وعليكم السلام ورحمة الله وبركاته ..
من منفذ الغويفات - البطحاء ، تدخلون السعودية وبعد 140 كم تمرون على منفذ سلوى (قطر) تخلونه على يمينكم وتكملون إلى الهفوف تقريبا 145 كم
وآخر شي تمشون 160 كم إلى الخبر
الطريق إلى الهفوف أنصح ماتمشون فيه بالليل لأنه بدون إنارة ولا فيه حاجز بالنص
الطريق من الهفوف إلى الخبر مافيه مشاكل ..
رحلة سعيدة وتوصلون بالسلامة ..

وعليكم السلام ورحمه الله وبركاته
حياك الله ام اميره
بالنسبه للطريق البري تسلكي من المفرق الي الغويفات تقريبا 320 كيلو بقرابه 3 ساعات
تدخلي على الغويفات بعد الغويفات البطحاء اسلكي الطريق متجهه الي سلوى اول ما تدخلي سلوى بيجك دوار اسلكي طريق الهفوف
قبل ان تصلي الي الهفوف ب 30 كيلو بتجيك لوحه على الدمام والعيون اطلعي فوق الكبري ولفي يمين قبل ان تصلي الاحساء او الهفوف هذا طريق مختصر يطلعك على طريق الخبر ما يدخلك الهفوف
كملي الطريق تقريبا 25 كيلو لين يطلعك على طريق الدمام او الخبر نفس الشي كملي طريقك لين تصلي الخبر وتوجد لوحات ارشاديه
ملاحظه
اتمنى الانتباه طريق البطحاء الي سلوى وطريق سلوى الي الهفوف يوجد جمال سائبه يفضل المشي نهارا
الوقت
من المفرق الي البطحاء 320 كيلو تقريبا 3 ساعات
من البطحاء الي سلوى 150 كيلو ساعه ونصف
من سلوى الي مفرق الدمام تقريبا 120 كيلو ساعه
من مفرق الهفوف الي مفرق الدمام 25 كيلو تقريبا ربع ساعه
من مفرق الدمام طريق الدمام الهفوف السريع باتجاه الخبر 130 كيلو تقريبا ساعه وربع
وبالسلامه واي خدمه انا موجود

ماقصروا الاخوان تاب والليث بالوصف
ربي يسهل دربكم وييسرها لكم
والف مبروك للمعاريس

يزاكم الله خير ...تاب والليث
و أسفه ع السؤال إللي إنمسح .. ما كان قصدي بشي .
الله ييسر الأمور يا رب ..

شو أحلى الاماكن والفنادق
أبى طابع حلو للمنطقة ..
شو مدن قريبه منها ..

تبون شقق مفروشة ولا فنادق وغرف ؟
المدن القريبة .. الدمام ملاصقة للخبر - الجبيل ساعة بالسيارة - والبحرين طبعاً بتكون قريبة

ممكن أخذ لفة على هذه التقارير إن شاء الله تجدين بغيتك
الخبر ( مطاعم - متنزهات - مقاهي - سياحة ... الخ ) مع لورد الخبر (متجدد) أبرز المواقع التي يفضل زيارتها في المنطقة الشرقية الخ(سكن + مطاعم + تسوق وترفيه)بر https://artravelers.com/p/re/178479