هلابك يالغالي ...
وأسأل الله لك التوفيق بحياتك القادمة ..
عندك على ماأعتقد ( 11 يوم ) صاقي ... وأرشح لك هذا البرنامج
يومين سلانجور ... فندق البيراميد
ثلاثة أيام لنكاوي ... فندق لنكاوي لاقون
يومين بينانغ ... فندق الباي فيو بيتش
أربعة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

وافي جزاك الله خير
وبيض الله وجهك يالغالي
عندي كم استفسار طال عمرك
اولاَ :الفنادق الي ذكرت وش تقييمها وكيف اسعارهم وفيه كذا فندق ابي اخذ راءيك فيهم مقارنةٍ بالفنادق الي ذكرت
صن واي لاقن _ الخيول الذهبيه _ الشيراتون _ الهوليدي أن
شفت احد الاعضاء ذاكر في رده البورن دكسون فيلا بمسبح خاص حاب استفسر منك عن تفاصيل
ثانياَ : قريت عن جيننق والكاميرون ومرتفعاتها وبرداها هل تستحق الزياره برايك واذا نعم كم اخصص لها يوم وكيف راح يكون الذهاب لها
ثالثا : هل ترى اربع ايام في كوالا وثلاث ايام في لنكاوي مناسبه ام لا يعني ما نقدر نقلص لنكاوي ل يومين وكوالا ل ثلاث ايام ونستفيد من هاليومين بزيارة منطقه اخرى تستحق الزياره ام انت برايك كذا افضل
واسف جدا على الاطاله

هلا بك ياعريس
تراك تأخرت كثير خلاص ماعاد باقي عندك وقت
برنامج حبيبنا وافي جميل جداً والفنادق اللي أقترحها عليك من أجمل وأفضل الفنادق
لكن بقترح عليك برنامج ثاني يكون مريح أكثر لأن العرسان بحاجة إلى الراحة وتقليل التنقلات
2 سلانقور : فندق صن وي بيرميد
4 لنكاوي : فندق لنكاوي لاقون شالية فوق الماء
4 كوالا : فندق دورست ريجنسي (منها يوم لجنتنق من الصباح إلى المساء)
1 بورت ديكسون : منتجع قراند لكزس فيلا ديلوكس بمسبح داخليالمجموع = 11 ليلة
لا تشيل هم للغة 90% من العرسان مثلك يسافرون ماليزيا وماعندهم لغة وأمورهم تمام
لن تشعر بالوحدة ماليزيا متروسة ترس من السعوديين والعرب
كاميرون هايلاند مايمديك تروح لها بعيدة عن كولا 5 ساعات بالباص ووقتك ضيق خلها للرحلة الجاية
الميزانية التقريبية
فنادق = 6500 ريال
طيران ومواصلات بين المدن = 1100 ريال
مصروف يومي = 500 * 11 = 5500 ريالالمجموع = 13100 ريال
شامل كل شيء ماعدا التذاكر الدولية
وأهم شيء تستعجل الحجز لأن كل ماتأخرت بعض الفنادق تقفل
رحلة سعيدة إن شاء الله