حبيبي اول شي مبروك الزواج وربي تمم لك بخيرثانيا من كلام الاعضاء.. سنغافورة غالية وثانيا نظرتهم للحجاب مش حلوه وتنحرج وهم يتابعونك بنظرهم وغير كذا فيزا واوراق ..لكن ماليزيا بلد مسلم ومتعودين على الحجاب حقنا وسارت اللغه العربية هناك دارجة واغلبهم عنده منها كم كلمة. ايضا المطاعم والاكل العربي متوفر
وفيها احلى الاماكن بين جبال خضراء وشواطي ساحرة وغابات وحضارة ورحلات بحرية وترفيه وكل شي.
ماليزيا كامل المده واستمتع ياعممي..هذ وجة نظري وشوف بقية الاعضاء.
شهر نوفمبر حلو..والمده 16 ليلة كافية جد وجميلة ولاتزيد عشان لاتمل.
تقسيمها يكون:
2سلانقور
4لنكاوي
3بينانغ
3كاميرون
4كوالا.
او 3سلانقور
4لنكاوي
4بينانغ
5كوالا.
او 2سلانقور
4بينانغ
4لنكاوي
6كوالا..
فكر واقرا وشاور وقرر.. وانااختارلك اول واحد.
الميزانيه.20000الف من غير تذاكر الطيران الدولي اشوفها كافيه ووافيه.
يوميا تصرف في المتوسط 500 لشخصين(اكل وشرب-تذاكر اماكن-وتاكسي) المجموع 8000.
تذاكر تنقلات بين مدن 1500 الى 1000.
فنادق 8000الى9000 وممكن اقل حسب الفخامة.
و2000 احتياط المجموع 20000 وربي يبارك لك ياصاحبي في مالك ووقتك.
كازامي

جزاك الله خير ياعمي,وش رايك احذف سلانقور من الرحلة او هي تستحق الزيارة لان ماودي اكثر من التنقل خصوصاَ شهر عسل,
وهل في جعبتك معلومات عن اماكن رومنسية منتجعات او فنادق هيك,,وشاكر لك والله يكتب اجرك
ونقطة اخيره ياليت ترتب لي المدن ترتيباً لين ارجع للسعودية ما ادري وش ابداء فيه

سلانقور مدينة ملاصقة لكوالا وحتى انهم متداخلتين في بعض...ويمكنك من احداهما زيارة الاخرى.
نحن في المنتدى ننصح الجميع بسلانقور لشي واحد وهو انها جنب المطار تقريبا 40دقيقة وانت في فندقك.
والواحد جاي تعبان من رحلة 9ساعات واكثر وخصوصا النساء بعض الاحيان يتعبون من الرحلات الطويلة
ويبي يرتاح ويتمدد شوي فننصح بسلانقور لهذا الشي. وايضا نحط سلانقور في البداية لان الاغلب يحتاج يرجع للمطار في بداية جدولة حتى ينتقل للنكاوي اوبينانغ او غيرهم.
فمايصلح ينزل الواحد من المطار الى كوالا مشوار ساعه واكثر وزحمه ثم يرجع بعد يومين الى المطار ونفس التوقيت. لذلك سلانقور افضل واقرب. وبعض الناس يحط كوالا وهم احرار.
سلانقور تعتبر مزاراتها المشهورة قليلة لذلك يومين تكفيها.
واهم مزاراتها ملاهي صن واي المائية التي تعتبر الاضخم في اسيا ومجمع البراميد. وعندك منطقة شاه علم وفيها متحف وحدائق والمسجد الازرق. ثم منطقة الحكم والقصر الرئاسي بوتراجايا
وعند مجمع الماينز واخير اي ستي حديقة الاضواء. واهمها صن واي وبتراجايا وجولة الكروز. الان تبي تحذفها احذفها تبي ايش وانا معك؟
بعدين اول شي قرر وحدد التقسيم وبعده نختار الفنادق ونرسم الجولات والخطة كامله.
كازامي

