اختي الفاضله ..
زرت سويسرا قبل فتره بسيطه ..انا وزوجتي وكانت رحله ممتعه بمعنى الكلمه..زرت خلالها بعض المدن السويسريه والريف الفرنسي القريب من الحدود السويسريه..( ولا يفوتك )
المناطق السويسريه جنيف لوزان بيرن انترلكن فيفيا منترو
المناطق الفرنسيه ديفون برنيه ايفان تونو شيمونيه انسي
ومن الأفضل انكم تستأجرون سياره لأن السواقه في سويسرا متعه ..
وانصحك بقراءة مواضيع الأخ الفاضل ابو عزيز لأني استفدت منها كثير ونسختها واخذتها معايه..والله انها نفعتني كثير ...اسأل الله العلي القدير ان يجزاه خير الجزاء ..
تمنياتي لك بسفره موفقه..

جزاك الله خير اخي ابو زياد
بس ماقلت لي وين سكنت ؟؟؟
انتظر الباقين ............

طيب اختي متى بتروحين؟؟؟
اذا هالصيفيه احس صعب انك تلقين حجز لانك متأخره في التخطيط..
ومن تجربتي لسويسرا ..احلى منطقه هي انترلاكن حلوه وخيال مناظرها
وجنيف لاتطولين فيها لان مافيها شي يسوا ..
اما زيورخ فمن الافضل انك ماتروحين لها زحمه ومافيها شي حلو حتى الشلالات اللي فيها
عاديه ..
انا لو نويت مره ثانيه لسويسرا راح يكون اطول فتره اقضيها في انتنرلاكن
وحطي في بالك المصاريف والغلا يعني احسبي حسابك من الحين ..
والتخطيط والله مااعرف له كل اللي سويته اني خذت اسماء الفنادق من موقعنا العزيز وكلمتهم وحجزت
مباشرة وطبعت المواقع السياحيه لكل منطقه ورحت لها ..
واحب اشكر كل اخواني اللي ساعدوني في التخطيط لسفرتي اللي انبسطت فيها انا وعائلتي
واخص بالشكر ابوعزيز الله يجزاه خير ..

هلا اخواني
مشكور اخوي توب 2000 جزاك الله خير بس انا بروح في شهر سبتمبر يعني بعد شهرين وبالنسبة للمصاريف انا متعودة على الغلا في بريطانيا .. جزاك الله خير

أجل مادامك ناويه في سبتمبر اتكلي على الله ودوري لك فنادق على حسب الميزانيه اللي مخططه لها
والغلا انا جربت بريطانيا وتراها اغلى منها وخاصة في الاكل والمطاعم ..
والله يوفقك برحله سعيده..

مشكور يا توب 2000
وين الباقين ؟؟؟؟؟

أنصحك بانترلاكن مره خيال ومنها تتنقلين لمدن سويسرا الثانيه وترجعين بنفس اليوم
الرحلات حددي الرحلات اللي تبغين : قمم ثلجيه ، شلالات ،،،،، وقصي تذكره من مكتب التذاكر في محطات القطار
والفندق عنده بروشورات لكل الرحلات السياحيه أختاري المكان اللي يعجبك واسألي الرسيبشن عن خط سير الرحله وهو بيفيدك
في انترلاكن فندق حلو اسمه متربوليان ،،،، وبفليو اطلالته حلوه على النهر