أصيل العود
24-08-2022 - 03:11 am
السلام عليكم
شلونكم يا اخوان
انا راح اسافر للامارات باذن الله
ثالث ايام العيد اذا ماخاب ظني الثلاثاء الموافق 24102006 والرجوع يوم الجمعة 27
طبعا اتصلت على الخطوط ابي احجز
وقلتلهم كويت دبي كويت طبعا
الموظف قالي كويت ابوظبي كويت اوفر من ناحية السعر
فشرايكم بكلامه يا اخوان واذا نزلت بالمطار هناك كم ياخذ التاكسي لأني بصراحة اول مرة ازور الامارات
وايضا الاخوان يمدحون الشارقة بالنسبة للي عنده عائلة
وحاب اني آآجر سيارة من هناك
فشرايكم يا جماعة هذي اول سفرة لي
ابي نصايحكم
شسوي
وشنو الاسواق الحلوة في دبي للعوايل
وشنو تنصحون مطاعم بدبي او الشارقة قعدتها حلوة
وشكرا لكم
ارجوا منكم تزودوني بكل التفاصيل وخاصة للي عنده صولات وجولات في الإمارات الشقيقة
الطريق من بوظبي لي دبي ساعه
انا انصحك بالشارجه لانها قريبه من دبي مجرد 10 دقايق
تقدر تأجر سياره من المطار
بالنسبه للاسواق عندك مول الامارات وبن بطوطه وسيتي سنتر والبرجمان والوافي (للبوتيكات)
واحلى المطاعم عندك الصفدي لبناني بشارع الرقه
وصدف الايراني
وحاتم الايراني
وفي مطعم ايراني بمول الامارات عند شيليز اسمه بارس خوش مطعم