وعليكم السلام ورحمة الله وبركاته .
حياك الله اختي الشذاري
سلانجور ..الخيول الذهبية 1
بينانغ ... راساساينغ شانغريلا ليلتين
بانكور لاوت ...منتجع بانكور لاوت ليلتين
كوالا ...ماندرين اورنتال باقي المدة
صن واي لاقون تراها مسافة عن وسط البد
والاسواق والمجمعات والعرب كثير فيها .
انتِ اختي كاتبه يومين وتراها تفرق عن ليلتين
يومين = ليلة
موفقة اختي بأذن الله ورحلة سعيدة والسلام عليكم

يعطيك العافيه اخوي الشعيبي وماقصرت
(سلانجور ..الخيول الذهبية ) هذي مو في العاصمه ؟ ؟ وكم تبعد عن المطار ؟؟؟؟ .....
(كوالا ...ماندرين اورنتال ) وشلون مستواه هالفندق وهل فيه خليجين وشنو عنده اسواق قريبه ؟؟؟؟؟
يومين غلطه مطبعيه انا قصدي ليلتين
ووين الباقي ليه مطنشين

اخوي الشعيبي
الله يعينك على اسئلتي وانا اختك ماصدقت احد رد عليه ومو اي احد بعد الخبير موشويه
احنا هونا عن بينانغ ونبي نروح جنتق ليلتين وش تنصحنا من فنادقها
سوال ثاني لو ماعليك امر ؟؟............................

• بانكور شنو فيها من اسواق ومطاعم ؟؟؟

وعساك على القوه

الله يعافيكِ اختي الشذاري
ما احد مطنش اختي وصار التصفح مثل السلحفاة
وياليتنا ناقصين بطء
سلانجور وكوالا هذه قصتها طويلة لكن اختصارها كوالا
كانت في يوم قطعة من سلانجور لين استقلال ماليزيا
واستقطعت كوالا واصبحث المدينة والعاصمة الفدرالية .
وتراها قريبة وفي حدود 25 دقيقة وحسب الزحام .
ماندرين اورينتال من افخم الفنادق بالعاصمة وممكن
بماليزيا كلها ...وبها عرب ...وخذي غرفة مطلة على
الحديقة لانه منظره اجمل وخاصة بالليل وجنبه سوق
سوريا klcc افخم واجمل سوق بماليزيا .
جنتنغ معروفة بأماكن الترفيه ...حبيت اخبرك انه
فنادق جنتنغ مش ذيك الفخامة ولكن شيء يمشي
الحال ...وعندك الافضل جنتنغ هوتيل ومعطينه
5نجوم وفي نظري 4 نجوم .
بانكور لاوت هذه اغنيتها
جيم مع بيمبو في رحلة مثيرة ....
جميعنا معاً و كنزنا في الجزيرة
بانكورلاوت جزيرة اختي ومافيها مراكز ومجمعات تسوق
وتأكلون من اكل المنتجع وخاصة انكم بغيتم بانكور لاوت .
والليلة ببانكور لاوت في حدود 1100-2000 رينجيت .
طيب ليه ماتخلونها لنكاوي اسف على التدخل
ان كانت اول مرة خلونها لنكاوي وحتىمواصلاتها
اسهل وبالطيارة والتاكسي وانتهى الموضوع ولا فيها
قوارب ولا غيره مثل بانكور لاوت .
موفقة اختي الشذاري ورحلة سعيدة
والسلام عليكم

وانا اختك تراني غشيمه

• سلانجور وكوالا هذه و فهمنها :rolleyes:
• و ماندرين اورينتال ان شاء الله بيكون اختيارنا في كوالا
• جنتنغ والله هم في بعد ناس قالولنا انها ماتسوا تباتون فيها ليلتين

يعني نروح ونرجع نفس اليوم يكون احسن ؟؟
واشاء الله يمكن نخلي مكانها لنكاوي
و بانكور لاوت والله شفت اكواخهم اللي في وسط البحر انهبلت قلت ما ابي الا هي وشوف موقعهم
بانكور لاوت جنه على الارض http://www.pangkorlautresort.com
وبعدين تقول مواصلاتها لنكاوي اما طياره او تكسي طيب بانكور وشنهي مواصلاتهاغير المركب يعني مافي طياره انزين واذا مافي طياره وشلون مراكبهم ؟؟؟

حياكِ احتي الشيذاري
بانكور لاوت جزيرة روعة
ومثل الصورة وزيادة
لكن وصولها يكون ...تتحركون من منطقة مكوثكم وتتجهون
لمدينة لوموت الساحلية ومن هناك تأخذون قارب لبانكورلاوت
والعودة نفس الموال ...بقارب للوموت ومنها لمحطتكم التالية .
اما لنكاوي ...فتراه جزيرة ايضاً لكن بها مطار .
وبانكور لاوت مالها مطار .....هنا جاء الاختلاف .
لاتحسبين مراكبهم فخمة وشغل مشي حالك
والله يعينكم على دوار البحر الهرش
طيب خذي كابينة على البحلر بلنكاوي ...عندك منتجع
لنكاوي لاغون ...والليلة سعرها معقول في حدود 600 ريال .
ولهم مطار ومدينة وخدمات وتماشي .
وضحت الصورة ان شاء الله اختي وان عندك
اي استفسار حياكِ
اختي سمعتي اغنية جيم مع بيمبو ؟ ووين ؟
موفقة اختي والسلام عيكم

يامال العافيه يا خوي والله انك كفيت ووفيت
طيب انت تقول مركب اللي بيوصلني
شلون المركب مركب صغير ابو نفرين او ثلاثه المكشوف ولا مراكب كبيره اللي فيها كراسي وتلفزيون
وكم مده الرحله بالمركب ؟؟
والاغنيه والله علبالي من تأليفك
وجزاك الله الف خير

اهلين اختي الشذاري
شكلك مصرة على بانكور لاوت ...تستاهلون
حسب حضوركم وتوقيتكم ...ان صادف وكان وقتها
الفيري موجود كان وبها ...ومعروفة الفيري مركبة
مكيفة وبها تلفزيون ولكن لا تتوقعين شاشة لكل مقعدة
وان صادف ووصلتم لهناك والفيري غير موجود
اجل تاخذون المتوفر من القوارب وغالباً تكون مكشوفة
وتتسع ل10-15 شخص وياخذ شاعة وشوية زمن الوصول
حسب سرعة القارب
ان كنت ماتتحملين دوار البحر او معاكم احد صغير او سنه
كبير بلاش منها ...وهم يعطون حبوب لمنع الدوار لكن
تراها تخوف
موفقة اختي ورحلة سعيدة بأذن الله والسلام عليكم

طيب اخوي ممكن موقع فندق لنكاوي لاغون ؟؟
وهم بعد سعال ثاني لو سمحت كح كح
شنو احسن خطوط جويه لماليزيا غير الاماراتيه ؟؟؟؟
ودمتم