معقولة ماحد جبر بخاطري ....

أختي الكريمة
تشترين من الصين عن طريق النت !!!
هذي صعبة شوي
لو توصين أحد يجيب لك أسهل لك
أما بالنسبة للجمارك أعتقد لازم يكون معها فاتورة في الارسالية فقط بشرط تكون الكمية قليلة غير تجارية.
أدري إني ما أفدتك لكن مجرد المشاركة في الموضوع ترفع المعنويات و تحسسك ان فيه أحد مهتم بالموضوع
تحياتي

هلا اخوي كشااف الصين
شكرا على ردك ...
والله ماعندي احد اوصيه ... يعني الشكوى لله ...
يطيب كم عدد الكميه الغير تجاريه ... عشان ما اتجاوزها...
وتقبل الله صيامك وقيامك ....ويزيد ربي رزقك ان شاء الله...
ماحد عنده فكره يساعدني

Lizzie
أبشري وانا اخوك
الجمارك يسامحون بين 15 الى 18 شنطه
طبعا اذا كنتى تحملينهم انتى بشنطه سفرك وهي تعتبر اغراض شخصيه
اما كونك تشترين عن طريق النت وترسل لك عن طريق الشحن وبكميات كبيره فهذا ممنوع دوليا
واذا احببتي ان تأمريني الى السفر الى كوانزو واحضر لك شناط فانا رهن الاشاره

شكرا لك اخي مرسيدس يعطيك العافيه
طيب انا ماراح اشتري من النت كميات كبيره يعني 2 او 3
او اذا 10 او 15 اذا مو ممنوع..
اخاف اطلب واخر شي يصادرونه..... ابي احد يفيدني هل هالكميات تتصادر ولالا...
خ تبيني يامرسيدس تبيني اجرجرك لكوانزو على شي مايسوى .....تسلم والله على هالمجامله ويعطيك العافيه
وجعل الله يرزقك من خيره وفضله...وصياما مقبول ان شاءالله

اختي الكريمة
الحل هو
1- تكون الكمية بين 2 الي 4 شنط لا اكثر
2- تطلبين من المصدر يرفع سعر الشنطة بالفاتورة يعني يسجل سعرها بالفاتورة مبيلغ 300 دولار مايقارب 80 دينار وراح تدفعين عليها جمرك مايقارب 4 دينار عن كل شنطة وهذي قيمة الجمرك اللي اهوا 5% لان اذا انخفض سعرها الجمارك ممكن يشكون في انها تقليد
3- يفضل شحنها عن طريق Dhl لسرعتهم في انجاز الجمارك
4- نوع البضاعة في الفاتورة قولي حق المصدر يكتب شنط نسائية Lady Bags لايفضل كتابة نوع الماركة بالفاتورة بس شنط نسائية
وان شاء الله بتعدي الامور علي خير ولي الحلاوة اتغشمر عليكم بالعافية

ياي على الافكار كويتي مان
عن جد انت بطل والله يوفقك دنيا واخره
عن جد فدتني حيل
الله يرزقك من خيره ان شاءالله

Lizzie
اختي الكريمة
اود ان افيدك انه يمنع استيراد الماركات من غير بلد المنشا..يعني شانيل من فرنسا وارماني من ايطاليا وكذا
وعشان كذا ما انصحك تخاطرين ابد لان الجمارك عندنا شديدين ومارح يخلونها تمشي
كنت قبل فترة في جمارك مطار الملك خالد وشفت مستودعات مليانه كلها بضايع تم مصادرتها لانها تقليد ماركات جاية من الصين وتايوان وغيرها
لذلك فان السلامة لايعدلها شي