غالينا الحبيب
ألف مبروك الزواج ... وياعسى ربي يوفقك دوم ياغلاهم ...
زواجك ( 22 / 6 ) وبتسافر ( 22 /6 ) ... ماعندك وقت ماشاء الله عليك
أنصحك ياصاحبي ترتاح قليلآ وتلتقط الأنفاس ( لو يومين ) ... وبعدها تسافر
نعود للمهم :
لنقل مثلآ أن المدة ( 12 يوم ) ... هذا التوزيع الحلو :
يومين سلانجور ... فندق الصن واي لاقون
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق البارك رويال
أربعة أيام كوالا ... فندق الجراند ملينيوم

بالبركة ان شاء الله واتمنى لك رحلة سعيدةالوصول ان شاء الله يكون يوم 23/6 الى مطار كوالالمبور الدولي
عندك 13 ليلة
توزيع الايامسلانجور ---
ليتلين بفندق صن وي بيراميد تاور اربع نجوم اوليلتين فندق صن وي لاجون خمس نجوم سعرة الليلة وكليهما بجانب بعض 15 متر بينهمالنكاوي ---
ثلاث ليالي بفندق وستن لنكاوي خمس نجومبينانج ---
ثلاث ليالي فندق فلامينجو اربع نجوم او فندق بارك رويال خمس نجومكوالالمبور ---
خمس ليالي او اربع ليالي واخر ليلة في بورت ديكسون
ارشح لك في كوالالمبور فندق رويال بنتانج اربع نجوم بشارع العرب اوفندق تريدرز خمس نجوم ويقع الفندق بجانب البرجين

انا زواجي في 22/6/2012وحبيت اقص تذاكر علي ماليزيا اسف غلطت بالتوقيت
زواجي تاريخ 19/6/2012ورحلتي 22/6/2012
وحاط ميزانيه تقريبا 6500 للسكن دون التذاكر هل تكفيني او ازودها
تكفون ابي فزعتكم وما ادري كم يكفيني
ميزانيه للمعيشه وبكوون شاكر لكم

يعطيكم العافيه بس ممكن تفيدوني كم تكلفة السكن واذا امكن اعرف تكلفة المعيشه والتكاسي

السلام عليكم ورحمة الله وبركاته
مبلغ 6500 ريال للفنادق ممكن يكفي لفنادق اقتصاديه بس لو تبي
فنادق لشهر عسل يبي لك تزود المبلغ و ممكن تشكل يعني فندق فخم
بلنكاوي و عادي بكوالالمبور
و أهم شي تحجز عن طريق النت عشان ماتخسر مبالغ زياده للمكاتب
وبالنسبه لتكلفة المعيشه من اكل و تاكسي وملاهي وكل شي إلا التسوق
تقريبا يوميا من 300 رنقت إلي 550 رنقت مرات اقل و مرات تزيد شوي
حسب النشاطات ولكنها في هالحدود وانت عندك 12 ليله يعني تقريبا 5000 رنقت

الغالي ...
في ردي الأول ( رشحت ) لك فنادق غالية وخمس نجوم
لكن حسب ميزانيتك الحالية ( 6500 ريال ) أرشح لك الفنادق التالية :
سلانجور ( فندق إمباير )
لنكاوي ( فندق الموتيارا أو لنكاوي لاقون )
بينانغ ( الفلامنجو أو الباي فيو بيتش )
كوالا ( سنترال بودو أو الدورسيت ريجنسي )

• تكلفة هذه الفنادق ( 4200 ريال ) تقريبآ

وهي فنادق نظيفة وراقية وأنا سكنت بها شخصيآ

• المصروف اليومي ( 450 ريال * 12 يوم ) = 5400 ريال

ياشباب انا ماعندي فيزا وحاجز عن طريق مكتب وكان حجزي علي العمانيه وطلع فيها انتظار عشر ساعات
وغيرته علي الخطوط القطريه وماني عارف رحت لمكتب نفسه رتبلي 13 يوم ب 15 الالف ريال شامل تذاكر الطيران
.
غير شامل.
.
الرحلات الداخليه مادري احس ان سعره مبالغ شوي مادري ياجماعه وربي احس اني توهقت
ونفسيتي شوي قافله بالعربي المبلغ الي عندي كله علي بعضه 14 ألف ريال مدري وش الحل ممكن تدبروني
مع العلم ان تذاكر الطيران 3200 علي الطيران القطري بليز تراني وربي زهقت من جد
شكلي بقلبها السودان
مالي إلا الله ثم انتم تكفون تكفون شوفو لي حل وربي اني من جد طفشت .؟

أمرك غريب ياهوايل!
تترك كل النصائح والإقتراحات اللي قدموها لك الشباب وحسبوا لك تكلفة الرحلة كلها وتترك كلامهم وتروح ترتمي في أحضان مكتب سياحي حرامي البعيد !!!
إش اللي 15 ألف ريال سكن وطيران إش الجنان هذا ؟!!! طيب باقي عندك مصروفك اليومي في حدود 6000 ريال !!
وافي أعطاك فنادق فخمة ولما ذكرت أن ميزانيتك للفنادق 6500 ريال غير الفنادق لك لفنادق إقتصادية ماتتجاوز 4200 ريال وقال لك أنه مجربها كان المفروض أخذت أسماء الفنادق وطلبت من المكتب يحجز لك ! ليه تأخذ بكج غامض مو معروف وبهذا السعر الخيالي؟!!
والمصيبة تلاقيك الآن خلاص دفعت له وجاي تولول عندنا ؟!! شيء يقهر والله
ليش العجلة هذي وأنت لسا باقي على سفرك 4 شهور ؟!!!

عزيزي انا باقي ما عطيته الا حق التذاكر الي قصيتها بس البكج عطاني اياه بس باقي ما اخذته
وانا اسئلكم وش الحل فيه ماقعدت اول ول علي قولتك هي مساعده ومشكور اخوي ترا ماصار من كل هذا
الا قطع التذاكر فقط اما السكن باقي لم يحصل شي والشي الثاني انه المبلغ الي معي غير شامل المعيشه فقط تذاكر سفر مع سكن
وشكرا