مرحبا
بصراحه اعترف للكل اني من اشد المعجبين والمتابعين لهالمنتدى الغالي
بس بالصراحه ماسجلت الامتأخر بعد محاولات متعبه لان طريقة التسجيل فيها حوسه وانشاء حساب في الياهو ووانتم الخبره ..
ع العموم ماابي اطول عليكم من فرحتي ان خطيبي يبي يسدد مخالفات ساهر واسافر شهر العسل خارجي
ومن دون اي كلام وتردد اخترت تكون وجهتنا لماليزيا وبكل حماس وسرعه وفرحه ماتنوصف قلت لازم استفسر من بدري واكيد محد بيقصر علي عشان اسوي فيها قدام زوج المستقبل يعنني فاهمه وعارفه كل شي
طبعا سفرتنا بتكون مدة 15يوم والميزانيه تقريبا 15000ريال بإذن الله
اول شي باستفسر عن :
الحجز وش افضل خطوط طيران علما بأن مكان الاقلاع من الرياض يالبا جده
وتقريبا الزواج ممكن يكون مفاجئ ياشهر 3او 5 يعني مايمدي على حجز مبكر
وابي اعرف عن افضل وسيلة تنقل بين المدن طيران او تاكسي او سكي باص او المونوريل ولا ايرو لاين ولا باص VIP
علما بان المدن اللي باروحها بالترتيب جنتنق بيننق سلانقور كوالالمبور واستبعدت لنكاوي لان فعالياتها موجوده في بيننق ومحد مدحها ويقولون فيها وزغ وشاطئها مو نظيف وسكانها مملين
ثانيا انا من خلال متابعتي للتقارير والاستفسارات جمعت معلومات واابي الراي فيها
في جنتنق
وش اقرب مدينه لها يعني لو وصلنا على مطار كوالالمبور وش افضل وسيله وبكم الوصول للتلفريك لان ودي اطلعلها بالتلفريك احلا ومن وين احجز تذكرة التلفريك
واذا وصلت لجنتنق هل اسكن في الفيرست وورلد ولا في شي غيره احلا لان يقولون بايخ وقديم وزحمه
وسكني فيها بيكون يومين واذا خلصت منها وابي اروح لبيننق وش الوسيله الافضل والامتع
في بيننق
وش احلا وافضل فندق من ناحية الراحه والرومانسيه واذا امكن وجود مسبح خاص
هل بارك رويال او الراساسا يانق او الشانقريلا او القولدن ساندس او الهارد روك او براديس ساندي
وكيف اروح محل القهوه والشوكلاته وحديقة الفراشات والتوابل والقرود وهل يوجد حديقة زهور
وسكني فيها بيكون 4 ايام وكمان كيف طريقة الوصول لسلانقور
في سيلانقور
وش احلا فندق الصن واي لاقون او فندق البراميد او ريومز او امباير
وسكني فيها بيكون يومين وكمان وش افضل وسيله للذهاب لكوالالمبور
في كوالالمبور
هل مهم عند الوصول لماليزيا احجز فندق لمدة يوم للراحه في كوالالمبور قبل التوجه لجنتنق
واش افضل الفنادق للراحه والاقتصاد
رويال شولان او فيو راما او كوالا تريدرز او بارك رويال
وهل مهم الذهاب ل افاموسا واش افضل وقت وكيف طريقة الذهاب
وهل الايام المتبقيه كافيه لكوالالمبور
وفيه مدينه اسمها بورت ديكسون وش وضعها ووين مكانها
اخيرا
اش رايكم بتقسيمي وخطتي وترى اي افاده انا اكون ممنونه
لكل من يفيدني ويشور علي وكل خطتي قابله للتعديل ودعواتكم ....