ياهلا فيك اخوي ..
ومشكور على الصور الحلوه ..
باين عليهم البرد ..
تحياتي لك

يا سلام
والله محتاجين مثل هالمواضيع بكثرة
جيتي في الوقت المناسب اختي نور
تسلم ايدك وننتظر منك المزيد بشوق

اشكر كل من رد علي ........................الصراحه انصدمت .......اول مرة اكتب تقرير في هذا القسم ابدا ما في تفاعل ......على هذا التعب والتحميل بس 2 اللي اردو افا والله مع اني كنت ناويه اكتب تقارير اكثر بس شكلي بكتفي بهذا القدر

طيب عشان هالاثنين كملي والا مانستاهل ؟
ترى البوابة عموما احسها ميتة مافي تقارير من فترة ... والناس ماصارت تدخلها
لكن صدقيني كل ماعدا واحد ولقى التقرير بيمر ويشكرك

جد هايدي اشكرك انت اخ عزيز وغالي اشكرك واسمحلي بس ترى صدقك البوابه هذي نايمة على قولتك ميته ههه
ان شاء الله انتظر تقريري الجديد عن براتر بارك توني خلضت تقرير في البوابه الفرنسيه قلت يمكن هناك الجماعه صاحين وفيه تشجيع.

مشكورة يانور بوظبي كلها على الصور الحلوة الي تفتح النفس....شكلة الجو يجنن ..أنا ان شاء الله رايحة فيينا في شهر يناير بس عندي سؤال ؟الجو كا ن يخليكم تتمشون بحريه وألا البرودة تعيقكم ؟وشو بيكون الجو بشهر واحد ثلوج وألا جو بارد؟

لولوه الحلوه مشكورة الغاليه على الرد
بالنسبه للجو في شهر يناير اكيد برد موت احتمال كبير تساقط ثلوج لانه نحن يوم كنا هناك التاكسي قال لنا تمو لين الاسبوع الجاي وبتشوفون الثلوج وتوني شيكت لج حالة الطقس الحين -4 يعني اربعه تحت الصفر
لكن انا بالنسبه لي اذا ما كان معاي اطفال ما في مشكلة ابدا لانه اوروبا تكون وايد حلوه في الشتاء واغلب الاماكن فيها تدفئه من مطاعم ومتاحف وغيرها جربت العام ورحت دزني لاند باريس في شهر فبراير كنا في الحديقه والثلج كان ينزل ولعبنا وخذنا راحتنا ما في زحمه مثل الصيف طبعا اهم شي هو اللبس الشتوي والغفازات اذا ادفيتي عدل ابدا ما راح تحسين بالبرد .

تسلمين على الرد الكامل ..تصويرج في البلدة القديمة وألا في مكان ثاني؟أنا سكنت في الاولدتاون لمدة يومين وعيبتني وايد وحابه أروحها مره ثانية.

لولوة الحلوة
م الغاليه انا اللي اعرفه هذا شارع Stephansplatz خلف فندق الماريوت اللي كنا ساكنين فيه ما ادري اذا هو نفسه الاولد تاون والا لا ان شاء الله الاخوان يفيدونا بس ها المنطقه وايد تعيبني حركه وزحمه ودايما يكون فيها عروض ومهرجين وناسه الصراحه.