السلام عليكم ورحمة الله وبركاته
ياجماعة الخير انا عمري ماسافرت برى السعوديه نهائيا ولا اعرف انكليزي
وودي اسافر ماليزيا مع حبيبتي المدام
طبعا زواجنا ان شاء الله في بداية شهر 8 هجري
وان شاء الله اعوضها ب16 يوم في شوال
كان ودي نسافر بعد الزواج على طول لكن الظروف المادية ماتسمح مضغوط والله
ولا يكون عندي فلوس السفر كامله الا في يوم 1434/7/25طبعاالفلوس قرض من البنك ان شاء الله
لكن ممكن اجازف واخذ من فلوس الزواج 10 الف واحجز تذاكر طيران وفنادق من الان
هل اقدر اسافر في شهر 8 هجري لاني سالت كذا واحد يقولون ماتقدر كل الطيران محجوز وغالي جدا وزحمه
ورحت مكتب سياحه يقول ماتقدر لازم تحجز تذاكر طيران قبل السفر اقل شيء 3 شهور
طبعا كلمت المدام وقلت لها وش رايك نسافر بداية شوال لمدة 16 يوم قالت اوكيه مو مشكله
طبعا ميزانيتي 20 الف ريال واقدر ازيد الا اذا الله ييسر اموري
هل 20 الف تكفي 16 يوم وليله من حجز تذاكر طيران دولي وحجز فنادق 4 نجوم او 3 نجوم
ومصاريف الاكل ومواصلات
طبعا ودي بفيلا على قدنا فيها مسبح عشان ننبسط
وفيه واحد حق مكتب يقول 20 الف تكفيك 18 يوم من جده الى جده
ولقيت عرض في النت 16 يوم 15 ليله ب5700 رنجت ماليزي 4نجوم
التاريخ محدد فقط خلالها
من 2013/7/16 الى تاريخ 2013/8/31
على فكرة انا عندي قسايم حول ال20الف ريال ولا اقدر اسدد الا من المد اللي يجيني ان شاء الله من الزواج
يعني وضعي مخبص شوي
لاني سالت واحد يقول لي مايمديك تحجز طيران الا بالجواز والجواز مايطلع الا لمن تسدد القسايم اللي عليك