السلام عليكم ورحمة الله وبركاته
الله يجزاكم خير انا رايحه مع ولدي اللي عمره 17 سنه للتشيك علشان العلاج لي ولكن عندي عدة امور
ابغى استفسر عنها وهي

• كيف نعرف مواقيت الصلاة هناك
• هل بطاقة الصراف الالي اللي بالمملكه تنفع هناك
• هل المصحات فيها انترنت وهل هو مجاني والا بفلوس وبكم اذا امكن علشان انتم عارفين ولدي مايستنغني

عن الانترنت
ارجو منكم الرد على استفساراتي شاكره لكم مقدما جهودكم

عليكم السلام ورحمة الله
اولا من ناحية اوقات الصلاة ففيه مراكز اسلاميه توزع نشرات دورية على اصحاب المكاتب كل ماعليكم هو طلب النسخة من المترجم
ثانيا الامان موجود ولله الحمد بس يقل الامان اخر الليل
ثالثا الانترنت فيه طريقة وتقرير للاخ ابو اليازيه في موضوع مثبت التشيك 2009
رابعا بطاقة الصراف الالي تنفع بالصرف فقط ولكنها خساير تحسب فرق تحويل العمله وتاخذ 37 ريال كل عملية صرف
يفضل الفيزا ولا تستخدمينها للصرف ولكن استخدميها بنقاط البيع احسن لك
اي وقت حنا حاضرين

السلام عليك ورحمة الله وبركاته
مثل ماقلت قبل شكلي ابغى ادبل اكبادكم لان هذي اول مره لي اطلع برا
رحلتنا راح تكون من الرياض الى اسطنبول ومنها لبراغ ان شاء الله
الحين كم وقت الرحله من الرياض لاستنبول وبعدين ننزل من الطائره باستنبول والا لا
وكم وقت الرحله من استنبول لبراغ
وبعدين الديره اللي رايحين لها باذن الله اسمها كلمكوفيتسه كم تبعد عن براغ هذي ؟
وشلون هالديره زينه والا لا
وجزاكم الله كل خير

انا عندي لك خط سير احلى واسرع
الرياض فينا ومن فينا بالسياره لاوسترافا او بالطياره ثلاث رحلات يوميا
وهي قريبة من فينا يعني السفره بالسياره يعتبر سياحه
ثالثا اللي بتروحون له مصحه خارج مدينة اوسترافا تبعد اوسترافا عنه حوالي 12 كيلو
وهي منطقه معزوله بغابة طبعا الطبيعه حلوه بس ماحولها محالات يعني يمكن تشعرون بالملل

هذي صورتها
واذا امكن كل استفساراتك بموضوع واحد

ههه انا اسفه والله بس هالاستفسارات وليدة الصدفه وبعدين حنا حجزنا وخلصنا ودفعنا عن طريق مكتب بس ليت ترد على استفساراتي واكون لك شاكره

للاسف انا ماعمري طلعت على التركيه اكثر روحاتي على التشيكية
بس الترازيت في مطار اسطنبول على حسب التذكره فيه صديق لي جلس اكثر من 12 ساعه واضطر ينام بفندق المطار واخر جلس 4 ساعات
اما براغ عن اوسترافا تبعد 450 كيلو يعني خمس ساعات بالسياره
وفيه طيران من براغ الى اوسترافا