ولا يهمك ..
كم يوم مدة الرحلة , وكم ميزانيتك ,, واترك الباقي على الله ثم على اخوك ابو عمر ..
,, . ابو عمر ..

هلا الغالي
شوف حبيبي يصير تطلب من المكتب للحجز يحجز لك غرفتين بينهم باب نفس ماحجزنا نحن . . .
اما بالنسبه للتنقل اذا انتو ماتقدرون تقتدرون تنتقلون ل جزيره وحده فقط ومن ثم لكوالالمبور . .

ماشالله الاخ ابو عمر مايقصر..الله يجزاه كل خير..
والافضل ما تروح الا وانت مكمل حجوزاتك ..تحسبا لعدم توفر الحجز لاحقا..وانت معك عائلة صعبة عليكم الشحططة..

**كابتشينو**
هذا بعضاً مما لديكم وانا خالك ..
حلو الدرس هذا وفعلاً المفروض كل شئ يكون مرتب منذ البدأ وقبل السفر ..
رحلتي للصين واندونيسا وماليزيا مرتبه ومقفلة من شهرين مضت وهي بعد شهرين من الآن .. تقريبا والحمدلله ..
بكل التوفيق ..

يسلم الجميع الميزنيه تقريبا مفتوحه بحدود المعقول يعني حاط معدل 50 الف ريال
الدرس الاول تعلمت اليوم
وهو الحجز حصلت من الرياض الي البحرين وبعدين لكوالالمبور وانتظار 8 ساعات بالمطار بسعر حدود 3400
والان دخلت على الخطوط الخليجيه وحصلت التذكره بحدود 2200 وبكذا ابحجز من البحرين واروح بالسياره قبل السفره بيوم واطلع من البحرين وارتاح من الشحططه بالمطار ثمان ساعات
بس ما ادري كيف طريقه المواقف هناك بالبحرين
وبالنسبه للسكان حصلت عرض من مكتب سياحي على فندق او شقق فندقيه اسمها اسكوت يقول انها قريبه من البرجين وشارع العرب عاد انا ما اعرف معنى كذا بس يمدحها الليله بحدود 1350 غرفتين وصاله
بس باقي مشكله هل اجلس 14 يوم في كلوالالمبور وافكر انتقل الي مكان اخر ذكره لي اعتقد بينانج ويقول مسافته 5 ساعات عن العاصمه وهنا ابوجه مشكله بالسفر والنتقل مع الاطفال بس اذا كانت تستاهل افكر اروح هناك وياليت احد يوضح لي افضل طرق السفر الي هناك
ونقطه اخيره هل تنصحون بالسفر الي ماليزيا بوجود طفله عمرها سنه او احول السفره الي دبي

اخوي فعلا السفره بتهبلبك
واول الهبال السفر بالسياره الى البحرين ؟؟؟ ولا تقول ابي مواقف للسياره ؟؟؟:112:
شف اخوي
8 ساعات عادي جدا الاتظار لانك بترجع بتوقف قصير اطلع من المطار على مجمع السيف وشفلك فيلم وتعشى هناك وارجع للمطار ( خلصت 5 ساعات ) وبعدين مو انت االي بتنتظرك غيرك عوايل كثيرة
شقق اسكوت افخم شقق في كوالا لكم مو هذا السئوال انت الان رتب الجدول او عطنا مدة سفريتك باليالي عشان نوزعها لك ،،، وين تسكن ووين تروح هذي مرحله ثانيه وبسيطه خلها بعدين
وش رايكم اروح بطفاه سنه ولا اروح لدبي ؟؟؟ شفت هذا الهبال الثاني
هذا اخوي يرجعلك انت والعائلة الكريمه وحسب تحملكم لها البعض ياخذ 6 شهور والبعض ماياخذ 4 سنوات
اهم شي انت الديرة اللي رايح لها متوفر فيها كل شي من خدمات تهم السائح
يكفي ان اقولك انه بعض الفنادق الفخمة يعطوك مضله للمطر عشان المطر بدون ما تطلبها انت
تحياتي

الأخ العاقل المتزن
انا اشد على يدك بفكرة انك تجي بسيارتك من الرياض الى البحرين وهذا عين العقل
اخوي السالفه كل ابوها اربع ساعات بس وقت دخول البحرين يكون بعد الساعه 11 بالليل او الصبح عشان زحمة الجسر
اخوي التعب انك تنتظر بمطار الرياض وتشيل وتحط ومعك عائله وتنزل وتنتظر بمطار البحرين ليه كل هذا .
اخوي بنسبه للمواقف مجانيه المده مفتوحه تأخذ كرت المواقف من مكتب السفريات الي قصيت منه التذاكر وهذا مهم جدا والمواقف عليها سكورتي امنه وانا اخوك.
وبنسبه للشقق ممتازه واتوقع فيه تقرير عنها لمسافرة مختبه يوضح لك بالصور .
اما بنسبه روحت بيننج انا اقول اذا مارحت لها مارحت ماليزيا ضروري تروحله ممتازه جدا وانا انصحك تروح بالباص مع العلم اني مارحت بس الجميع يقول ممتع ومناظر وكلها اربع ساعات وجو بيننج غير صدقني
وبنسبه لطفل هذا انت ناوي تروح دبي فيه موت حر وغلا ولا فيه شئ يستاهل بحر وعماير سلامات لا تفكر هذا التفكير ازعل عليك وانا اخوك روح لطبيعه والتعامل والنظافه والسياحة الي تخليك ترجع لها وانت مقتنع تماما.
لا تتردد ابد والله يوفقك بسفرك

اخوي فعلا السفره بتهبلبك
واول الهبال السفر بالسياره الى البحرين ؟؟؟ ولا تقول ابي مواقف للسياره ؟؟؟:112:
شف اخوي
8 ساعات عادي جدا الاتظار لانك بترجع بتوقف قصير اطلع من المطار على مجمع السيف وشفلك فيلم وتعشى هناك وارجع للمطار ( خلصت 5 ساعات )
أخي الدولي 9 رعاك الله ( المستشار مستئمن ) وانت أشرت على صاحبا بأن يشوف فيلم ( وشهو فلمه هل فلم حيوانات أم فلم يتكلم عن الطبيعة , أم فلم من الأفلام التي تعارض الدين لما تحتوي علية من أفكار هدامة وعري وعرض متكرر لصليب وطمس الهويات الخ ...
رعاك الله كان الاجدر أن توصية بتقوى الله وتدلة على مافية خير لة في دنياه واخرتة .
وفق الله الجميع لك خير ..
أخوكم ( كيرلا العرب ) حاليا .... ( كيرلا هندي ) سابقا .

العاقل المتزن
مرحبآ
انا حاليآ بكوالالمبور نصييحه 14 يوم كثييره
قسمها الى بيننق مرره حلو التمشي فييها والمسافه من كوالا لها 4 ساعات بس!!بالباص صراحه المناظر اللي فييه تخلي المسافه تقصر بسررعه
ولنكاوي هاديه وكوالا فييها حركه
ومن ناحيه الفنادق انا ساكنه حاليآ بتريدرز مرره حلو ورايق
ومن ناحيه الطفله انا بنتي اللي يصلحها عمرها سنتيين جننتني يكفي المسافه من الرياض لكوالا!!:112:
نصييحه لاتاخذها ,,
موفق,,