ونسيت اسألكم كيف الجو بيكون بشهر سبعه؟؟

التكلفه انتم تحددونها محد يقدر يقولكم كم
اختارو الطيران المناسب واختارو الفنادق المناسبة والمده اللي تناسبكم وقرروا وقتها اذا الميزانية تسمح ولا لا
الجو حلو اذا مافيه شمس

انتي احسبي متوسط التكلفه اليوميه واضربيها بعدد الايام
مثلا يوميا السكن 700 ريال + مواصلات ووجبات وغيره 800 ريال=1500 ريال يومي
على عشرة ايام=15000 الف +تذاكر 6000لشخصين =21000+4000 تسوق وهدايا=25000
هذا متوسط 10 ايام شامل كل شي قد تزيد او تنقص قليلا ال 25000 ريال حسب ظروفكم والله يسهل امرنا وامركم

مشكورين طيب الملابس اخذ شتوي او صيفي

صيفي و خلي معاكم جاكيتات
وللصغار ربيعي واذا بتطلعون للثلج في كابرون جهزو شتوي

اذا تبون تنبسطون صح ولاتقصرون على أنفسكم تقريبا بمعدل 500 الى 1000 ريال باليوم حسب صرفكم تمشيات غير الفنادق
تحياتى لكم

انا ماراح اضيف اكثر من اللي قالوا لج يا ام الدلال كفوا ووفوا ......
0يوم انا انصح تكون مقسمه في العاصمه فيينا 7 ايام وراح تكون التكلفه تقريبا 500 ريال للفندق يوميا
والمواصلات انصحج بالاندر قراوند اسبوع يكلفج لشخصين 100 ريال الخدمه شغاله بالاندر قراوند من الساعه 5 الفجر الى الساعه 12 مساءا
بعدها انصح اذا انتي وزوجج بس تتجهون بعد فيينا الى سالزبورق لمدة 3 ايام لان اذا معاكم اطفال ماراح تعجبكم لان فيها اماكن ممنوع دخولهم فيها مثل الكهف الجليدي او مغارة الملح
بعدها اكيد راح تتوجهون لجنة الله في ارضه زي ال ام سي وانصح بمدتها 7 ايام وراح تكون الفنادق تقريبا 500 ريال باليوم وفيه بنسيونات مرتبه وسعرها حلو .
والمواصلات في زي ال ام سي باصات رخيصه وطريقتها مرتبه حيل راح تعرفونها بسهوله
بعدين انصح تكون العوده عن طريق ميونخ ( المانيا )
والجو راح يكون معتدل مو برد في فيينا الملابس صيفيه
بس لابد من جاكيت للرحلات البارده في زي ال ام سي ويكون احتياط
بس نصيحه نصيحه نصيحه اقتصدوا بالشنط قد ماتقدرون لو توصل تكنسلون بعض الاشياء اللي تحسون ماراح تحتاجونها
عشان ماتتعذبون في القطارات
واتمنى لكم سفره سعيده وتردون بالسلامه