ياحيي
22-07-2022 - 03:29 pm
مراحب لكل
حنا 3 اشخاص بنسافر اوروبا ( سويسرا ) وراح نستاجر سياره من القسم الفرنسي ونسلمها بباريس ديزل سعرها 2236
ل 14 يوم
هل السعر مناسب علماً بأن الشركة يورب كار ؟
وراح يكون جدولي كالتالي :
يوم الخميس 24مايو : ننزل من الطياره الساعه 2 الظهر نستلم السياره ونتجه لجنيف نتمشى فيها لي الساعه 6
بعدها نتجه الى مدينة انسي ونسكن بفندق ( Kyriad Annecy Centre ) نتمشى في انسي المدينة القديمه والبحيرة
سوالي هل الفندق كويس وهل تنصحون اتمشى بجنيف اول ما انزل من الطياره ؟
يوم الجمعه 25مايو : نصحى بدري ونتجه الى مصنع الشوكلا وبعدها مصنع الجبن وبعدها زيارة مدينه برن ومن ثم الاتجاه الى انترلاكن
والسكن في ( Camping Jungfrau - Holiday Park ) ثم استكشاف انترلاكن والجلوس في بحيرتها
سوالي : هل الكوخ مميز ؟ وماذا يمكني ان ازور مع مصنع الشوكلا من اماكن سياحية على الطريق ؟
يوم السبت 26 مايو : الصباح الباكر زيارة البحيرة الزرقاء والشلالات القريبه من السكن واستكشاف انترلاكن
سوالي هل تنصحوني بجدول اخر لهذا اليوم لاني مدري وش ازور؟
يوم الاحد 27 مايو: زيارة مدينة لوزرين وزيورخ وشلالات الراين وبيت هايدي ( يمديني ولالا) , ( اجازه تكون مفتوحه ولا ) ؟
وهل يوجد اقتراح اخر ليوم الاحد حيث انه اجازه ولا ادري وش اسوي ؟؟
اتمنى الافاده وودي استفسر
بخصوص اعلى قمه ودي ازورها بس غاليه وافكر اخذ السويس هاف بس مدري تستاهل اخذها للقمه بس
او اذا في قمه بديله سعرها ارخص ممكن ازورها ياليت تدلوني خصوصاً اني بروح زيلامسي تتوقعون تعوض ولالا ؟
اتمنى من كل عضو عنده علم يشاهد الموضوع يعلق ويفيدني لاني محتاج كل معلومه
واذا في زيادة ما اقول لا زيادة الخير خيرين
الله يخليكم ساعدوني ما بقى شيء
السلام عليكم ورحمة الله..اخوي الله يعافيك ويوفقكم في سفرتكم.اولا سعر السيارة مناسب جدا للمدة ...وشركة يوروب من الشركات المفضلة وسمعتهم زينة.
فندق أنسي تقييمه جيد جدا ..وانا اشوفه تقييم طيب لأكثر من 300 نزيل..
زيارة المصانع الجبن والشوكولاتة وزيارة بيرن اشوفها كافية لليوم ..مع العلم ان فيه حديقة حيوان سيرفيون بالقرب من لوزان..وفيه ألعاب الباينت بول http://maps.google.com.sa/local_url?q=http://www./&dq=&ftid=16273325914696649908&lyr=starred_items:102225417986672675815:&iwp=maps_app&t=m&gl=sa&hl=en&callback=_xdc_._1fh20yn9cw&oi=miw&sa=X&ct=miw_link&cd=1&cad=homepage,cid:16273325914696649908&ei=rO-qT-_hJ8_VjgeGpeHWDw&s=ANYYN7km0NcmZELYWdJj65iXbk9zS0iOiA..بس هل تحطها بدال بيرن او لأ...الموضوع راجعلك.انترلكن الانشطة فيها كثيرة ومتنوعة ...يا ليت لو تتطلع على الدليل السياحي السويسري ...راح يفيدك كثير.
وقمة الينفيرواخ او الجنقفرو اعلى قمة في اوروبا ..من القمم المميزة وتستحق الزيارة ..صحيح غالية لكنها تستاهل ..تحتاج لها يوم كامل ..وفيها كهف جليدي مع مطعم وشوية محلات تبيع الهدايا والتذكارات ..وراح تمر على قرى تتمشى فيها ..يعني تطلع بقطار ..ثم تغيره الى قطار جبلي ..ثم تغيره الى تلفريك الين ما توصل القمة ...وبيني وبينك مافي اي وجه مقارنة مع كابرون اللي في زيلاميسي.
فيه قمة ثانية اسمها قمة شيثرون ..واللي يميزها ان فيها مطعم دوار ..وتحتاج الى نص يوم ..بالاضافة الى شهرة المكان اللي يقولك ان جيمس بوند صور فيلم من افلامه ال 007 هناك.
وفيه قمة ايضا قريبة تقريبا اسمها قمة تتلس ..برضو حاول تقرا عنها شوي.
بيت هايدي اكثر من عادي جدا ..اذا كان في طريقك ..مر عليه..
واذا بإمكانك تزور بحيرة الكونستانس ..قريبة جدا من شلالات الراين (الشافهاوزن) وجزيرة الورود ميناو
وفيه كمان في انترلكن كهف ساينت بيتس والخوانق المائية لنهر الأر...اذا ودك تزورها .
بالتوفيق اخوي.