صباح الخير
التكلفه تعتمد على مدى صرفك اليومي
اعتقد من 25000الى 30000 الف ريال راح تكون التكلفه
اتمنى لكم رحله موفقه

اذا فقط مدينتين
فاجعليها ميونخ-كابرون-ميونخ
او فينا -كابرون-ميونخ
لكن يعتمد ع مدى مصروفك
متى السفر ؟
ماهي وسيلة التنقلات سياره ام قطارات

السفر 15 ابريل
ايش الافضل في التنقلات القطار ولا السياره يعني تستاجر نحنا ...ولا تكاسي
المصروف اليومي راح يكون مقتصد من غير تسوق
وشكرا لكم

مده الرحله اشوفها كافيه ليش تقتصروها على مدينتين فقط .؟؟
بالامكان وبسهوله زياره فيينا و سالزبورغ وزيلامسي وحتى ميونخ وبطريقه تنقل مريحه ولاهي متعبه ولاشي
بالتوفيق لكم

هلا فيج اختي مايا
تروحون وتردون بالسلامه
اذا راح تسيرون مدينتين وشوف راي اختي الريم طيب (ميونخ - كابرون - ميونخ)
لكن لو تحسبينها تقطعون تذاكر ما تقل عن 3500 للشخص وتستاجرون سياره كل الفتره وتسيرون بس مدينتين لا وبعد المده كافيه عندكم عسب تسيرون اكثر من مدينتين اشوفه والله حرام
اقولج دام عندكم 14 يوم يعني 13 ليله خلي مخططج بها الشكل وانتي فكري
( 3 ليالي فيينا - 3 ليالي سالزبورغ - 4 ليالي زيلامسي او كابرون - 3 ليالي ميونخ)
أو
هذا اذا ماتبون تتنقلون وايد
( 3 ليالي سالزبورغ - 6 ليالي زيلامسي او كابرون - 4 ليالي ميونخ)
وطبعا يفضل تستاجرون سياره
ومن ناحية الميزانية طبعا بشكل تقريبي
1) التذاكر 3500 درهم للبالغ ودام الياهل عمره اقل من سنتين تقريبا ( الله يحفظه ويخليه لكم) تذكرته راح تكون اقل من 1000 درهم
2) الفنادق للاربع نجوم تقريبا 600 إلى 700 في الليله فرضنا 600 راح تكون الحسبه 600 * 13 ليله = 7800 درهم ممكن تكون اقل
3) السياره 13 ليله تقريبا من 3000 درهم إلى 5000 درهم بس هذا طبعا على حسب نوع السياره ومن ناحية الموديلات ترا كلها حديثة يعني لا تحاتين خلينا نفترض سعر السياره 4000
4) المصروف اليومي (وقود واكل و * طبعا البترول او الديزل موب كل يوم راح تعبون *) تفريبا 300 إلى 400 درهم في اليوم لو فرضنا 300 * 13 = 3900 درهم وهذا تقريبا وممكن يكون اقل بكثير على عسب صرفيتكم واحلى مافيه ممكن انكم تتحكمين في ميزانية المصروف بس طبعا بعض المرات يزيد اذا سرتو منتزهات وتلفريك وكذا بس لا تحاتين ما يكون وايد
المهم المجموع التقريبي راح يكون ( (3500 * 2 )+ 1000 + 7800 + 4000 + 3900) = 23700 درهم
وها تقريبا الميزانيه كلها بس شرات ماقلت قبل ممكن تزيد ممكن تقل وانتي شوفي الي يناسبكم
بالتوفيق