الف مبروك والله يتمم عليك على خير
بصرحه استرليا اخوي الكبير حلو ومدلع ينصحني فيها مره
وانا شكلي بنصحك فيها والله يوفقك

اي استراليا الي اسمعه عنها انها حلوة بس زوجي مايحب الرحلات الطويلة ..
بس كيف تعتبر غالية وتتوقع ان ميزانيتنا تكفي؟

ميزانيتكم تكفي للنمسا و لندن لمدة 12 يوم تقريبا

ماقصرت اخوي الليل والنهار ...
بس انت تقصد كلهم مع بعض؟
لانه احس ماراح تكفي

مرحبا اختي بس ولا عليج امر ممكن اتقولين لي كم بصادف الشهر بتاريخ الميلادي
وهل الميزانية كامله يعني مع كل شي ولا في شي برا يعني شامل التكت والفنادق والاكل والشرب والمواصلات
واهم شي اختي عطيني المدة وعدد الاشخاص علشام اقدر افيدج اكثر واكثر
مبدايا بقول استراليا بس بعد استراليا مو في كل وقت تنفع يعين اذا صادف صيف عندهم الله يعينكم لانه حر يكون
واذا المدة قليله ممكن اتروحون الى المالديف وبعدها الى دبي او الدوحه
وعندكم باريس حلوة وايد وتقدرون اتروحن باريس ولندن او باريس وجنيف واذا ذكرت اوربا هنا اذا كانت المدة مجرد اسبوع او ثمان ايام
بقولج باريس ولندن ومابينهم الا ساعه ونص بلقطار الجديد اليوروستار
بس حطي في بالج اذا اوربا غالية في لندن اغلالالالالالالالالالالاهم يعني اذا بليوم صرفتو الف ريال فحمدو ربكم لان بتكونون حزتها انتو موفرين لان المواصلات غالية والاكل والشرب والتمشية ومن غير الفنادق غالية وايد وايد
ومن غير عندج شرق اسياء اشفيها ماليزيا وسنغافورة بعد حلوين الفنادق راقية والديرة رخيصه والاماكن حلوة وتستمتعون لو ان الجو اشوي فيه حروره بس بعد في امطار وجو حلو يعني
وحتى مصر يقولون حلوة وعندج من الدول الثاني تركيا فكري فيها يقولون حلوة
وانتي قرري واحنا بنسويلج احلى جدول

30 ألف تكفي 10 أيام في أوروبا لشخصين مع الطيران وفنادق من 4 نجوم
لكن الاجواء مو مره ، أوروبا في هالوقت بتكون باردة جداً
نصيحة أخوي حلو ومدلع باستراليا رائعة ولكن زوجك معاه حق ، الرحلة لاستراليا متعبة ومرهقة وهذي نقطة يجب مراعاتها بعد وأيضاً إذا ميزانيتكم ال 30 الف مع التذاكر ماراح توفي معكم لأن تذاكر استراليا غالية شوي يعني بيروح حوالي 30% من ميزانيتكم للتذاكر فقط !!
الله يوفقكم ويسعدكم

من رأئي أنك تخلينها على كلامك لندن و لا النمسا
و بصراحه النمسا رائعه بمعنى الكلمه من واقع تجربه
موفقين

أنا وانت وبس
لا طبعا ... وحدة منهم

اتوكلوا على الله وروحوا النمسا علشان المناظر الحلوة والجو الرائع
او مصر ان كان في بالكم وناسة و فرفشة وزحمة وناس
واستبعدي لندن لانها غالية شويتين
بالتوفيق