:smile002:
مقارنه بين الأكلات الشعبيه في سويسرا
الفوندو ( جبن )

روشتي

كيف الحال الغالين ..:8888:
شخباركم ان شاءالله طيبين ..:icon_thum
فيه نوعيه من السياح أيحبون الأكل التقليدي للبلد الي ايروحون يتسيحون فيها ..:icon_chee
وأنا واحد من هالفئه الي ايحبون الأكل التقليدي أو بالأصح الأكلات الشعبيه للبلد الي متوجهين لها ..:11ight_li
وقبل ماأنسافر قريت عن الفوندو وأدخلت النافوخ وقلت لازم انجربها ..:36_1_51:
وأذكر يوم كنا في قرية مورين قعدنا في أحدى المقاهي فوق وقلنا عندكم فوندو فقالت الموظفه نعم ..
فقلنا خلاص عطينا وحده لأربع أشخاص ..وأنا كنت قايل حق فريق العمل كله ان الفوندو لذيذه والفوندو روعه والفوندو جبنها سايح والفوندو والفوندو ..بالمختصر سويت لها دعايه
أوصلت الفوندو وكان شكلها لذيذ ..
ولكن كانت فيها ريحة خميرة الجبن هي الي كانت امخربه عليها ..
وللامانه طعمها مقبول نوعاً خصوصاً للجوعان :sweatdrop
عيبها الوحيد يكمن في ريحة الخميرة الخاصه في الجبن
فأكلنا منها أشوي عن العين والنفس وبعدها ردينا ناكل التشيبس ..
وأنصح اي حد ايروح سويسرا أنه ياكل التشيبس حقهم لأنه عجيب
ولما ردينا انترلاكن تمشينا بالأقدام ( أعزكم الله ) فيها على المغربيه وكنا متجهين أتجاه MIGROS ..
وقبل MIGROS فيه كوفي شوب على اليسار ومكانه على الزاويه مقابل بوابة ال الميقروس ..
جلسنا على الطاولات الخارجيه وقلنا للمظيفه نبي أكلات شعبيه ..قالت فيه أكله أسمها ال ROSTI ..
سالتها عن المكونات فقالت تتكون من البطاطس مقطعه بطريقه معينه وتنطبخ بطريقه معينه وتقدر اتضيف عليها طماط أو فطر حسب رغبتك ..
فأخذنا بطاطس مع طماط وكانت روعه لدرجة مابقينا منها شي ..أنا أذكر اني صورت الصحن بعد ماقضينا عليه ( علينا بالعافيه ) ولكن أنصحكم تاخذونها مع الفطر لأن لما رحنا قمة فيرست طلبناها هناك مع الفطر وكانت ألذ ..
وأذكر لما كنا في مطار زيوريخ قعدت أسولف مع مظيفه سويسريه قلت لها ان الروشتي روعه ..
وأشتريت من عندها الفوندو بالشيكولاته ..وقالت لي عن أكله ثالثه شعبيه بس للأسف نسيت أسمها:112:
حبيت أوضح وجهة نظري في الفوندو والروشتي ونفس الوقت نتعرف على الأكلات الشعبيه الي عندهم
تحياتي للجميع ..:36_7_9: