وعليكم السلام
اختيار موفق ان شاء الله
انا حاجز بعد عشرين يوم ان شاء الله
بس وش الخطوط اللي بتروحين فيها
اذا على الامارتية حلو
ودام انه مدة رحلتك 14 يوم وانا اخوك خلها على دولتين اصرف لك يعني النمسا والمانيا
فينا 2 يوم
سالزبورغ 2 يوم وتستاجرون السياره منها طبعا من كثر ماقريت بالتقارير انها هي الانسب
زيلامسي 5 يوم
وبعدين تتجهون المانيا وتجلسون فيها 4 ايام وفيها مناظر ومناطق وريف خيالي وتصير عودتكم من ميونخ
يصير خط الرحلة دبي - فينا - ميونخ - دبي
وبالنسبه للفيزا طلعناها من سفارة ايطاليا عشان هم اسهل ناس ومافيه لامقابلة ولا خرابيط
واتوقع باقي الاستفسارات عند اخواننا المشرفين وباقي الاعضاء ماراح يقصرون

اذا مصر على هالمناطق وما عندك الا 13 ليله راح يكون صعب جدا
خلي الرحله الى فينيسيا او ميلانو والعوده من ميونخ
فينيسيا - زيلامسي - سالزبورغ - ميونخ
شوفوا هل في فينيسيا فيها مطار دولي ولا لا واذا فيه حلو خلوا رحلتكم عليه واذا مافي خلي رحلتكم على ميلانو

الف شكر لكم ..
على الخطوط الاماراتية ان شاء الله ..
ام خلاص ممكن اكنسل فينيسيا
يعني على المانيا الريف والنمساوي
كيف اوزعها والسكن لاهنتو

13 ليله اذن
ميونخ وصول فقط - ليلتين سالزبورغ - 6ليالي زيلامسي - 4ليالي قارمش او فوشن - ليله ميونخ
اذا تبغين في ميونخ اكثر من ليله للتسوق ممكن ننقص ليله من فوشن

الله يعطيك العافية
4 مب كثيرة على قارمش واقدر منها اطلع على ملاهي نسيت اسمها
اية اكيد ميونخ مايكفيها ليلة ولا
طيب مافية مشكلة لو جينا ميونخ قبل والفيزا مب منها

اذا تبغين ملاهي اليورب بارك لازم نغير بالمخطط لانها مو قريبه من اي منطقه بحيث تروحين الصباح وترجعين بالليل وتخلين الرجعه من فرانكفورت
ميونخ وصول فقط - ليلتين سالزبورغ - 6ليالي زيلامسي - ليلتين ميونخ - ليلتين رست - ليله فرانكفورت
المسافه من ميونخ الى رست 380 كلم
و في ميونخ عندك ليلتين يعني ثلاثه ايام احد الايام روحي الى قارمش وفوشن زياره من الصبح وترجعين بالليل

السكن سهل يمديك تحجزين من مواقع كثيره البوكينق والا هوتيل
انا عن نفسي عن طريق مكتب واحد من اصدقائي جبناها اسعار اقل من النت لانه يتعامل مع شركات سياحيه وبعدين احجزي من بدري لانه تلاقين يمكن ضغط والاسعار فووق خ
وترى كل واحد له راي يعني انتي اختاري الفندق على مزاجك