اسعد الله ايامكم بكل خير اعضاء ورواد بوابتنا الغالية..
من زمان كثير عن التقارير..وكثير من الاعضاء شجعوني اني اطرح ولو تقرير
صغيرون..
وانا نزولا عند هالرغبة سويت هالتقرير ..
اتمنى ان ينال اعجاب الجميع..
من زمان وانا نفسي زيارة مطعمنا اليوم..والسبب تقارير اعضاء البوابة
وسردهم الشيق..فقلت في نفسي باذن الله مافوته..
ومرت الايام واعتقد بالفعل اني نسيته..بس الغالي مانسااه..
وفي مساء ذاك اليوم كانت نفسيتي شوي تعبانه..
والا يجيني..انا اليوم عازمك في....
(سيرف ان تيرف)..
وانبسطت كثير..ان ولدي حبيبي حقق
لي شي راح من ذاكرتي..
فشكرا (الشيخ) الغالي..
ونطلقنا بسيارتنا نشق عباب الشوارع..ليلاً..ونتبادل اطراف
الحديث..وانا اعرف انه يحاول يلطف الجو..
ومسكنا خط الدمام الخبر البحري..
ولاح لنا من بعيد المطعم..وكان شبه هادي..
وتوجهنا....
طبعاً الاستقبال لايعلى عليه..
استقبلونا بحفاوة وترحاب
بس بالفلبيني
وطلعنا في قسم العوائل واخترنا طاولتنا...
كان المطعم شبه هادي وقلت ليكون جينا متأخر ولا مبكر..
وكان فيه عائلتين بس واحنا الثالثه..
جوانب من المطعم..
بعض الصور طلبت من الجرسون يصورها
وشوي الا جا الجرسون واخذ طلباتنا وبسرعه اختفي..
شويتين الا ....
سلةالخبز..............
والزبدة..........
بصراحة ماحبيت الخبز ..طعمه كثير خميرة وفيه نشفاان..
فاخذت بس نتفه منه...!
بعد ماخلصنا شوي..الا جرسونين مسرعين..
وجايين بعدة وعتاد ..تغير الصحون والكاسات وشي خوفني حسيت
اني داخلة طبيب اسنان..
مفك..وزرادية...وسكروب...ومقلاع...يمه بسم الله....
كان يقول هذا عشان الطبق الاساسي..
اوكي مافي مشكل ..بس مابغي المسه..
وصلت الشوربه وهي عبارة عن شوربه فرنسية
بثمار البحر..
طعمها طيب.. يمي
اقرب..
وذوقو معاي شويات..
والليمون ...ياه..ماستطعمه..ولا احبه ابد الابدين..
ماقربته مسكين...
وبعد الشوربة الطيبه....
اجا الماين كورس....
وكان عبارة عن طبق سيرف ان تيرف..
لوبستر احمر..وشرائح سمك..وقواقع فرنساويه..
وقطع من الاستيك بس استبدلناها...بربيان مشوي..
ومعاه قطع كلماري مقرمش...ورز بالزعفران...
ترم.......
م منظر مغري....
ولقطة عامة..............
هذا صحني....تفضلو معي...
شارفت اللوبستر على الاختفاء..........
عصير كوكتيل..
طلبت من ولدي يصور اللوبيستر من جهته....
والنتيجة....
يمه شريره بقوة...
لقطة ثانية............
شوي الا الجرسون مشرف...ممكن..ايش..هذا عدة..
حقت الاسنان...ايه مدام..شنو فيها...
هذا يفكك يد لوبيستر...كيف...
في داخل لهم...شنو لهم لهم...اه لحم..
اوكي انت يسوي...
واستخدم العدة وفتح لنا مقص اللوبيستر وطلع اللحم..
يعني هاللوبيستر مبروكة..
والحمد لله والشكر..اكلنا وشبعنا..
وشوي الا جاب هوت تول...
فوط دافيه...عشان تسحب زفار البحريات..
واخيراً...............
الحساب,,,,
ومثل ماتم استقبالنا بكل حفاوة...
تم توديعنا وكلمة نراكم قريب...
مع السلامة......ان شاء الله السنة الجاية نرجع لك...
دمتم بود....