تروح وترجع بالسلامه
بس عندي ملاحظة على توقيت رحلتك
في حال انك رايح لدراسة اللغة
اما اذا كان بعثه هذا شيء غير
توقيت رحلتك خطاء لأن بداية الدراسة هناك يوم الاثنين
وانت تحتاج يوم كامل طيران
يعني ماراح توصل الا الثلاثاء
واكيد ماراح تبداء الا الاثنين القادم
ملاحظة ثانية
انه 24 يوم الاحد والاثنين 25 فأنتبه لا تكون مخربط
موفق أخوي

مشكور اخوي على الرد ويسعدني وجودك بصفحتي
والله صادق اخوي من هذي الناحية
عشان كذه الواحد يحاول يحتاط من امور زي كذا
عشان لايتوهق ... ماخبي عليك حاولت اني اتفادى بعض الغلطات
بس شفت كيف !!!؟ هذا اللي حصل بس ماتنبهت لهذي الحاجه
والحاجة ثانية ماحجزت الا قبل 3 اسابيع
وبالقوه لقيت حجز (ماحسبت) وقلت انه اسبوع بعد انتهاء الاختبارات ((مناسب عشان من عبال مازبط
اوضاعي ....
ووانا باتراسل مع ممثل المعهد هناك ..قلي متى توصل قلتله 24..قلي حاتداوم يوم 1 الشهر الجاي
صراحه زعلت ...لاني حاقد كذا يوم بدون دراسه ...بس بايش تنصحوني..ايش اسوي في ال 5 ايام اللي راح اقعدها بدون
دراسه ؟؟؟!! بشي يفيدني !!!
والحاجه الثانيه
ها؟؟ مافيش حد بنفس الرحله اللي انا فيها ولا بضل وحيد في الطياره ؟؟؟؟؟؟؟؟؟؟؟؟؟؟

بس بايش تنصحوني..ايش اسوي في ال 5 ايام اللي راح اقعدها بدون
دراسه ؟؟؟!! بشي يفيدني !!!
مدام الموضوع صار خلاص
فرصه انك تتعرف على المنطقة اللي بتدرس فيها وتعرف الطرق ووين تروح ووين تجي
موفق أخوي

شكرا اخوي كوكاج على اهتمام وتفاعلك السريع
ويعطيك العافية اخوي عالنصيحه
بس عندي استفسار لو تسمحولي ...انا اشتركت فمعهد اكسل ورحلتي باقيلها اقل من 40 ساعه
هل من الضروري انهم يرسلولي صورة ايصال القبول
ولا مو لازم ؟؟وايش الاجراءات اللي لازم تكون بيننا؟؟ لان لحد الان صار فقط اتفاق بيننا واقنعتهم اني اول ماوصل ادفعلهم ..............؟؟؟
والحاجه الثانية برضه نعيد ..من معي بنفس الرحله يوم الاحد 24

HaSsoOny
هلا أخوي
الله يوفقك يارب
أعتقد انه المفروض يرسلون لك قبول عشان اذا وصلت المطار تقول لهم انك جاي لدراسة
حاول تكلمهم أو ترسلهم إيميل أنهم يرسلون لك القبول بشكل سريع
شكلك لحالك في الطيارة
موفق اخوي

شكرا اخو كوجاك على تفاعلك والله ماقصرت وربنا يوفقك

شكلك حسوني الحين في الطيارة
ياليت تطمنا عليك اول ما توصل
وتمنياتي القلبيه لك ولجميع أخواننا في المنتدى
التوفيق في رحلتكم ودراستكم
وترجعون لنا سالمين وغانمين
محمد

شكراً اخ كوكاج على تفاعلك واهتمامك معي ابشرك انا وصلت الى كرايست شيرش بس صراحه حاب افض فضلك خاصةً حسيت انك طيوب ...والله اخوي انا جداً زعلت لما وصلت الى كراست شيرش وصدمت حقيقة انا متعاقد مع معهد اكسل ..المهم لما وصلت المطار لقيت اللي منتظرني هناك واحد مصري (صاحب العيل) قلتله وديني عالمعهد قالي مو الاول نحط العفش وتريح قلتله لا بليز وديني الكليه قالي اوكي ورحت قلت ابغا وليد الوحش اللي لي شهر ونصف اترسل معه ..والله رحت هناك هزئته قلتله له هذا كلام انا اجي من اخر الدنيا عشان اعيش مع عائله عربيه ..قالي والله في ازمه مع العوائل ومش محصلين واحنا اسفين ..قلتله طيب ليه ماقلتلي انا ادبر وضعي من هناك .
انا كل اللي باجلسه شهرين ونصف هنا وماودي اضيع وقت ...المهم رحت واتصلت على شخص في السعوديه قيد جا هنا العام ..وارسلني على شخص عربي مقيم في كراست شيرش من سنين ...والله وفعلا الراجل ماقصر حكيته الحكاية كلها والله واخدني على معهد وقالي المعهد احنا بكره نشوفلك العائله وتجي تختبر مستوى ولو حاب تداوم من بكره ماعندنا مانع اما وليد قالي على بداية الاسبوع الجاي>> وانا الان بفجر يوم الاربعاء ..والله المعهد ماني عارف كيف وضعه وقوته وطريقة تدريسه بس اللي عجبني انه مافيش الا عربي واحد (سعودي ) ومن ناحية سعره طيب ..اخوي كوكاج هدي معاناتي وان شاء الله تعدي وانا الان اكتبلكم الكلام من عند العائله المصرية بس اليوم رايح المعهد ... بس ماتدلني على معهد طيب ..هدا المعد في الستي سنتر فوسط المدينه ... ويعطيكم الف عافية .. بس ياريت للي بيطلع يتعلم من غلطتي ويحتاط وشكراً

الحمد لله على سلامتك اخوي
والله يعينك... بصراحه الحركه هاذي مره تعبانه
واللي حطك عند اعيله المصريه بصراحه إنسان واطي
من عربي لعربي معهد هنا بالدوله أزين لك
المهم الله يوفقك وتلاقي حل لمشكلتك هذي بس لا تسكت خلك فوق راسهم
وحاول تكون هادي لأن العصبيه ماتنفعك ...
وجعل السعاده طريقك ....
تقبل تحياتي