أتواصل مع بوكيننج وأخبرهم انك تريد تغير الفندق او الغرفة
ثم تيقن ان الخيره فيما اختاره الله
اعذرني اخي لكتابه استفساري هنا
جنتنق القريه الفرنسيه وحديقه الفراوله
كيف اروح لهم
حابه اطلع التلفريك
ممكن تقولولولي كيف يعني اروح لجنتنق عن طريق قو جنتنق ولا تاكسي ولا اطلع تلفريك ولا كيف

وكل الله اولا واخرا ،، انا مثلك حاجز بعدالعيد لكن مطلة على البحر ..
مالك الا تسوي ترقية لغرفتك مع دفع الفرق بحيث تكون على البحر

حاول تنسق معهم لتغيير المكان الى مكان اخر , او ادفع مبلغ اضافي للترقية كما اقترح الاخ سماء ,,
المواصلات الى جنتنق : من كي ال سنترال هناك باصات وسعرها لا يتعدى ال 40 رنجت تقريبا
يفضل ان تكون الساعة الثامنه هناك حتى تدرك الباصات والا ستتاخر ساعات ..
التلفريك : الباص المتجه من كي ال سنترال سيتوقف بجانب التلفريك , خذ تذكرة من هناك وانطلق
القريه الفرنسيه : هناك باصات لا ادري تنطلق من فندق برجايا تايمز سكوير مرتين باليوم
الساعة التاسعه والنصف , والساعة الثانية عشره ظهرا , ويغاذر اخر باص الساعة
الرابعة عصرا ,, سعر التذكره ذهاب واياب اعتقد 40 رنجت ,,,
انسب حل للقرية الفرنسيه , هي اخذ مواصلات خاصه , هذه نصيحة
وذلك لكي تكون لك الحرية في التنقل بين الاماكن على راحتك
لان التكاسي هناك قليلة جدا ...

الاخ الطائر الجوال جابها في الصميم وكلامه هو عين الصوابالله يسعده.
انا ركبت في المترو الى محطة كي ال سنترال ووجدت تحت الكبري باصات مكتوب عليها جنتق واشتريت بكج كامل ذهاب وعوده وترفليك طالع نازل وتذاكر العاب وممكن وجبة.
كلها ب40. والباصات كل ساعة ينطلق باص.
يعني وقت ماتطفش وتبي ترجع تلاقي باص يشيلك.

kazami
مشكور أخوي على المعلومة ولكن لو تشرح أكثر يعني إسم الباصات؟؟و موقعها بالتحديد ؟؟
هذي و يطلع لكل شخص 40 رنجت شامل الباص ذهابا و ايابا و الترفلييك طالع نازل مع الألعاب؟؟؟
ومشكور مقدماا

ياريت توضيح اكثر يعطيكم العافيه
لآني حابه أزور ها كلها في يوم واحد

ياعزيز للاسف والله اني ماافتكر كويس لكن بقولك اللي اتذكره وباذن الله افيدك.انا قرات تقرير عن المواصلات في ماليزيا وخصوصا المترو وقرات تقرير عن جنتق فخرجت بمعلومة ان في محطة من محطات المترو بجانبها موقف الباصات وخصوصا باصات جنتق.
اظن التقرير للعزيز جدا (وافي في زمن جافي)
طبعا سكنت انا في التايم سكوير المجمع الشهير وملاصق له محطة المترو (امبي) منها انطلق فيما اتذكر نحو محطه اخرها اظنها كي ال سنترال .ونزلت لشارع كبير بجانبه كبري وتقف عند الكبري الكثير من سيارات التكسي
في البداية تعبت وانا الف وادور ابحث عن الباصات ولااحد يتكلم عربي وقلت مالي الا التكاسي كاسرتهم ولقيتهم حراميه وجشعين واثناء ذلك لاحظت ناس تدخل تحت الكبري وناس تخرج وافواج رايحه وافواج جايه فتوكلت على الله ودخلت ومشيت حق 300 متر ولقيت انواع الباصات واقفه ومنها شي مكتوب عليه جنتق وكلمته واشر لي على كشك ورحت وقالي البكج افضل وارخص قلت تم ودفعت 160رنقت لاربع اشخاص. وكانت الباصات كل ساعة تنطلق وفي العصر كل ساعة يرجع باص.
الصراحة كانت توفيق من الله فالمكان غامض ووفرت شي خيالي بهالطريقة.
اسف هذا كل مالدي ويارب اكون افدتك.

شوف لاهنت هالرابط https://artravelers.com/p/re/584364