موفقه...بإذن الله ....وستستفيدي من رأي الخبراء....
بس كشهر عسل ....في العاده جزيره لنكاوي تتصدر القائمه ...وأنتِ استبعدتيها ... بالمره
وإذا ما تبغيها ...أقترح لك يومين في بورت دكسيون..... بحسب قرأتي للتقارير ...تناسب العرسان وما تحتاج طائره ..

جزيرة لانكاوي الوصول ليها بالطائرة .. او البحر .. وهدا لا احبده
شكرا جزيلا

ماهو ال بورت دكسيون
هل جزيرة او مكان .. ؟؟

طيب نلغي الكاميرون .. اروح البروت ديسكون ..؟

ساعدوني بكرة الحجز
طيب انا عندي 16 يوم تقريبا
نظمولي برنامجي
بين هده المدن
سيلانجور
بينانج
الكاميرون
كوالالمبور
وهل أضيف بورت ديكسون او احطها مكان احدى المنطاق المدكورة
وياريت كيف يكون سير الرحلة .. كل منطقة امت اروح لها وكم يوم وطريقة المواصلات
انتظركم بليز

والسكن في كوالا لمبرو ايهما احسن
شارع العرب او قرب البرجين

وش رايكم في فندق Shangri La Hotel
و الا لازم اخد فندق في شارع العرب
لانه الماريوت غالي كتير

