المدة 10 أيام قصيرة لعدد المدن ((جاكرتا+بالي+باندونق+الجبل)) !!
الأفضل إلغاء واحدة من المدن وياريت تحدد ميزانيتك للرحلة قد نعطيك خيارات أفضل بالنسبة للفنادق ..

1. عشره ايام بدون ايام السفر قليله جداً في حق عمتنا الحبيبه !!

معانق سمآ
أعضاء منتدى العرب المسآفرون أنآ طالع على إندنوسيآ شهر عسل لمدة عشره أيآم

عشره ايام بدون ايام السفر قليله جداً في حق عمتنا الحبيبه !!

وأعطاني أحد المكآتب هذا الترتيب بحيث يكون موعد الوصول بتآريخ 13/7/2011

• يومين في جاكرتآ فندق ميريديآن
• ثلاث أيآم في بآلي (جراند ميرآج)
• يومين في بونشآك فندق نوفوس بونشآك
• يومين في باندونق فندق هوليداي إن
• جاكرتا يوم وآحد فندق إنتركونتينتال

كثرة التنقلات تجيب المتاعب وانت وقت قصير جدا جدا ..
البونشاك ماانصحك فيه كعريس ..
باندونق نفس طبيعة البونشاك ..
بالي هي زبدة اندونيسيا وجوهرتها النادره ..
بالي هي المكان المناسب لقضاء اجمل الاوقات الرومانسيه التي لا تنسى ابداً ..
كثيرا جدا ماشفت عرسان فيها من كل انحاء العالم استرالين
سعوديين صينين اندونيسين اغلبهم كانوا يحتفلون
في اجمل مكان واروع جزير ة .. جزيرة بالي ..
اخوي معانق بالي .. اقصد معانق سما ..
بالي جلست فيها من تاريخ 27 مارس الى 1 ابريل ..
يعني سبعه ايام وستة ليالي ..
وكنت لوحدي وكانت اجمل واروع ايام حياتي ..
فما بالك لو كانت فترة عسل ..
اخوي بالي تجمع الروعه والجمال والذهول بكل اطيافه ..
ومن جميع نواحيه ..
رحلات بالي الترفيهيه والرومانسيه لا حصر لها ..
رحله مثل الرافتينغ شاهدت كثيرا عريس وعروسه يخضون مثل هذا التجربه الرائعه ولوحدهم ع قارب واحد بدقايق وساعات لن تنسى ..
تصدق يامعانق انني فارقت بالي بالدموع !!
تصدق يامعانق انني اشتقت لها
وانا فيها وفي ايام التي كنت موجود هناك !!
فتخيل احساسي الآن حين اذكر بالي !!
آمآنه عليكم اللي يعرف أي فكره يعطي بس رآيه عن الفندق هل هو جميل أو لا...؟
بالنسبه لجاكرتا لا انصحك سوى بالاستون رسيونا سعيد ..
شئ ولا فالخيال .. والسعر لا يتجاوز 800000 روبيه من كاها ..
وبالنسبه لبآلي أعضاء مايمدحونها والعكس يمدحونها وش رايكم..؟
بالي اخاف امدحها اجرحها بمدحي فيها ..
بالي هي شهر عسلي القادم ان شاء الله ..
اقل شئ بالي لشهر عسل مثالي عشرة ايام كامله ..
تحياتي لك اخوي معانق ..
اخوك .. عاشق بالي ((الشلالات)) ..

al-mosbah
ياخوي أنا حطيتها عشره أيآم لأني أخآف أطفش هنآك بكثرة الأيآم وإحتمآل ألغي بآندونق
وأوزع اليومين البآقيه على أي مدينه ..؟وش تشوف أوزعها على أي مدينه؟
الميزآنيه طآل عمرك 15000 شآمله الفنآدق والمصآريف الآخرى من أكل وتنقلات (بدون الطيرآن)

ياحبيب القلب يآعآشق البآلي أقصد الشلآلآت
بصرآحه كلامك جداً جداً رهيب ومشوق
طيب وشرآيك أزود الآيآم في بآلي لخمسة أيآم وأحذف بآندونق
بس المشكله الوحيده اللغه الإنجليزيه عندي 1% فقط هذا اللي مخوفني كثير
وبالنسبة لفندق آيستون اللي تقوله بكم يكلف بالريآل السعودي لاني مآ أعرف بالروبيه كم يسآوي
خشمك ياحلو
الله يسعدك يالغالي

يوميتك 400 دولار شاملة السكن والأكل والتنقلات وهي ميزانية كبيرة بالنسبة للفنادق السابقة !!
يمكنك السكن في فندق Hotel Indonesia Kempinski Jakarta أو Grand Hyatt Jakarta Hotel
وهي فنادق قريبة جداً ومشياً من أفخم مولات جاكرتا وأرقى الأحياء ..
يمكنك توزيع الأيام بالشكل التالي إذا حذفنا باندونق ..
جاكرتا 2 >> بالي 5 >> الجبل 2 >> جاكرتا 1 ..
بالنسبة للجبل الأفضل سيروني 2&3 وهي فنادق 3 نجوم ونوفوس مشكلته بعيد عن معالم الجبل السياحية
ولكن خيار جيد وبمستوى 4 نجوم ..
بالي خياراتها كثيرة ويمكنك الحجز عن طريق مواقع الإنترنت وفندق جراند ميراج Grand Mirage Resort من الفنادق
الفخمة والجميلة ..

al-mosbah
كلامك جداً مفيد ومشكور يالغالي بس مافهمت 400دولار اللي تقولها مافهمت هالنقطه يآليت تفهمني
دومت بود

القصد أن ميزانيتك 15000 ريال بدون التذاكر لمدة 10 أيام يعني كصرف يومي 1500 ريال = 400 دولار ..
وبصراحة رحلة 10 نجوم لزوجين بهذا الصرف اليومي والفنادق المختارة من المكتب لا تستحق مع هذا المبلغ !!
فهي أقل مستوى وسعراً ..

معانق سمآ
ماعليش انا باخذ دور اخوي المصباح وافهمك اياها بعد اذنه طبعا
ميزانيتك 15000 الف ريال لو تقسمها على 3.75 تطلع ميزانيتك بالدولار 4000 الاف دولار وتقسم هذا المبلغ
على عشر ايام تطلع ميزانيتك 400 دولار في اليوم واتمنا اني افدتك
بالنسبه لاندونيسا اخوي مايحتاج لها مكتب سياحي ولا شي انصحك اخوي تاخذ لك فره على تقارير الاعضاء
منها تستمتع ومنها تاخذ معلومات مفيده من الاعضاء
اما افضل برنامج اشوف ان برنامج اخوي المصباح قمة الروعة وانصحك تتقيد فيه لكن انا عندي لك نصيحه ثاني
بما ان ميزانيتك بالمبلغ هذا زود على العشر ايام ثلاث ايام وصدقني ماراح تمل من اندونيسيا لانه قمة الروعة

اخوي المصباح اسف لاني رديت عنك لاني رديت قبل ان اشوف ماشاركتك الاخيرة