الطيور والفراشات في كوالا حلوه
واكواريووم انصحك في لنكاوي احلى بكثير واكبر ~_~
الحدايق الافضل لك انك تخلي التاكسي ينتظرك ~_~

عليكم السلام ورحمة الله وبركاته
بالنسبة للتنقل داخل حديقة نيقار زو فيه شتل كار مكشوفه بمبلغ بسيط
وإن حبيت كعابي فماعندك مشكله و هي والله رطوبه ولا هي كبيره متوسطه
وفيه عروض دلافين والله ماذكر متي الوقت بالظبط بس لها اوقات محدده يمكن كل ساعتين
الأماكن المكرره بالعاده الحدائق اللي بكوالالمبور كلها افضل من غيرها إلا حديقة الفراشات
اللي في بينانق افضل حديقة و في بينانق بعد التوابل اما البقيه فاللي بكوالالمبور افضل
والتماسيح بلنكاوي بس عاديه احسها تضييع وقت إلا إذا تحبون التماسيح شي ثاني
والفواكه كلها اوكيه ولا احس فرق كبير مع اني افضل حديقة لنكاوي مرتبه اكثر
بس حديقة بينانق أكبر شوي وفي النهاية يعطون عصير و فواكه مجانا
فشوف انت كيف جدول بينانق ولنكاوي واختر اللي مافيه زحمه وحط الحديقة فيه يالنكاوي يابينانق
و الأكواريوم اللي بكوالالمبور افضل من اللي بلنكاوي و أكبر
بالنسبه للفندق يعتمد علي وقت وصولك هل غرفتكم فاضيه ولا فيها ساكن باقي ماطلع
فعادي تستلمون الغرفه مباشره اما لو الغرفه ماهي فاضيه و محجوزه فشي طبيعي
ينتظرون يطلع اللي فيها ثم التنظيف ولكن بالعاده تكون جاهزه قبل الساعه 2
والأمر يعتمد علي وقت وصولك هل هي فاضيه او لا
أماكن إنتظار التاكسي تقريبا مثل الشلالات و الحدائق هي اللي ممكن مافيه وفرة تاكسي
والأفضل نظام الجوله 4 ساعات معك علي طول

قصة حزن
أشكرك قصة حزن
والله لا يجيب الحزن في حياتك .. آمين : )

zazaz
حياك الله حبيب الكل وربّان سفينتنا : )
تدري أنا تمنيتها مثل تامان سفاري الي في جبل بونشاك تتنقل بالسيارة وسط الحيوانات رائعة جدا .
استفدت كثير من معلوماتك الله يجزاك ألف خير .
عندي سؤال آخر لو تكرمت
لما آخذ جولة في تاكسي أبغى أعرف وش الأماكن المتقاربة والمحصورة في نطاق معين بحيث يسهل التنقل خلالها
يعني مثلا ما أبغى أزور شي في شمال كوالا وشيء في شرقها أو غربها وهكذا .
مثلا : الزهور - الفواكة - الفراشات - بيردانا
هل كلها في مكان واحد ؟
مثال آخر :
صن وي لاقوون - ماينز - بحيرة الخيول الذهبية - المدينة المضيئة
هل كلها في مكان واحد ؟

السلام عليكم
حياك الله ياعاشق
بالنسبه لحديقة الحيوانات الصراحه ماهي ذاك الكبر و التنوع بس حليوه
بالنسبه لزيارة الاماكن القريبه عندك الحدائق الطيور و الزهور و الفراشات و حديقة بردانا
كلهم جنب بعض زياره وقت واحد و الفراشات في بينانق افضل
وحديقة الحيوانات لحالها بس ممكن تزور معها شلالات تمبلر بارك ماهي بعيده مره منها
يمكن حوالي 10 الي 15 دقيقه بالتاكسي ممكن تزيد شوي حسب الزحمه
صن واي لاقون لحاله ولا يحتاج ينتظرك تاكسي متوفر بشكل كبير
الماينز والخيول الذهبيه جنب بعض بس برضه مايحتاج ينتظرك تاكسي متوفر بكثره
الفراشات المضيئه لحالها بس نصيحه بس تضييع وقت

الله يسعدك يازازا : )
لو حبيت أجمع مابين المانجروف + التلفريك في يوم واحد فبأيهما أفضل أبتدئ ؟
يعني المانجروف من 9 - 12 ثم التلفريك من 2 إلى العصر أو العكس ؟

إذا الجو حلو إبدأ بالمنقروف
وإذا رطوبة روح على التلفريك علشان تطلع فوق تشم هواء

المغادرون 2007
هلا بالغالي المغادرون
المشكلة ماراح أعرف حالة الجو طالما باحجزها من المطار لليوم التالي : /
لكن عموما ماهو أفضل توقيت لها والا الشغلة تساهيل ؟

معك حق
الأسلم أن تبدأ بالتلفريك
لأنه حتى لو الجو رطوبة تكون رحلة المنقروف في العصر بيكون الجو ألطف