بسم الله الرحمن الرحيم
أعضاء وزوار منتدى العرب المسافرون الكرام
السلام عليكم ورحمة الله وبركاتة :-
وبعد ... اليوم جايب لكم تقرير مصغر عن زيارتي إلى ( المطعم الهندي ) مطعم كوبر شندني في الخبر
وهذه زيارتي الرابعة له ،، فحبيت أنه اجيب لكم بعض الصور له للاستفادة والاطلاع .
بدايةً صليت أنا وأخوي صلاة الجمعة ( أخوي في الصف الثاني ثانوي ) والأخ توه مستلم مكافأة من المدرسة للتفوق زي مايقول ( والله مدري عنه )
المهم ،، ويوم طلعنا من الصلاة قال تدري أنت أخوي الكبير ، والصراحة أنا عازمك على الغداء ..
قلت طيب والوالدة بتزعل مسويه سمك (كنعد و شعور) ، الوالد الله يطول في عمره كل جمعة الصباح في سوق السمك في الخبر ، قال أنا ماشتهي السمك
فكرت !! ... وناظرت فيه الدموع في عينه ، قلت ياولد منت خسران شي هو اللي بيدفع وهو كريم وأنا أستاهل ..
المهم قلت اوكيه (غرم الله) ،، قال : بس هاه أنا اللي عازمك وأنا اللي بختار المطعم قلت: اوكيه .. لازم نسمع كلام اخواننا حتى لو كانوا اصغر منا.
قلت وين : قال (مطعم كوبر شندني) ،، قلت : وش :212: مو مصدق .
قلت اوكيه .. بس هاه حاسبها انت عدل الميزانية ، ترا مو الشواية هذا .
قال : ليه تعلمني أنا اسبوعياً فيه مع أخوياي (نهاية الاسبوع) .
المهم رحنا للمطعم ... والصور تحكي لكم الباقي .
صورة خارجية للمطعم

صورة توضح اللافتة ومكتوب عليها اسمك المطعم

منظر للمطعم من داخل

مقبلات هندية تقدم مجاناً قبل الطلب

حمص ومتبل (2في1) اعجبتني هالحركة

صورة لزي العاملين بالمطعم ويظهر ( الأخ/ صداقت ) باكستاني واخلاقه عاليه كالباقين

رز برياني ( أفضل برياني لدي بعد مطعم جزيرة الفارس بالملز)

ماسالا دجاج ( يضعون تحته شمعة لتبقيه حاراً ) أخوي ماعنده وقت

صحن مشويات كوبر شندني المشكلة

البيبسي حاضر ( ماله غناه )

هذا كل ماكان لدينا واي استفسارات حاضرين
ننتظر ردودكم واسئلتكم وآرائكم