العوالي
27-05-2022 - 08:14 pm
السلام عليكم ورحمة الله
وش رأيكم أيها الأعضاء الكرام في قضاء إجازة عيد الفطر في الشرقية ؟؟
الصراحة السنه هذي الجو بيكون رائع جداً لأن السنوات الماضية كان الجو بارد شوي
أما السنه أظن الجو معتدل مع بعض البرودة المنعشة والرطوبة لا تكاد تذكر
المهم أني عازم مع العائلة ان شاء الله على الذهاب إلى الشرقية ثاني أيام العيد
طبعاً بعد انتهاء مراسم العيد من السلام والزيارة و .. الخ
الصراحة أنا رحت لسوريا ولبنان في الصيف والعائلة طول الصيف ما طلعوا من الرياض ونبي نراضيهم!
يعني نبي نسافر للشرقية بس نبيها سفرة غير شكل .
وترا خويكم أول مرة يروح للشرقية مع العائلة يعني يبي يخليهم يشوفون كل الأماكن الحلوة في الشرقية
صح الإجازة قصيرة! بس خمسة أيام حلوة.
شكلي كثرت عليكم الكلام بس تحملوني
المهم نبي من إهل الشرقية أو من المدمنين على زيارة الشرقية أن يذكرون أهم الأماكن التي تستحق الزيارة سواء في الدمام أو الخبر أو الجبيل .
ولا تبخلوا علينا باقتراحتكم ولو كانت بسيطة
أخوكم العوالي
الشرقية واهلها تحت امرك يالغالي وانا بخدمتك من وصلك الى مغادرتك بحفظ الله ورعايته للشرقيه
وكل شي تبيه انا تحت امرك , وحتى السكن مستعد اشوف لك سكن مناسب وتعطيني مثلآ عدد أفراد الآسرة واشوفلك سكن مناسب سواء في فندق او شقق فندقيه , وتحدد المدينه , والاماكن الي خاطرك فيها
وانا ماراح ابخل بأي شي عليه
ونفرح كثير بجيتكم
وانا سأقوم بمراسلتك حتى اقوم بتقديم أفظل الآماكن المناسبه
وبالنسبة للجو فانه ياخذ العقل والحر والرطوبه غير موجوده حاليا والاجواءبارده وجميله , ولكن حتى الان لم يدخل فصل الشتاء والاجواء جدأ جميله
تحياتي لك/سلطان الشرقية