افضل مخطط وعندك اسبوعين يعني 13 ليله
ليله ميونخ - 3ليالي سالزبورغ - 6 ليالي زيلامسي - 4ليالي
افضل شي استئجار سياره من مطار ميونخ وتسليمها في مطار ميونخ
يوجد مدينه العاب قريبه من سالزبورغ واخرى قريبه من زيلامسي ويوجد مول للتسوق في سالزبورغ وممكن تتسوقين على خفيف في زيلامسي
واما ميونخ راح يكون للتسوق وزياره الحديقه الاولمبيه والانجليزيه

مشكورة بنت حواء انتي الوحيدة الي فزعتي معي
الله يوفقك وييسر لك كل عسير
بس حبيت اسالك بحكم خبرتك في المانيا
انا حجزت في ميونخ في منطقه بحيرة شلرسي ابي اعرف المسافه بين الفندق والمطار لاني بنزل على مطار ميونخ
ووش المناطق الحلوة الي اقدر اطلع لها من هذي المنطقه ؟؟
واذا عندك معلومات عن النمسا حجزت في منطقه جبال الالب في St. Johann im Pongau هل هي قريبه من ميونخ او لا ؟
وبرضوا ابي اعرف الاوت لت الي بالنمسا هل موقعه قريب من هذي المنطقه
ومشكورة مقدماً

اعطيني اسم الفندق القريب من ميونخ عشان اعرف لك المسافه للمطار؟؟
البحيره اللي راح تسكن فيها جنبها بحيره Tegernsee
وكمان منطقه Bad Tolz
ومنطقه Garmisch-Partenkirchen
وكمان Fussen و Schwangau القريبين من بعض
وكذلك بحيره Walchsee النمساويه
اما سؤالك عن هالقريهSt. Johann im Pongau تبعد 189 كلم عن ميونخ ذهاب ومثلها عوده
استخدم موقع قوقل ماب وحط المنطقه اللي تبغاها وتشوف كل المناطق المجاوره واحسب المسافات
انا ما عندي معلومات كثيره عن الاوت لت لاننا ما نروح له بس اللي اعرفه انه في واحد قريب من سالزبورغ بس ما عندي معلومات عنه

مشكورة جدا على التجاوب والله يحقق لك كل امانيك يارب
من جد وسعتي علي
هذا اسم الفندق AlpenClub Schliersee
ولو بكلف عليك وش المناطق السياحيه الي اقدر اطلع لها من هنا

الفندق يبعد عن مطار ميونخ 68 كلم
طيب اعطيني مخططك كامل عشان اعرف وش ارد عليك
وهل قصدك عن قريه جوهان وش اللي ممكن تزوره منها

بصراحة انا ماحددت مخطط فقط حجزت ب AlpenClub Schliersee
لمده 5 ايام وبعدها فينا بهالقريهSt. Johann im Pongau
لمدة 5 ايام وبعدها برجع لميونخ لمده يومين
ابي خطه بحيث اطلع من نفس القريه وارجع للفندق لان حجزي تبع شركه انترفال يعني ماقدر احجز في مناطق ثانيه
(يعني مناطق تبعد ساعه الى ساعتين معقول)
وبالنسبه للمواصلات هل استاجر سيارة او استخدم المترو او القطار للوصول لهذة القريه ؟

السياره مهمه خصوصا لانك ساكن في قرى وصعبه التنقل بالباصات
هالقريه Schliersee علمتك المناطق لقريبه منها
اما هالقريه Sankt Johann im Pongau بعيده عن فيينا كيف تبغى تروح لها من هناك 379 كلم
ممكن تزور منها سالزبورغ والبحيرات القريبه منها موندسي وولف قانق وسانت جلجن و فوشل ام سي وهالشتات
و زيلامسي وكابرون وباد قاستين
طبعا انت عندك ايام قليله جدا جدا كل الاقتراحات اللي حطيتها لك تبعد اقل من 200 كلم

مشكورة ياعمري بنت حواء ماقصرتي