(( مسائكم ياسمين دمشقي ))
اخوي حسام
يا هلا ومرحبا فيك
اول باشتان
مبروك مقدما وربي يتم عليكما ويجمع بينكما بخير
ثاني باشتان
اتوقع ان سعر الطيران معقول ومقبول وخاصة انه بعز الزحمة
ثالث باشتان
الفنادق
انا لي مدة عنها وما سكنت فيها
لكني شفت التلمسان وايضا بيت زمان وصراحة تمنيت اني اسكن فيهن
لكن فكرة انك كل يوم في فندق اعتقد انه هالفكرة ما هي مزبوطة لأسباب ولكن اهم سبب هو
انها راح تأخذ من وقتكم كثير ويضيع بشيء اعتقد ما له سنع ولا فايدة
يعني شل عفشك واطلع من هالفندق وقف تكسي ورح للفندق الفلاني ونزل وطلع قشك
وخذ على هالسالفة ثلاث ايام وشف كم راح تأخذ من الوقت
هذا غير انك لو إخترت فندق واحد ويكون حلو وتأخذونه كل الأيام اكيد راح ينزل من سعره
وممكن تحجز عن طريق اي مكتب سياحي لو من مكاتب الأردن لأن الفنادق تعطي بعض المكاتب خصومات محد يقدر يحصلها إلا من خلال هالمكاتب
رابع باشتان
المطاعم
انت ذكرت بعضهن وهذي من افضلهن وعن سابق تجربة
ليالي الصالحية ودمشق القديمة
واذا تمشيت في باب توما تجد الكثير من هالبيوت الشامية القديمة والتي تحولت إلى مطاعم
بالإضافة إلى مطاعم الربوة وطريق المطار مثل اللي انت ذكرتهن بوابة دمشق وغيره
والكثير من المطاعم لا يوجد فيها خصوصية
لكن لو رحت لمطعم مثل ليالي الصالحية تجد طاولات بساحة البيت ( ارض ديار ) وتجد غرفة فيها طاولات ممكن تجلسون فيها ويمكن تكونوا لحالكم لأن الكثير يجلسون بوسط الساحة
وايضا فيه بالدور الثاني طاولات اذا بغيت تكونوا منعزلين شوي
اما سالفة راقصات وشراب وهالسوالف فهذي ما هي موجودة بهذي المطاعم وصراحة انا ما شفتها واذا فيه يمكن تكون في بعض مطاعم باب توما لأن اكثر روادها اجانب
خامس باشتان
الحمامات
فيه اكثر من حمام
حمام الشيخ رسلان
حمام الملك الظاهر
حمام المقدم ( وهذا قريب من مطعم ليالي الصالحية )
حمام الورد
وعادة هذي الحمامات يكون دوامهم من الساعة 8 صباح إلى 5 المساء
وانا شفت حمام رسلان نظيف ومريح
سادس باشتان
فيه خارج الشام وتحديدا بمكان اسمه جباب ( مسافة 60 كلم او اكثر ) منتجع صحي للمياه الكبريتية
وفيه مسبح عام وايضا فيه غرف خاصة عائلية
سابع باشتان
اذا عندك رقم سائق اخذته من المنتدى ومجرب من الأعضاء اتمسك فيه
وفيه الشوفير حسام ابو محمد وهو من اعضاء بوابتنا ومجرب من الكثير
ابن حلال وثقة وعنده سيارة جديدة ويعرف ويدل بالشام ويأخذكم وين ما تبون
واما الأسعار فهذي حسب إتفاقك وشطارتك
اما الشركات ما عندي خلفية عنهم وعسى احد الإخوان يفيدك
واي إستفسار او خدمة الجميع حاضرين
واتمنى لكما رحلة عسلية ممتعة وموفقة

جزاك الله خير يالذيب
بيض الله وجهك
ما جات ببالي اضاعة الوقت في الخروج والدخول من فندق لفندق وتنبيهك واقتراحك في محلو
لكن اتوقع اني راح اوزعها على فندقين
واعتقد بين الخان تك _ شفت له تقرير من احد الاخوات _ والتليسمان
صدق من قال ما خاب من استشار
ومطعم ليالي الصالحية والمنتجع والحمام حطيناه باللستة
وبالنسبة للأخ حسام ابو محمد شفت بعض تقارير الاخوان معاه واخذت رقمو وباذن الله بتواصل معاه
بصراحه فرحت بسرعة الاستجابة من اعضاء المنتدى وحبهم للمساعدة وتقديم النصائح

الف مبروك الزواج واجواء سوريا تناسب العرسان على بساطتها وحسب كلامك ترغب فالاجواء الريفيه اذا قدرت توصل كسب لاتقصر تجمع الغابات والبحر والجبال بوقت واحد يتراوى لي احسن من شوب الشام لاتطول فيها فهناك الاجمل ولك الخيار

اخوي
وجهك ابيض وما سويت شيء
حاضرين
واختنا خيال الشرقية
رأيها جدا حلو
اذا تقدر توصل لكسب ومعك وقت لا تفوتكم
وبالتوفيق