فهد الكهربائي
11-08-2022 - 04:11 pm
السلام عليكم ورحمة الله وبركاته :
الأخوة الكرام حبايب قلبي الله لا يخليني منكم عندي استفسار :
أنا بأذن الله تعالى مسافر لماليزيا لقضاء شهر العسل وموعد وصولي يوم الجمعة القادم الموفق 992011م الساعة 3 العصر وراح أروح لسلانجور لأني حاجز في فندق سن وي لا قون (فلا) يعني بالكثير راح أكون بالفندق الساعة 4:30 العصر احتمال أريح ساعتين فقط
ومن بعد الساعة 7 مساء راح أكون فاضي وودي أستغل الوقت وأروح أي مكان أتمشى فيه
مدري وش الأماكن المناسبة بعد الساعة 7 مساء لأن ودي أستغل الوقت ولا أبي اليوم يضيع علي لأني راح أغادر الفندق يوم السبت الموافق 1192011م.
على أقل تقدير أبي استغلال يوم الجمعة ودي أكثر من مكان وأبي أفضل مطعم يكون متخصص في المشويات ويكون مطعم راقي .
أنتظر ردودكم بأحر من الجمر لا تتأخرون علي
انت بتصل الجمعه و بتغادر الأحد يوم 11 مو يوم السبت
وبالنسبه ليوم وصلك بعد ماتريح من بعد 7 مساء افضل مكان
تروح له وتتعشي فيه هو مجمع البيراميد وهو ملاصق للصن واي لاقون
مجمع كبير وحلو وفيه مطاعم كثير جدا و ممكن مطعم الطربوش في الدور الارضي
وفيه اكثر من مطعم ممكن ناندوز بعد حلو انت لف وشوف اللي يناسبك
وفيه محل دونات رهيب في الدور الأرضي امسه J.co لا يفوتك
واعتقد يكفي مجمع البيراميد لنفس الليله اللي بتصلون فيها
اليوم الثاني اللي هو السبت بالعاده الأفضل الألعاب المائيه تفتح الساعه 11 قبل الظهر
بس ماعرف إذا بتدخل الألعاب المائيه او لا ويوم السبت قمة الزحمه وهي بصراحه
قمة التفسخ والعراء بس الله يغفر الذنب ماعندنا بديل
ونفس اليوم ممكن تروح لمجمع الماينز وهو عادي بس لو وقتك فاضي قبل المغرب ممكن
تركب القارب من المجمغ لفندق الخيول الذهبيه او العكس وانا اشوفه عادي جدا لو مارحت ماتتندم عليه
فيه بعد ممكن تزور منطقة شاه علم والمسجد الجميل مسجد صلاح الدين او المسجد الأزرق والبحيره يستحق الزياره
ولو مارحت الماينز ممكن تزور منطقة بوتراجايا منطقه جميله جدا وفيها بحيره ممكن تركب القارب