عليكم السلام
انتي شتتي الموضوع كل إستفسار برد الأفضل خليتي كل الإستفسارات بموضوع واحد
عموما انتوا عندك 14 ليله و افضل جدول لها
ليلتين سيلانقور -- ثلاث لنكاوي -- ثلاث بينانق -- خمس كوالالمبور -- آخر ليله بورت ديكسون
وانتوا اصلا بتروحوا بطائره فأيش المشكله تروحوا لنكاوي بطائره والله حرام تروحوا ماليزيا ولاتروحوا لنكاوي
المهم لو مره مره ماتبون لنكاوي مع انها اهم مكان ممكن تروحوا له بماليزيا فالجدول ممكن يصير
ليلتين سيلانقور -- اربع بينانق -- ليلتين الكاميرون هاي لاند -- خمس كوالالمبور -- آخر ليله بورت ديكسون
ولو ماتحبوا الهدؤ وطريق الكاميرون المتعب ممكن تروحوا جينتنق نفس الجو بارد بس جينتنق العاب وحركه شوي
وفيه ملاحظه إن يوم وصولكم بيكون جمعه والألعاب المائيه بسيلانقور بيكون سبت وبتكون عز الزحمه
لو طبعا بتدخلون الألعاب المائيه فأشوف يتعدل الجدول تصير بورت ديكسون هي الأوله وسيلانقور الأخيره
اما لو مابتدخلون الألعاب المائيه فالجدول الأول افضل شي
الفنادق
سيلانقور -- الصن واي لاقون وبعده البيراميد
لنكاوي -- الويستن او ذا دانا و بعدهم البلانجي بيتش
بينانق -- الرساسايانق ثم البارك رويال ثم القولدن ساندس
كوالالمبور -- قريب البرجين فندق تريدرز مطله علي البرجين وفي شارع العرب
الويستن و الماريوت وقريب شارع العرب رويال شولان
بورت ديكسون -- فندق قراند ليكزس غرفه ببركة سباحه خاصه
والتنقلات
من سيلانقور إلي لنكاوي ومن لنكاوي إلي بينانق ومن بينانق إلي كوالالمبور
طيران وعندك الماليزيه وآير آسيا والفاير فلاي
قارنوا بين اسعارهم واختروا الأرخص كلهم ممتازين مع العلم ان الماليزيه
والفاير فلاي يعطون 20 كيلو مجانا عفش و آير آسيا العفش بمقابل بسيط
ومن كوالالمبور لجينتنق ساعه بالتاكسي او الباص
ومن كوالالمبور لبورت ديكسون ساعه ونص تقريبا بالتاكسي
اما لو مابتروحوا للنكاوي فمن سيلانقور إلي بينانق
ومن بينانق لكوالالمبور باص او تاكسي مدته 5 ساعات تقريبا
باصات الأيرولاين باص الواحد 60 رنقت او تاكسي خاص حدود 400 رنقت
الصرفيه
وبالنسبه للصرفيه احسب حسابك بين 350 و 550 رنقت يوميا بين هالرقمين
ممكن تقل و ممكن تزيد قليلا بعض الايام
بالنسبه للأماكن اللي تستحق الزياره
شوف الروابط وموجود فيه جميع المواقع و الأماكن اللي تستحق الزياره
في سيلانقور
ملاهي الصن واي لاقون المائيه وسوق البيراميد هذي أهم مافي سيلانقور
ولو عندك وقت ممكن تمر الماينز ويندر لاند مع انها عاديه وممكن بعد تزور مدينة الأضواء
لنكاوي
أهم شي رحلة المناقروف البحريه تحجزها من المطار او من نفس الفندق او من مرسي السفن
قارب خاص من 250 الي 300 رنقت تقريبا لمدة ثلاث الي اربع ساعات
وعندك في لنكاوي تلفريك لنكاوي وقريب منه شلالات الأبار السبعه الطلوع لها شوي متعب بس رياضه
وبعد عندك ميدان النسر وحديقة ليجندا والأسواق القريبه منه ممكن تروح له علي نهاية العصر وتشوف الغروب
وحديقة الفواكه وتاخذ جوله في المدينه لو حبيت
وقريب فندق البلانجي بيتش عالم تحت البحار ولو بتزور اللي بكوالالمبور فهو يكفي وافضل اقصد اللي بكوالالمبور
وفيه أماكن ثانيه مثل التماسيح وغيرها نصيحه انا أعتبرها مضيعة للوقت والمال فخلك بشاطئ الفندق وفعالياته افضل
وبالنسبه لبينانق
اهم شي في بينانق شاطئ الباتو فرنجي خلك فيه عصريا
من بعد صلاة العصر الي بعد صلاة المغرب كل الفعاليات والألعاب البحريه موجوده فيه ومسابح الفندق
وفي الليل عندك السوق الليلي هو سوق عادي جدا لكن التمشيه بالشارع في الليل مش بطاله
وعندك في بينانق هضبة بينانق وفي طريقها فيه محل لبيع القهوه والشوكلاته السواق بيوديك اصلا لأن له عموله
وفي بينانق حدائق مثل الفراشات والتوابل والقرود لو انت من محبي الحدائق وفيه مجمع وسوق جيرني بلازا
قريب منه بيتزا هت ومطعم تشيليز وعندك مجمع كوينسبي بعيد من شاطئ الباتوفرنجي وجيرني بلازا يغني عنه
وفي بينانق بعد رحله بحريه لشاطئ القرود مع الغداء ورحلة المانقروف في لنكاوي تغني عن اللي ببينانق
ونصيحه محلات مثل الذهب والأقمشه مضيعة وقت ومال مالها داعي تروح لها وفي بينانق حديقة فواكه لو رحت بلنكاوي كفايه
وبالنسبه للكاميرون هاي لاند
اهم شي فيه طبعا الجو الرهيب والطبيعه الرائعه وفيه حديقة الفراوله والشاي والعسل
وفيها سوق ليلي متواضع لبعض الأيام وسط الأسبوع
وبالنسبه لكوالالمبور
الأماكن كثير في كوالالمبور عندك اهم شي البرجين ومجمع سواريا وحديقة
البرجين بعد العصر جميله جدا جدا وفي نفس منطقة البرجين عالم تحت البحار الأكوريم
و فيه شارع العرب في الليل أسواق ومطاعم ومقاهي وحركه ووناسه
وعندك مجمع التايم سكوير يستحق الزياره سوق والعاب وفندق
وعندك برج المناره وبالنسبه للحدائق لو تحبها عندك حدائق الفراشات والطيور والزهو تروح لهم
بنفس الوقت مع حديقة بردانا وفيه عندك حديقة الحيوان حلوه مش كبيره مره ولو بتروحون لها تروحون
لشلالات تمبلر بارك مو بعيد مره منها وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه
اغلبها مباني حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا اشوفها عاديه ولكن ممكن تعجبك فيها عروض كابوي وسفاري وحديقه بسيطه والعاب مائيه
يبي لها يوم كامل وهي خارج كوالالمبور بحدود ساعه ونص تقريبا
وفيه بعد مطل ومطاعم اسمه لوك اوت بوينت جميل جدا قبل الغروب والعشاء مايتفوت
جينتنق
اهم مافيها طبعا الألعاب والجو الجميل جدا
بورت ديكسون
مافيها إلا منتجع قراند ليكزس عشان كل غرفه ببركة سباحه خاصه مافيها مايستح الزياره
وفيه اماكن كثير في هالروابط لأني قلت لك الأهم
https://artravelers.com/p/re/452938

بارك الله فيك اخي الكريم
طيب لانكاوي في طريقة امشي لها برا او لازم بالطيران ..؟
طيب انت قلت ان التنقل كا التالي
سيلانجور - لانكاوي - بينانج - كوالالمبور - بورت ديسكون
نبي نعرف .. من سيلانجور الي لانكاوي
ومن لانكاوي الي بينانج .. كيف التنقل
ولو بالطائرة كم تستغرق
وبارك الله فيك