:
×
:
¯° ·.¸¸.· °¯° ·.¸¸.· °¯
×
سلام الله عليكم جميعاً ورحمته وبركاته
حالياُ أنا في جنة الله في أرضه سويسرا
راح أكتب لي تقريري ال مفصّل ,, لأجمل أيامي هنا .. وأحبكم تعيشونها معاي يوم ب يوم ,, ساعة ب ساعة
راح أكتب في البداية مخطط وتجهيز الرحلة ,, وبعدها راح أكتب لكم تفاصيل أيامي في كل مدينة زرناها ..
و طبعاً طبعاً .. الموضوع راح يغصّ من الصور
راح أبدأ معكم بالتفاصيل .. و إن شاء الله تستمتعون معاي
¯° ·.¸¸.· °¯° ·.¸¸.· °¯
الفيزا المستخدمة : السويسرية .
تاريخ الرحلة : 14 - 8 - 2007 م
موعد الرحلة : الساعة 10 صباحاً
كانت الرحلة على طيران الإتحاد .. الدمام - أبوظبي - جنيف - أبوظبي - الدمام
العودة "بإذن الله" 1 - 9 - 2007 م
خط سير الرحلة : جنيف - زيورخ - لوقانو - زرمات - إنترلاكن - منترو - جنيف
صباح يوم الثلاثاء .. كان غير بالنسبة لي و ل أهلي .. الساعة 8 تقريباً توجهنا ل مطار الملك فهد الدولي ..
أخذت لي كفي يروقني ( رايحة مواصلة مانمت !! ) .. ركبنا الطيارة .. وبصراحة ماتوقعتها كذا ..
روعة من داخل .. جديدة و واسعة .. أنا كالمعتاد كرسيي جنب الشباك ( لزوم النوم وعدم الإزعاج ) ..
وصلنا ل أبوظبي ,,
كان الترانزيت لمدة ساعتين .. طبعاًَ النفسية مش ولابد .. بحكم مو نايمة .. و غفوة الطيارة عكرت مزاجي ..
رحنا ل كوستا كافي في الدور الثاني بالمطار .. كان زحمة .. أخذنا لنا كفي وسناكس .. و شوي إلا نادوا على رحلتنا ل جنيف ..
برضو الطياره كانت تماام .. ضبطت مكاني للنوم .. ورانا طيران طوويل ..
:
×
:
:
×
:
وصلنا ل جنيف بالسلامة تقريباً الساعه 4 العصر بتوقيت جنيف ..
مطار جنيف جداً متواضع .. توقعته أفخم .. أخذنا عفشنا .. لا تفتيش ولا بطيخ ( وين جمارك البحرين عنكم بس لول ) ..
أخذنا تاكسي فان إلى الفندق .. خطتنا كانت المبيت ليلة وحدة بجنيف ..
وصلنا الفندق ..
Hotel Eden ***
وهذي الجلسة تحت عند اللوبي ..
وهذي كانت غرفة الوالد والوالدة ..
وهذا المطعم تحت .. وهو نفسه مكان الفطور الصباح .. اللي ضمن سعر الغرفة
كان حليو .. يمشي الحال يعني .. أهم شي أنه نظيف .. وماكان بعيد كثير عن البحيرة .. وسعره مناسب
حجزنا كان عبارة عن : 2 دبل روم .. non-smoking preference .. سعر الغرفة تقريباً 270 فرنك سويسري
وكان حجزي للفندق عن طريق https://www.booking.com ..
:
×
:
بعد ماريحنا شوي بغرفنا .. نزلنا الساعه 6 تقريبا نسلم على البحيرة .. ونمسي عليها بالخير
وبعد ساعتين تقريباً .. اخترنا المطعم الهندي اللي مقابل النافورة .. للأسف نسيت اسمه
كان المطعم فخم .. وجلساته رايقة و هادية ,, اخترنا برياني دجاج و مسالا دجاج .. مع نان .. أذكر الأكل كاان طيّب كثير ,,
وبعد العشاء ,, الساعه 10 توجهنا للفندق .. وطبعاً بدون ماقول .. كنت أدور المخدة
ماصدقت وصلنا .. و هوب ع السرير .. أحلى نومة إلى 8:30 الصباح
:
×
:
نزلنا الساعة 9:30 للفطور في الدور الأرضي بالفندق .. كان حليو .. صحيح مافيه أشكال و أنواع ..
لكن أنا من النوع اللي يهمني في الفطور //
الكرواسان السادة ..
عصير البرتقال .. و الكفي ...... فقط لاغير
هذي الأنواع كلها كانت متوفرة لي
بعد الترويقة .. صعدنا نجهز أغراضنا ,, وعلى الساعه 12 عملنا Check out وتوجهنا لمحطة قطار جنيف ,,
لبدأ رحلتنا إلى زيورخ
:
×
:
لي موعد قريب معكم .. في زيورخ