باك < جيتك مسفح إن شاءلله هالليلة اخلص من المدن ,,
2 سلانقور
4 لنكاوي
4بينانغ
4 او 5 كوالا,
أم الحين هالمدن الاختيار النهائي إن شاءلله, بالنسبة للسفر داخل ماليزيا, اعتقد الطيران افضل, وش رايكم, ابي الحين تكفون اسماء المنتجعات والفنادق الحلوة

تعديل بسيط بينانغ حقها 3ايام.خل كوالا اكثرايام لانها متعدده المزارات.
الان تبي الفنادق او المزارات والجولات؟
كازامي

أول شي الله يجزاك بالخير,على مجهودك تعديل للجدول 2سلانقور
4 لنكاوي
3 بينانغ
5 او 6 كوالا
حلو؟
لا يالغالي ابي اركز على الفنادق اول واحجز ثم ننقز للمزارات
ابي فنادق او منتجعات وياليت الي فيها خصوصية مثل مسبح او شاطئ وهيك يعني , و وسائل النقل بين المدن المذكورة سابقاً

بأك , أرجوكم محتاج إقتراحاتكم حول الفنادق الي بذكرها ومانستغني عن النصيحة, بالنسبة للفنادق عادي لو ارفع شوي الميزانية سيلانجور:
1- منتجع صنواي لاجون
2- النخلة الذهبية
وش رايكم اي واحد منها ( وهل هناك ماهو افضل منها)لنكاوي:
1-فندق فورسيزون < هذا الفندق شفته بالنت وخيالي بصراحة يستحق كل ريال فيه
2-فندق دانا لنكاوي
3-فندق شيراتون لنكاوي
( وش ترشحون من هالثلاثة) وهل هناك ماهو افضل منهابينانج:
بصراحة ماشفت بالنت فندق شدني لكن من وجهة نظري على الإطلاع الاسواء فيها
1- هوليداي ان
2-الهارد روك
( برأيكم ماهو افضل الفنادق او المنتجعات في هالمدينة)
كوالالمبور:
أحس كل الفنادق مثل بعض مافيه شي بصراحة شدني
( ياليت ترشيحكم لبعض الفنادق من ناحية الفخامة والقرب من الاشياء السياحية)
وشكراً جزيلاً لكم
ايه نسيت وش احسن موقع احجز منه فنادق والله يعافيكم

بالنسبه لسيلانقور منتجع النخله ما مر عليا سمعت بالخيول الدهبيه مو النخله بس الصن واي لاقون روعه صراحه ومنطقته حيويه مرا
وفنادق لنكاوي الفور سيزون اشوفه توب وبعده يجي داتي ودانا وويستون
بينانغ افخمها الشانغريلا راسا ع شاطئ الباتو فرنجي
كوالا عندك تريدرز وجراند ملينيوم ورويال شولان كلها فخمه ومناطقها حيويه
والاعضاء ماحيقصرو معاك كمان

ماقصر/ت شوشو. ربي يعطيه/ا العافية..
نفس اللي كنت بقوله بالضبط ونفس ذوقي واختياراتي..
فلل الصن واي عال العال وياجمالها في البداية ومسبح خاص واحلى روقان..ربي يهينك
ثم لنكاوي الفورسيزن الافخم لكن برايي الدانا موقع وفخامه وتعامل وكل شي.شوف تقرير العزيز احمد عبدالله.
(انا وماليزيا ادمان من نوع اخر)
لنكاوي الافخم الشانغرلا هذا ماسمعناه ممن جرب وعندك قولدن اخوه او هوليدي ان مبنى الشاطي واحلى اطلاله.
كوالا تريدرز وبس واطلاله على البرجين.
وعندي لك فكرة ماشية طبلون.
خل كوالا 5ايام واليوم السادس انتقل الى بورت ديكسون والى الفندق الرهيب ليكسز وفله خاص (درجة رجال الاعمال) بمسبح خوقاقي..
والمنطقة جنب المطار واليوم الثاني تشيل عفشك والى المطار.. او كوالا4 وبورت ديكسون2.
يسير بديت رحلة بمسبح خاص وانتهيت بمسبح خاص.. وش رايك ماني شنب؟
كازامي