وعليكم السلام ورحمة الله وبركاته
أفضل منطقه للسكن تلاع العلي القاردنز+الجبيهه+ضاحية الرشيد لاكن بماأن سفرتك بعد شهر يعني تكون بموسم الشتاء
فنصيحه لك انحش عن المناطق هذه بالشتاء لأنها مرتفعه وتكون مووت برد هزرف،وعليك بالمناطق المنخفضه او الكثيفه سكانياً زي جبل عمان والحسين والشميساني
أربع غرف وصاله هذي صعبه والله ماأعرف، أعرفلك ثلاث غرف
اسعار السياره تتراوح مابين 25دينار إلى 17دينار باليوم وكل ماطالت المده نزل السعر
والبنزين غالي بالمره أردى سياره تفللها 250ريال
سعر الصرف
الدينار الواحد 5.31915 ريال (خمس ريال وثلاثين هلله)
وأرجوا ان اكون افدتك والباقي الأخوان مايقصرون

هتان10
وعليكم السلام ورحمة الله ،،،
أنا مو خبير بالأردن ولكن أحاول أفيدك باللي أعرفه :
1- أتوقع افضل منطقة هي الجبيهه أو تلاع العلي ، لأنها في وسط عمان تقريبا وكل اللي تبيه حواليك
2- أنا سكنت في الجبيهة نفس اللي تبي ب 40 دينار أردني اي مايعادل 200 ريال تقريبا
3- اسعار ايجار السيارات حسب مااعرف مناسب ويمكن أرخص من السعودية ، البنزين شوي غالي
4- الدينار الأردني يعادل 5 ريالات سعودي
تمنياتي لك بقضاء اجازة سعيدة ، وأبشرك الشعب الأردني طيب وكريم وحبوب ،،،

ياليت تفيدني اخوي باسم الشقق اللي 4غرف او موقعهم عشان اقدر اكلمهم و أحجز
و هل يوج نادي صحي في منطقة الجبيهه او لا
شاكر لكم

حياك أخي الكريم
بالنسبة لإستفسارك هذا
و هل يوج نادي صحي في منطقة الجبيهه او لا
هل تقصد نادي لياقة بدنية أو جيم ؟؟
أرجو التوضيح لإجابتك قدر المستطاع يا أخي الكريم
مع تحياتي

إيه نعم اختي اقصد جيم
ياليت تساعديني في شقة 4غرف و اذا كان تعطيني وقمعه او رابطهم عشان اقدر أحجز
الف شكر لك اختي

طيب عُلِم
عموما بالنسبة للشقة أعذرني أخي الكريم لا فكرة عندي والله
بالنسبة لمراكز الجيم تفضل هذا الرابط إختار ما يناسبك

بالتوفيق إن شاء الله
تحياتي ودُمت بخير

عذرا للتأخير ...
اللي ذكرتها لك دور من فيللا سوبر ديلوكس مع حمام سباحة ، لكن الأيام هذي مااتوقع تقدر تتسبح ، أنا مااعرف العنوان أو رقم التلفون لكنها في شارع البلدية بجانب فلافل أبو رصاص ،،
تروحون وترجعون بالسلامة ،،،