اهلا بك اختي في المانيا وتحديدا كولونيا او ما اسميها نجد المانيا
جميل جدا هذي المدينة وسهل الوصول لاهم المواقع بها وهو الهابت بانهوف ( مركز القطارات الرئيسي في المدينة ) ويقع قريبا من احد اكبر الكنائس في العالم وتسمى بالدوم وهذا شي خيالي ناهيكي عن التمشي على النهر والسوق ينقسم الى قسمين وهذا النظام في جميع انحاء المانيا
1-القسم الجديد (نوي ستات ):
وتجدين به مجمعات ومحلات
2-القسم الكلاسيكي (القديم ) او الالت ستات
مناظر تراثية ويكون عادة قريب من الرات هاووس وهو بيت البلدية ومطاعم ومقاهي الخ...
وعسى الله يجعلها رحلة موفقة

حياك الله اختي اسيل
والمعذره على التاخر في الرد
كلام اخوي جراح ماعليه زياده ..
لكن ولو كان تطفلا كيف راح يكون خط سيركم في رحلتكم ..
بالنسبه للتنقل انصحكم استئجار سياره اول ماتوصلون .. والافضل تكونوا حاجزينها من قبل ..
المهم ان يكون معكم الرخصه المحليه + الرخصه الدوليه + بطاقة فيزا او ماستر
بانتظار ردك لنواصل حديثنا واقتراحاتنا
هذا ردي لشخص كان سؤاله قريب من سؤالك
https://artravelers.com/p/re/179765
لان فرانكفورت اشوف مالها داعي كبير اذا كنتم سياحه بس .. الا اذا حبيتوا تكون في طريق عودتكم يعني يوم او يومين فيها كزياره ومنها ترجعون لبلدكم

مشكور اخوي جراح كويتي
واخوي Boby
بالنسبه لخط السير والله مدري عن زوجي بس المدن الي بروح لها كا التالي ميونخ ودوسلدورف ويروب بارك وكولون وفرانكفورت هذا الي نصحونا الناس ان احنا نروح لها لانها هي المناطق السياحيه الي يفضل الذهاب اليها وانت ليش تبي تعرف خط السير علشان اسال زوجي وقولك
وبعدين انت تقول استاجرو سياره من الي بيسوق بنا لايكون زوجي لان زوجي ما يعرف يتكلم انجليزي مره يعني يمشي حاله ووشلون نوصل للمناطق السياحيه او قصدك سياره بسواقها اذا قصدك كذا احنا فكرنا فيها بس لقيناها صعبه وبتكلفنا كثير واحنا ميزانيتنا 40000ريال سعودي
وبعدين فضلا وليس امرا انا طلبت اسما المناطق السياحيه بس ماعطيتوني الاسماء والخريطه
طلبتكم يالاعضاء ابي الردود باسرع وقت لان الوقت يمشي والرحله قربت وانا ما جمعت ولا معلومه يستفاد منها اتمنى ما تفشلوني
وشكرا للي ردو على مره ثانيه

اختي اسيل
راح ارجع لك واكتب لك رد مفصل باذن الله ..
كنت سالت عن خط السير .. عشان ارسم خط مقترح لتسهيل التنقل وكل شي
باذن الله .. راح اعلمك على كل شيء اسماء الاماكن وطريقة استئجار السياره لو حبيتوا .. وماراح تسافري الا وانتي راضيه عن المنتدى وتكون صورة السفر قدامك واضح وسهله .. ان شاء الله نبيض وجهك عند زوجك
ومانبي منكم الا دعواتكم الصادقه
انا بعد شوي طالع لمسرحية طارق العلي
ما معي وقت
اتركم على خير

أختي مرحبا بك في كولونيا
لمعلوماتك إليك بعض الصفحات باللغة العربية و الإنجليزية . عطلة موفقة إنشاء الله
http://stadtplan.koeln.de/map.asp

جعلك تسلم
ويخليك لنا وللمنتدى
اذا ما عليك امر ودي انك تكتب لي كل مدينه وكل منطقه وش فيها يعني تقول مثلا الكولون اليوم الاول تروحون كذا واليوم الثاني كذا ان شاء الله تكون فهمت قصدي لاني رحت للنمسا العام ورلا عرفنا نتمشا فيها ندور في حلقه مفرغه ويوم رجعنا اكتشفنا مناطق ما رحنا لها ولحد الحين وهي في قلبي علشان كذا ابي احط لكل يوم برنامج ما اوصل الفندق الا وانا منهد حيلي عادي عندي اهم شي اروح لكل المناطق
اتمنى انك فهمت على
ومشكور مقدما لاني واثق انك ما راح تفشلني

هلا اختي اسيل
السكن حاولوا يكون السكن قريب من محطة القطار Hauptbahnhof
من الانشطه اللي تقدري ترسميها مثلا كالتالي
1 - اليوم الاول:
زيارة الكاتدرائيه Koln dom " الكنيسه الرئيسيه " وهي قديمه جدا بدا العمل فيها عام 1300 تقريبا
بعد كذا
زيارة المتحف الروماني الالماني
Romisch Germanisch museum
وبعد كذا تقدروا تاخذوا لفه بالباص السياحي في جوله لأهم معالم كولون ومدتها ساعتين
2 -اليوم الثاني :
تاخذوها رحله الى فنتازيا لاند .. تبعد حدود نص ساعه عن كولون
وهذا تقرير عنها في المنتدى
https://artravelers.com/p/re/14077
وهذا الموقع الرسمي لهم
http://www.fantasialand.de/index.php?display_popup=1
3 - يكون تسوق وتمشي على روقان في المدينه
وعندك اهم شارعين للتسوق
شارع Hohe Strasse
وشارع Schildergasse Strasse
تقدروا بعد او قبل التسوق تزوروا حديقة حيوان كولون لو معكم اطفال ..Koln Tiergarten
هذي اهم المعالم في كولون تقدروا تخلصونها في ثلاث او اربع ايام
بالنسبه للتنقل لو سكنتوا في منطقه بين محطة القطار والسوق راح توفروا على انفسكم التنقل بشكل كبير
لان الكاتدرائيه والمتحف وشوارع التسوق كلها قريبه منكم .. يعني على ارجولكم تروحوا لها ..
والروحه لفنتازيا لاند تقدروا تاخذوا تاكسي لها
رحله موفقه وبالتوفيق

حياك الله معانا بالمنتدى
أتمنى الاخوان ما يقصرون معاك
وأنا بالخدمة لك حبايبنا رواد المنتدى

مشكورين جميعا
والله البرنامج الي حطيته لي حلو ونسخته
اذا ما عليك امر ابي مثله لمدينة دوسلدورف وهم لمدينة فرايبورغ
ادري اني ثقلت عليكم بالطلبات بس وش اسوي مالي بعد الله لاانتم الله لا يخليني منكم