The.Cancerian
06-10-2022 - 07:33 pm
السلام عليكم جميعا ..
بيت خالتي ناويين يسافرون الى ماليزيا اول شهر 7 ان شاء الله ..
حبيت اعرف من اللي عنده فكرة عن هالامور:
1- وين افضل الاماكن السياحية خصوصا علشان اليهال ؟
(اليهال اعمارهم تبدأ من 16 سنة وتحت)
2- شلون بالنسبة للمواصلات ؟
3- شنو افضل الفنادق اللي ترشحونها ؟
يا ريت طبعا للي عنده امور يبي يضيفها يقولها لي
مع الشكر مقدما
وعليكم السلام ورحمة الله وبركاتة
اول شي اتمنى لهم رحلة موفقة وسعيدة ان شاء الله
1- وين افضل الاماكن السياحية خصوصا علشان اليهال ؟
(اليهال اعمارهم تبدأ من 16 سنة وتحت)
بختصار ماليزيا للجميع كلهم راح بنبسطون فيها اما بخصوص اعمار الشباب الي ذكرت انا متأكد انهم راح ينبسطون جداً في صن وي لاقون كثير مدينة العاب مائية ممتعه جدا واتوقع ان يوم واحد ما راح يكفيهم.. وغير كذا فية الرحلات الى تقام في الغابات لزيارة الشلالات ... وكمان فية حدائق الافو موسى اكيد راح ينبسطون فيها.. بالاضافة لمنطقة بننق ملاهي + مطاعم+ احتفالات. ولا ننسى منطقة الى فيها المعبد الهندي في وسط الجبل بس الله يعينكم على طلعة الدرج 270 درجة2- شلون بالنسبة للمواصلات ؟
داخل المدينة انصح بستخدام القطار المعلق ممتع ورخيص جدا اغلى قيمة دفع لة 4.3 رنقت للشخص الواحد وانا متأكد انكم ما راح تاصلون لهذي القيمة.... اما اذا كانت للمسافات الطويلة عليكم بالباصات مع عموم السياح راح تكون اكثر ترتيب واجمل.... وغير كذا طبعاً التكسي بس كاسروهم واذا المسافة ما تقدرون تقدرونها يعني خايفين من انة ينصب عليكم اطلبو تشغيل العداد ومتأكد ان السعر راح يكون مرضي للطرفين . ومن والى المطار لا تزيد عن 50 رنقت عشان فية ظريبة استخدام الطريق3- شنو افضل الفنادق اللي ترشحونها ؟
اكيد في شارع العرب منطقة جميلة وحيوية ووتكثر فيها انواع الفنادق حسب قدرتك المالية.... اما عن سكني انا دايم اذا رحت لكولالمبور اسكن في فندق .(رنسنز) قريبا من البرجين جداً واخذ الغرفة فية بحدود 320 ريال مع العلم ان الفندق فاخر جدا وفية جميع الخدمات طبعا انا اسكن فية لانة قريب من منطقة العملي