السلام عليكم
عندي كذا استفسار :
1. بحجز سيارة من موقع الفا من المطار الى محطة London Euston للتوجه لمانشستر.
2. بس لما اوصل مانشستر هل اخذ تاكسي من المحطة الى الفندق (كراون بلازا في الستي سنتر)؟ او في طريقة اخرى غير الباص الان بيكون عندنا شناط ونبي طريقة سهله وغير متعبه ؟ وكم تقريبا السعر؟
3. بعدين بروح ان شاء الله بالقطار من مانشستر الى stoke on trent حق التون تاور بس شلون طريقة التنقل الى التون تاور بارك؟ ابي طريقة سهله لان لما اتصلت علشان احجز فندق التون تاور خبرني الموظف ان الباص يمر بكذا محطه فأسهل طريقة التاكسي من المحطه؟
او اشرايكم اخذ تاكسي من مانشستر دايركت الى التون تاورز؟ خصوصا اني بتم ليله اهناك بعدها باخذ القطار الى لندن ان شاء الله .. وهل عندكم شركة اتعامل معاها؟ لان من بحثي خبروني ان التكاسي غاليه عند المحطات.
حصلت موقع بس ماعرف اذا ثقه او لا خبروني ان من محطة الى التون تاورز ب 25 باوند
4. بخصوص التنقل من London Euston الى فندق كمبرلاند .. اخذ تاكسي؟ لان الكل خرعني ان تكاسي لندن غاليه وكم اتوقع السعر.
رحلتي بتكون 3 ليالي في مانشستر .. ليله في التون تاورز .. و5 ليالي في لندن ..
هل وايد تنققلات او مقبولة ؟؟ لان الوالده معانا وخايفة تتعب من كثر التنقلات واحنا نتعب مع الشنط والقطارات.
بخصوص التون تاورز هل سعر التذكرة يشمل اللعب في كل الالعاب؟ وهل يسوى اخذ الفاست ترك كارد اظن اسمها؟
وكم ميزانية احط للتكاسي فقط للتنقل بين المحطات والفنادق؟
وهل يفضل اروح بستر فيلج الاحد (الاجازة الرسمية) او الاثنين (بيصادف اجازة البنوك)
لان ابي اروح قبل لبتدي تسوق بلندن وماعندي الا هاليومين وخايفة من الزحمة.
واي افضل التسوق في مانشستر او لندن؟
اقدر لكم مساعدتكم والله يجزيكم كل خير ويسر اموركم ..