بسم الله الرحمن الرحيم
اول مشاركة مستقله لي في بوابة الشرقيه ابدأها بمطعم البوابه الشرقيه
طبعا الغالبيه يعرفون مكان المطعم .... الخبر .. حي العليا شمال مجمع الراشد ... جنب سوبرماركت واحه المستهلك
واخيرا جربنا المطعم بعد ما مرينا قدامه ميه مره ..... الاربعاء الظهر 9/6/2010 جتني حاله كرم غريبه فقلت للعيال ناوي اغديكم برا .... اختاروا مطعم ....... نطت البنت ( يا بابا البانوش) !!! قلت يا بابا اختاري غير البانوش كل مره البانوش صحيح انه اطلق مطعم بالخبر بس خلونا نغير شوي
شرايكم نجرب ذاك المطعم اللي في العليا ؟ بوابة الشرقيه. جاني ايميل قبل فترة جاهم سفير مدري وزير وسوى لهم دعايه ... قالوا اوكي نجربه .... توكلنا على الله مافيه زحمة على طول اخذنا طاولة (2 كبار 2 صغار)
وهذا المنيو بالاسعار ( رايي الشخصي غالي بنسبه لا تقل عن 40% مقارنه بمطاعم مثله)

وهذا عرض بوفيه ب110 ريال للشخص (لاتعليق !)

قاعة العزاب والنافورة بالوسط (ديكور حلو)

زاويه ثانيه

المغاسل

وهذا طلبنا ( عندهم 3 اطباق يوميه اخترنا منها المحاشي + كبه مقليه 4حبات + حمص+سلطة فتوش+ عصيرات)

وهنا الهديه ( سلطة الفواكة مع عصير الرمان) وعلى فكرة الرمان غير طازج
ولا اعجبنا فيه حموضه

طبعا الوجبة دسمه وممتازة .... الحمد لله
الحساب 125 ريال