..
..
4

uae123
مشكورة اختي وجزاكي الله كل خير على المعلومات ما كصرتي
بس ابي افتهم منج عشان انتي مقدمتها وعارفة التفاصيل
كيف احنا نختار المدة وطبعا نبيها سنة وتنفع على سفرتين
اقصد مافي فقرة باستمارة التقديم تقول كم المدة اللي تبينها
ولا كيف بالسفارة تبلغينهم عن المدة الي تبينها ؟
واذا بيعطونا سنة نسوي حجوزات كاملة يعني التذاكر على موعد سفرنا والتامين الصحي وحجز الفندق وتكون كلها تمام ومضبوطة واحنا ماخذين فيزة سنة ونسافر على موعدنا بشهر ستة
ايش رايج بالموضوع مو جذي احسن ؟؟
تعبتج معاي اشكرج عزيزتي اختي من الامارات
وان شاء الله تروحون وترجعون بالف سلامة
تحياتي

اخوي خذ العلم مني لاني اعرف ناس يشتغلون في الشغلات هاذي انا اتكلم بالنسبه حق مواطنين قطر واعتقد ان الخليج كلهم نفس الشي ...
بالنسبه حق فيزا شنغن حق المانيا تطلع بسرعه بحدود اسبوع تقريبا ....
بس لازم تجيب حجز فندق مؤكد يعني تدفع الفلوس للسفريات وتاخذ معاه تأمين عن المده اللي راح تقعد فيها تقريبا ...
وتجيب صوره من حجز الطياره بس مب لازم تكون دافع المبلغ واحيانا مايطلبونه لانه مب مهم وايد
وراح يعطونك فيزا مالتي يعني دخول متعدد .. واذا اول مره تقدم عليها ماراح يعطونك لمده سنه .. انت قدم مده سنه بس هم راح يعطونك مدتها سته اشهر بس .. تقعد في الدول الاوروبيه مده ثلاث شهور بس
واي استفسار حاضرين لاني رحت انا اهناك وشكرا

.. ..
( )



.. .. ..
( )

hamoor4ever
السلام عليكم
مشكور اخي الكريم ما كصرت جزاك الله كل الخير
الي فهمته من كلامك انه الاستمارة اسويها دخول متعدد مالتي فيزة واطلب معاها المدة سنة وعشان اول مرة اقدم فيها بيعطوني ستة اشهر ونقعد بالمانيا ثلاثة اشهر
وهذا الي راح نسويه ان شاء الله وراح نقدم الحين بعد هذا الكلام
بس في فقرة بالاستمارة يتكلم فيها عن المدة وكم نبيها فهمت انه هذه تخص مدة البقاء بعد السفر في المانيا
والحين افتهمت منك انها مدة الفيزة الي هي السنة والستة اشهر
وراح نسوي كل الي كلت عليه ومشكور وجزاك الله كل الخير
وخصوصا بعد ان قلت انه يعطوننا ستة اشهر ونقعد في ثلاثة اشهر بالمانيا جذي صارت واضحة
والله ما كصرت
تحياتي

uae123
هلا فيج اختي مرة ثانية ومشكورة وما كصرتي
اهم شي في جوابج فهمتيني على المدة الي نبيها واحنا نحددها والاستمارة موجودة عندي بس فهمت فقرة مدة الفيزة فهمتها مدة البقاء بالمانيا والحين فهمتها منج مضبوط انه هذي الفقرة مدة صلاحية الفيزة الي نبيها الي هي السنة او الستة اشهر
وكلامج صحيح امية بالمية بخصوص الحجوزات نفتك من هذه الدوشة كلها من مكتب السفريات مثل ماسويتوا انتوا
بس اسالج لازم نسوي الفقرة دخول متعدد عشان يعطونا سنة او ستة اشهر واذا سويناها دخول واحد كم يعطونا المدة ؟
لانه بعض الاعضاء يكول طلبت ستة اشهر عطوني شهرين واذا شهرين ماتكفينا نقدمها الحين لانه راح تسقط على شهر ستة
والله تعبتج معاي وانتي بالمانيا اتمنى لج رحلة سعيدة وسفرة جميلة ومريحة وترجعون بالف السلامة ان شاء الله
وجزاكي الله كل الخير والله ما كصرتي عزيزتي
اختج mmmasr

1. انت ماعليك منهم

اخوي لاتحاتي امورك ان شاء الله بتكون سهالات خاصه حق المانيا لانهم متعاونين جدا
يمكن اللي قال لك شهرين او اقل هاذول مب خليجيين او انهم كانوا طالبين شنغن عن
طريق سفاره باريس او دوله ثانيه غير المانيا .. انا حسب علمني ان حق المانيا اقل شي يعطونك تكون الفيزا مده ست شهور .. بس تقعد اهناك حدك ثلاث شهور في الدول الاوروبيه ..
ودايما يعطون دخول متعدد يعني مالتي .. ماادري بالنسبه حق الاشخاص غير الخليجيين
لاني سمعت ان بعضهم بعد يسوون لهم مقابله شخصيه ووممكن يطلبون منهم كشف حساب وراتب

انت ماعليك منهم

عب الطلب انك تبي سنه كامله وعطهم حجز الفندق حتى لو تحجز يومين في المانيا وخذ بعد تامين تحصله من السفريات وود الطلب مع جوازك والتأمين وبعد اقل من اسبوع بتاخذ جوازك مع الفيزا ....
ولازم اول شي انك تسافر على المانيا يعني مب تاخذ الشنغن وتروح فرنسا لا مايصير .. لازم تمر ع المانيا وراح يسألونك في المطار وين بتقعد وبيلزمون عليك انك تقعد في المانيا لو حتى ليله بعدين تقدر تسافر اي مكان في اوروبا سواء فينا او فرنسا حتى لو تطلع من المانيا وترد تسافر باريس او تسافر من المانيا على فيينا مثلا او اي مكان بستثناء بريطانيا لان فيزتها بروحها وتحصل عليها بعد اسهل من المانيا .. اما بالنسبه حق بعض الشنغن عن طريق بعض السفارات الثانيه بعضهم صحيح راح يعطونك ثلاث شهور وبعضهم تاخذ عندهم اسبوعين او اقل او اكثر بشوي ...
اما السفاره الالمانيه تاخذها في اقل من اسبوع هاذه المتعارف عليه .. المثل يقول لك اسأل مجرب ولا تسأل طبيب
وتروح وترجع بالسلامه ...

للتوضيح اخوي مثل ماقالت لك الاخت انك تاخذ التأمين بس على المده اللي انت راح تقعد فيها علشان ماتصرف فلوس على الفاضي بتلاقي في على عدد الايام اللي انت تبيها عشر ايام او عشرين او شهر انت وبكيفك ....
وقدم الفيزا سنه ولانك اول مره تسافر المانيا راح يعطونك ست اشهر ، بس المره الثانيه راح يعطونك السنه مثل ماانت تبي ..
وشكرا

والله مادري بس حسب علمي اذا عطوج سنه بتكون المده سنه يعني صالحه للاستخدام من تاريخ الاصدار
لتاريخ الانتهاء
وانتي فكي عمرج وطلبيها سنه وقدميها قبل سفرج مثلا بشهر او اسبوعين عشان تستفيدون منها في حال عطوكم 6 شهور