادق
سيلانقور -- الصن واي لاقون
لنكاوي -- الويستن او ذا دانا
كوالالمبور -- قريب البرجين تريدرز مطله علي الحديقه والبرجين
او بشارع العرب الويستن او الماريوت
بورت ديكسون -- قراند ليكزس غرفه ببركة سباحه خاصه داخل الغرفه