الاخ محمدبالنسبه للفلل لاعلم لي بها لكن توجد شقق فندقيه وشقق نظيفه توجد لدي اصحاب مكاتب العقار متوفره
بس تري ياخدون علييك مقدم اقل شي شهريين حتي لوجالس شهر واحد
بالنسبه للخرفان متوفره بس تري مافي سواكني ب800 ريال الخروف بجوار المسجد الكبيرلدي مسلميين شنجان صاحب ملحمه

مشكور اخ كيب
انتظر مساهمة الاخوان أهل الخبره

هلا فيك يا محمد النسبه للشقق انا افضل لكم شقه احسن كثير من نضام لفنادق الخايس والضيق
اذا انت جالس شهر موجود ممكن ادلك عليها وياليك تعرف اجليزي علي شان تراسلهم واذا ماحولك احد يعرف يراسلهم انا ممكن اراسلهم لك ولكن كم تبي تجلس ...اراسلني على الخاص وان شاء الله اساعدك تحياتي لك علما انه لوجه الله ولا ابي منك الا الدعاء...انا حصلت شقه فيها غرفتين ب 3000 بعملتهم يابلاش شهر كامل ..تحياتي

هلا بك اخوي محمد في الصين
ما شاء الله عليك متحمس وتبي تشيل قدر الضغط
على العموم
انا ما اعرف كم يوم تبي تجلسون ؟؟
إذا كان شهر واكثر ممكن تاخذ شقة بس يبيلك واحد يبحث لكم قبل ما توصلوا وياستأجرها لكم قبلها بيومين
وما اظن بتحصلون شقة بنظام فيلا بسهل ... لأنها مكلفة ولا يتملكها إلا الأغنياء
وبعدين لازم تعر انكم جاين على قرب من موعد المعرض الدولي ومن الالعاب الاسيوية (اسياد 2010)
اما بخصوص الخروف فلا تشيل همه
ممكن اكلملك واحد يجبه لك مذبوح لباب البيت ولا حي يرعى عند باب الشقة ... عفوا اقصد باب الفيلا
اي استفسار انا حاضر
اتمنى لك التوفيق

الاخ رحال وين نحصل الخاروف ؟ ياليت تفيدنا

السكب 999
انا حاضر
وهذا الشخص يشتري الاغنام كل يوم احد , ولازم تتواصل معها وتطلب منه قبل هذا اليوم
غدا احاول ارسلك رقمه

السلام عليكم
اخي العزيز
توصل بالسلامة ان شا الله ورمضان كريم عليكم وعلينا جميعا.
الموضوع سهل وبسيط وان كنت جالس هالفترة الطويلة فطبعا الافضل انك تستأجر شقة بمكان راقي ومجمع سكني محترم والاجارات رخيصة لكن الافضل انك تطلب من احد يساعدك بهالامر قبل وصولك بكم يوم وعادة الشقق بكوانزوا كلها مفروشة ومافي داعي لقدر الضغط يعني بلا المثلوثي والجريش والقرصان.
بالنسبة للخروف ايضا الموضوع سهل في لحام مسلم قريب الجامع الكبير ممكن تطلب منه اللحمة الي تبغاها وهو بيرتبلك امرها بالشكل المناسب وحتى ممكن تطلب من المطعم يلي حده يطبخلك الشي يلي تبغاه.
طبعا اهم امر لازم تعرفه انه كوانزو مزدحمة جدا وغير آمنه وجوها ملوث ومافيها تكاسي خصوصا انه الوقت بيكون قريب وقت المعرض والالعاب الآسيوية فحيكون في غلاء مو طبيعي ايضا.
بالسلامة ان شا الله

ما شاء الله حتى الخرفان وصلت كوانزو ... ههه
الله يكثر النعمه والاكل الحلال...
الله يوفقك بالنسبة للشقق فيه شقق مدحها احد الاعضاء قريبه إلى شارع بكين وفيها مطبخ ... اسمها..
Grand Continental Service Apartments
وهذا موقعها: http://www.gcsa-gz.com/doce/gyjs.asp
بالنسبة للفلل انا ما شفت السكان المحليين يسكنون في فلل الا يمكن في الارياف بعيده عن المدن .. مدينة كوانزو كلها عمارات وعادة يسكنون في العمارات او الشقق ما عندهم بيوت هذيل...

omaray
اخوي كيف كوانزو مب آمنه؟ انا ما رأيت في شوارعها ليلا أو نهاراً أي خلل أمني... ممكن تعرفنا اخوي شالمشكله؟
والتكاسي كثيره لكن يصعب احيانا توقف تاكسي ويعود ذلك انه السواقين يغيرون الشفتات مع سائقين آخرين فما ياخذ وياه احد او ياخذ وياه صينين يمكن لأنهم " مواطنين " ونحن " أجانب " والله ما تعرف الاسباب لكن فيه تكاسي
والحين كثرت عادة السيارات الخاصة واصبحت شائعه ورأيت أنها عمليه وما فيها اي خوف خصوصا لو كنتوا اكثر عن شخص...
والسموحه،