عليكم السلام ورحمة الله وبركاته
كل عام وانت بخير وإن شاء الله ترجع المياه لمجاريها
ونصيحه بالنسبه لموعد سفرك حاول تؤجله شوي لأنك بتسافر في عز موسم الأوروبيين
كريسمس وراس السنه أغلب فنادق لنكاوي وبينانق فل ولا عليها إمكانيه وأسعارها دبل وأكثر
وعموما لو بغيت جدول مثل المتعارف عليه وبما إنها اول مره فالأفضل
يومين سيلانقور فندق الصن واي لاقون المين تاور
ثلاثه ايام لنكاوي فندق ويستن لنكاوي او البلانجي بيتش
ثلاثه ايام بينانق فندق الراساسايانق او البارك رويال او القولدن ساندس
سته ايام كوالالمبور ثلاثه ليال في فندق تريدرز قريب البرجين او فندق أمبيانا
وثلاث ليال بشارع العرب فندق الويستن او الماريوت او القراند ملينيوم او رويال شولان
او تخلي الست ليال بفندق واحد ياقريب البرجين منطقة هادئه وجميله او بشارع العرب منطقه حركه ومطاعم واسواق وسهر
والطيران الداخلي عندك الماليزيه او آير آسيا ارخص وومتازه وعندك الفاير فلاي بعد رخيصه وحلوه
وماليزيا آمان إن شاء الله الواحد يتوكل علي الله ويحرص وينتبه وكل الأمور طيبه إن شاء الله

و عليكم السلام
الطاهر ان التضبيط ( مستعجل ) اكيد زواج !!!
ما حددت كم من يوم .......
الميزانية 5 نجوم او اربع نجوم او 3 نجوم
الاماكن مقتصرة على كوالالمبور - لنكاوى - بينانج أو كوالالمبور - لنكاوى - بينانج - مرتفعات الكاميرون - او بورت ديكسون ؟
اختار احد هذه البرامج من المشرفين و خبراء ماليزيا المميزيين
https://artravelers.com/p/re/367454
مثل ما قال الاخ زازاز السعر بيطلع عليك ............
أدبال فى اخماس ( موسم الاوربيين )
بالتوفيق

لا تضبيط بعد تضبيط zazaz
من قدك خبير الخبراء ضبط لك أحلى برنامج توكل على الله
مافيش أحلى من كذا
رحلة موفقة إن شاء الله

مشكورين ياخواني وماقصرتوو بس شباب انا بحجز كويت كوالالمبور بس اول ما انزل هناك هل اقعد فيها او اكون حاجز طيران داخلي علي طول او اذا وصلت المطار اروح حجز يعني في مكتب حجز عندهم ولا شلون الطريقة واخوي zazaz انا مجبور اسافر في هذا الوقت لانه اجازتي محدده من الدوام وا اقدر اغيرها بس هل تعتقد بيكوون زحمه حييل يعني في احد مجرب بالوقت هذا.
وفي احد سكن في كووخ فوق البحر مثل الصور الروعه الي نشوفها يعني جسر وبعدين الكوخ

لالا ما يحتاج تروح ولا مكان
من المطار خذ تاكسي إلى سلانقور فندق الصن وي لاقون مثل ما أقترح عليك zazaz
المسافة 45 دقيقة وتكلفة التاكسي حوالي 80 رنقت .. سلانقور لصيقة كوالالمبور بجنب بعض
ثم واصل على البرنامج اللي عمله zazaz
يومين سيلانقور فندق الصن واي لاقون المين تاور
ثلاثه ايام لنكاوي فندق ويستن لنكاوي او البلانجي بيتش
ثلاثه ايام بينانق فندق الراساسايانق او البارك رويال او القولدن ساندس
سته ايام كوالالمبور ثلاثه ليال في فندق تريدرز قريب البرجين او فندق أمبيانا
وثلاث ليال بشارع العرب فندق الويستن او الماريوت او القراند ملينيوم او رويال شولان
تحتاج تعمل حجوزات الطيران من كوالا إلى لنكاوي ثم بينانج ثم كوالا
عندك طيران داخلي إيرأسيا تقدر تحجز وتشتري التذكرة أونلاين
هذا موقعهم
http://www.airasia.com
تفضل هذي خريطة توضح مسار الرحلة المقترحة
خلك على المسار الأحمر فقط

ملاحظة أخيرة : يبدو أن معلوماتك ضعيفة عن ماليزيا لذا أقترح أن تقضي وقت أطول في القراءة
وتصفح التقارير التي في البوابة حتى تجمع أكبر قدر من المعلومات تساعدك في نجاح رحلتي
تمنياتي لك بالتوفيق إن شاء الله

شكرا اخوي المغادرون علي التوضيح وعلي قولتك معلوماتي حيل ضعيفه عن ماليزيا بس الحين بقولك الي قدرت افهمه وانت قولي عدل او لا وشكرا
اول ما اوصل علي ماليزيا اخذ تاكسي واروح سيلانجور
وبعدين ارجع مطار كوالالمبور واروح لنكاوي
ومن لنكاوي عن طريق باخره الي بينانح
ومن بيناج الي كوالالمبور طيارة
عدل
بس لو بغيت اروح مرتفعات الكاميرون شلون
وشلون علي الباخره من وين احجز

برافو عليك أيوه كذا ممتاز
وإذا بغيت كاميرون هايلاند ياغالي وأنت في بينانج
خذ الخط البنفسجي في الخريطة لأن كاميرون هايلاند مافيها مطار
فما عندك وسيلة إلا التاكسي أو الباص .. مسافة الطريق 5 ساعات تقريباً
التاكسي يكلفك 500 رنقت والباص 38 رنقت للشخص الواحد
ثم تواصل الطريق من كاميرون إلى كوالا بالتاكسي أو الباص نفس التكلفة تقريباً
الباخرة (الفيري) هذي بين لنكاوي وبينانج يوجد رحلتين في اليوم وحدة الساعة 2:30 ظهرا
والثانية الساعة 05:30 عصراً مدة الطريق بالبحر ساعتين ونصف إلى ثلاث ساعات
وقيمة التذكرة 50 رنقت للشخص الواحد والتذكرة تقصها لما تكون في لنكاوي قبل الرحلة بيوم

المغادرون 2007
عاش والله الشقردي عسي الله يخليك حق امك وابوك وعيالك شرحك وافي والله بس وهقتني بالكاميرون طريقها طويل والله 5 ساعات بس لو تشوف الخريطه الي فوق في مطار قريب من مرتفعات الكاميرون ماتعرف شنو اسمه وليش ما اطلع حق الكاميرون من كوالا كم ساعه تقريبا وهل يوجود قطار او لا وشكرا

نعم فيه مطار في ipoh ومسافة الطريق حوالي ساعتين إلى كاميرون يقولون خط وعر ومتعرج
والأفضل لك أنك تروح مثل ما قلت لك من بينانج حتى لو 5 ساعات الطريق جميل وممتع وفيه مناظر حلوة
مع العلم إن آخر ساعة ونصف عبارة عن طريق جبلي متعرج لأن كاميرون مرتفعة عن سطح البحر 1500 متر
وهي منطقة باردة والسحاب والأمطار عليها باستمرار وطبيعتها خلابة وجميلة جداً .. مزارع الشاي الأخضر هناك
منظرها رائع اتمنى تشاهد بعض الصور لكاميرون هايلاند
وللمعلومية المسافة من كوالا إلى كاميرون تقريبا من 4 إلى 5 ساعات
وسيلة المواصلات كما ذكرت لك الباص أو التاكسي ولايوجد قطار