شدعوى وين النشاط والحيوية معقولة ما حد رد يا روّاد الإمارات

هلا ومرحبا بك
محلات الجوالات وإكسسوارات الجوالاات وزينة السيارات للجمله والتجزئه في دبي موجوده في شارع المصلى تقاطع شارع الخليج وبالقرب من فندق حياة ريجنسي
رحله موفقه وسعيده بإذن الله

أشكرك أخوي مهاجر على سرعة الرد ماشاء الله عليك
بس أخوي ممكن محل معين سواءً في الشارقة أو دبي تكون رخيصة وإذا كان فيه شي في الشارقة ياليت تفيدني
تحياتي لك

هلا ومرحبا بك اخوي teem000
صراحه انا ما أعرف محل معين
بس المكان اللي وصفته لك فيه مجموعه كبيره لمحلات الجوالات يمكن توصل لأكثر من 50 محل للجوالات وعادة انا أشتري منهم وأسعارهم متفاوته ما بين محل وآخر
بالنسبه للشارقه ما عندي خلفيه بس ممكن تركب التاكسي من دبي وتسأله وهو يوديك لأن سواقين التكاسي في دبي عندهم خلفيه ممتاز عن هذه الأماكن وهم اللي دلوني على هالشارع
عموما أتمنى لك التوفيق في رحلتك
تقبل تحياتي

ما قصرت الله يعطيك العافية أخوي

في الشارقة تتركز محلات الهواتف حول ميدان الاستقلال
وانت جاي من دبي عن طريق شارع الوحدة خلك ماش لين توصل تقاطع مركز الذهب
عند مركز الذهب خذ يسار وخلك ماشي لين توصل دوار الاستقلال راح تحصل المحلات منتشرة هناك
واذا كملت طريقك راح توصل عند ميدان الحكومة ، خذ ثاني فتحة في الدوار على يمينك (شارع الزهراء)
راح تحصل محلات زينة السيارات منتشرة فيه

الله يعطيك العافية أخوي شنجوب
بس ودي أعرف فيه فرق في الأسعار بين دبي والشارقة