دودي اورفلي
28-12-2022 - 01:45 pm
السلام عليكم ورحمة الله وبركاته
انا اخت جديدة في المنتدى واتمنى تتقبلوني
وشهر العسل حيكون في نص شوال ان شاء الله
وزوجي اختار ماليزيا وانا كنت حابة اندونيسيا طبعا حبيتها بعد ماشفت تجارب كثير من اخواتي واخواني بالمنتدى .
المهم حابة اكون جاهزة للسفرة وتكون لدي خبرة بالمكان اللي حروح له
واساعد زوجي بالموضوع
والميزانية حتكون قرابه ال15 الف او اكتر شوي بدون التذاكر
ايش تنصحوني ببكج واي طيران نسافر فيه واي فنادق ننزلها ومطاعم والمهم الشوبنج بالعربي السوق
عشان الهدايا والذكرا
سؤال خاص للاخوات اللي سافرو ايش الاغراض اللي اخذتيها معاكي وحاسة انها مهمة من ملابس وكل شي بليز سؤال مهم وانا من جده حابه اشتري ملابس للسفر وين الاقيها افضل ؟
واسفه طولت عليكم بس العشم فيكم اختكم محتاسة وعروسة بليز ساعدوها بانتظاركم
ولكم كل الود والاحترام
