الموقع شغال تمام !!
لو دخلتوا وحجزتوا موعد بتوفوا ان المعلومات صحيحة !!
http://travel.state.gov/visa/temp/wait/tempvisitors_wait.php
بالتوفيق

متى أقرب موعد يظهر عندكم في الرياض للسياحة؟ أنا معلق عندي على 112 يوم ما يتغير أبداً ، وعندي موعد للمقابلة في اول مايو ابغى أشوف موعد اقرب منه وأغير الموعد عليه وماني قادر ، أرجو المساعدة

اذا تشوفوا الموعد بعيد ولازم تقربوه
مالكم الا ان تلغوا الموعد الاول وتشوفوا موعد جديد وما يظهر لكم في الصفحة الرئيسية لانه يجي فجأه ويروح فجأه على حسب الي يلغي موعده ومن ثم احد يجي وياخذه على طول !!
كثفوا البحث طول اليوم وان شاء الله بتلاقوا شي قريب !!
ملاحظة : يمكنكم تغيير الموعد 3 مرات فقط كمن اول مرة يتم تحديد الموعد فيها !!
بالتوفيق

مشرفنا العزيز أقدر لك متابعتك وصبرك علينا، ويظهر لي اني ما قدرت أوصل استفساري بالشكل الصحيح أو لم يفهمني أحد ، الاشكالية لدي انه لما ألغي الموعد مثلاً قد لا يتوفر في جدول المواعيد الا موعد متأخر عن موعدي الذي ألغيته ، وبالتالي فإني أفقد فرصة لتغيير الموعد وأنا لم استفد منها ، وهذا ناشئ من أنه لا يمكن الاطلاع على المواعيد المتوفرة إلا بعد إلغاء الموعد .مع أنه في السابق كان بالإمكان معرفة أقرب موعد من الصفحة الرئيسية وبالتالي يمكنني مباشرة أدخل لأخطف الموعد بسرعة ، لكن الآن من خلال الرابط الجديد للمواعيد من شهر وهو معلق على أقرب موعد للسفارة في الرياض بعد 112 يوم .
هل المشكلة لدي فقط أم هي عند الجميع ؟ وقلت يا مشرفنا الغالي كثفوا البحث طول اليوم وان شاء الله بتلاقوا شي قريب ) من وين أبحث ؟ هل يوجد رابط آخر أو طريقة أخرى غير الرابط الذي ذكرته يا مشرفنا؟
أرجو اني وضحت الصورة ، وبانتظار توضيحكم بالتفصيل ، ولكم الشكر ،،،،،،،،،

الصورة واضحة ,,
ولا يغركم حتى لو لقيتوا الموعد بعد 112 يوم مو شرط انت بتلاقيه بعد 112 يوم لانه اقرب موعد يمكن يكون
لشخص او شخصين او 3 اشخاص الخ ,,
لذلك الغوا الي عندكم وشيكوا احسن باذن الله بتلاقوا شي قريب لان كثير من المسافرين يلغوا ويعدلوا !!
بالتوفيق

انا امس بعد ماخلصت الابليكيشنز ووصلت لحجز الموعد لقيت يوم الاحد والاثنين والاربعاء..
والاثنين والاربعاء كل واحد فيه 3 مواعيد.. بس كلهم الصباح بدري..
الغي وارجع احجز وصدقني بتلاقي قريب..
https://ksa.us-visaservices.com/Forms/DetermineTCN.aspx

لو سمحتوا احنا اثنين كبار وثلاثة صغار وموعدنا متأخر جدا هل اذا كنسلت اخذ موعد واحد فقط ولا اخذ لاثنين ولاكيف
ارجو سرعة الرد

الموعد واحد وتكوت فيه بيانات الاثنيت !!
بالتوفيق

انا كنت قلق من الموعد والغيته بسبب نصيحة اخوي امباكت والشخص الي فوقي ههه وجزاهم الله خير لقيت مواعيد شاغرة بكميات اخترت الي ابيه ماشاءالله فألف شكر لكم