السلام عليكم ورحمة الله وبركاته
مبروك عليكم الشهر وكل عام وانتم بخير لجميع المنسوبين على هذا المنتدى والى اخواني واخواتي الاعضاء
الحمد لله رجعت الى ارض الوطن بعد ان قضيت شهر العسل في ماليزيا وكان الرجوع في تاريخ 7/8
عدد الايام 15 يوم
وقد حاولت كتابة تقرير او ادراج صور ولكن لظروف خاصه لم اجد الوقت للدخول للمنتدى
عموما انا سوف اذكر بعض المعلومات عن سفرتي وذلك للفائده وانا حاضرللاجابه عن الاستفسارات اذا وجد
1/ عند الوصول الى ماليزيا سكنت في سيلانجور ليلتين وهي قريبه من كوالا
سكنت في فندق الخيول الذهبيه ب 525 ريال لليله الواحده
الفندق رائع جدا والخدمه ممتازه لوبي الفندق اكثر من رائع
بالنسبه للافطار ممتاز وانصح زوار الفندق فقط بالافطار ولا انصحهم لا بالغداء لا العشاء
( اول ليله رحت تعشيت والله يعز النعمه لا والمشكله الحساب طلع غالي الزبده ان حنا ماكلنا شي)
حديقة الفندق والمسبح رائعه
اماكن الزياره : منطقة بتروجايا وهي المنطقه الاداريه في جسور ومباني وقصور ووزارت الدوله يكفيها ساعتين او ثلاث بالكثير طبعا هي حلوه لالتقاط الصور
ايضا زرت الماينز وندر لاند (المجمع) ويقولون فيه حديقه بس مارحتها
بشكل عام افضل مافي سيلانجور الفندق وانا انصح فيه .
2/ سافرت من سيلانقور الى لانكاوي
جلست في لانكاوي 3 ليالي وكانت احلى ليالي في السفره
الصراحه لنكاوي جزيره للرومانسيه والاسترخاء
سكنت في فندق برجايا لنكاوي والصراحه الفندق عجبني مره ومعاملتهم راقيه
انا قريت بعض المواضيع عن الفندق في المنتدى انهم مايمدحونه لا بالعكس انا جربته وممتاز
واهم شي عجب المدام
بالنسبه للشاليهات صحيح راح تحس ببعض الحشرات وهذا طبيعي لانك في غابه
ويقولون فيه قرود راحت ثلاث ايام ولاشفت ولا قرد
بس مره خشيت وشفت ضفدع ههه عند الباب مدري كيف خش
وانا سكنت بالشاليهات القريبه من اللوبي لانه البعيده تحتاج الميني كار عشان تجي الى اللوبي وطبعا لازم تتصل بالرسيبشن وتستنى عساس كذا انا انصح بالقريبه من اللوبي
الليله ب 580 الشاليه على الجبل فطورهم حلومره بس في الليل يسوون بوفيه مفتوح لا تقربونه مو شي
الاماكن اللي زرتها التلفريك والقريه الشرقيه وهذي يمديكم تروحون لها مشي ( قريبه من الفندق) التلفريك حق لنكاوي رهيب افضل من تلفريك جنتنق
عالم ماتحت البحار (اندر واتر وورلد) حلو ولكن من وجهة نظري ( اكوريا بكوالالمبور افضل) والدخول ب 38 رينقت للشخص
الفورملا ( كار ريسنق) رهيبه مره وتستحق الزياره طلعت المدام فنانه في السواقه لا وراعية هجوله
نصب النسر حلو الصراحه للتصوير مع منظر الجزيره والبحر لاتفوتكم
وجنب النصب حديقة لاجيندا ( مغلقه للصيانه ) لا وبيطولون مبين عليها حلوه بس خيرها في غيرها
عندكم رحلة المانغروف لاتفوتكم احجزو من المطار او من الفندق انا اخذتها ب 230 رينقت
ثلاث ساعات تقريبا الرحله روعه تمر فيها على القرود , اطعام النسور , التماسيح , اشجار المنجروف ....
طبعا بالنسبه للطعام انصحكم بالفاست فود فيه مطاعم عربيه مثل التلاقي تعشيت فيه اكله مو ذاك الزود وغالي
حديقت التماسيح حلوه بس في وقت العرض لاتروح الا في وقت العرض
للحديث بقيه نكمل بكره انشالله
لنكاوي الى بينينق ( بالفيري )