هلا بك ياغلانا ...
عندك ( 12 يوم ) بالضبط ... وهذا التقسيم الأجمل لك من وجهة نظري :
يومين سلانجور ... فندق البيراميد
ثلاثة أيام لنكاوي ... فندق البلانجي بيتش
ثلاثة أيام بينانغ ... فندق البارك رويال
أربعة أيام كوالا ... فندق الرويال شولان
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى كوالا ... الباص ( نايس ) بسعر ( 74 رنقت ) والمسافة أربع ساعات ..

ملاحظات :

• وصولك لكوالا سيكون بأذن الله ( 9 م ) بتوقيت ماليزيا
• أحجز الفندق من يوم ( 23 مارس ) وأخبر الفندق بوصلك المتأخر
• أفضل وقت لحجز الفنادق والطيران الداخلي ... قبل الرحلة بشهر
• أنصحك تحجز من النت ... وراح توفر كثير ... وأقرأ موضوعي هذا وراح يفيدك بأذن الله

كتبت خطاب جديد فيه من ملاحظات واستفسارت جديده وطار

اخوي وافي تسلم وماقصرت
انت تقول ان مده الرحله 12 يوم وانا حسبتها 11 يوم لانه اليوم الاخير رحلتي الى الدوحه بتاريخ 4 ابريل الساعه 10.20 صباحاً يعني بسنتر بالمطار من الصباح الباكر
والا فيه فرق بالتوقيت ملخبط ؟ هل هي كافيه عدد الايام او اقدر ازودها امدد ؟
بشان الفنادق لاحظت ان الغرف تختلف من ناحيه الاسعار وش افضل شي مناسب للمتزوجين ؟
بشان فندق البيراميد هل يفرق عن صن لاقون وايهما افضل ؟
بشان لانكاوي وبيننانق ماعندي خبره بالفنادق واي شي عنها هل فيه خيارات اخرى اذا ماحصلت بالفنادق الى ذكرته وتكون مناسبه ؟
وبشان فندق الرويال شولان ايهم افضل هو والا Traders ? لاني سمعت ان الاخير جديد لكن مادري عن موقعه وسعره ؟
هل اقدر اضيف يوم لجنتنق ؟
بشان الدراهم اذا خلصت اموري من فنادق وحجوزات داخليه كم من مبلغ يكفيني علمن اني عامل حسابي لهدايا ؟ وكم احول لرنقت من السعوديه والا احول بماليزيا؟

ولدى العرب المسافرون
إيقاف بحجم عدم إلتزامكم بالقوانين
تم إيقاف هذا المعرف
بحسب قوانين المنتدى
مع العلم أنه يروج لشركة
تقول عنها نفسها أنّها ( رائدة ) في صناعة السياحة
فإذا كانت الشركة تقوم بمخالفات صريحة لقوانين الكتابة في العرب المسافرون
من أجل أن تحضى بدعاية وقتية لا تتجاوز الساعة
فكيف بالمسافر البسيط والضعيف
والذي لا حول له ولا قوة إلا برب العالمين

• تم ترك هذا التعليق للفائدة *

ماجد الفهد

في البداية أشكر أخوي القدير ( ماجد الفهد ) على حزمه ومبادرته لأيقاف المخالفين
بالفعل ... أكثر الشركات السياحية مشاكلها ( نصب وأحتيال ) إلا مارحم الله
وكثير من الأخوان تعرض للأستغلال منهم ... والشواهد كثير لايتسع المقام لذكرها
ونعود لموضوع أخونا ( الشمري )
عندك ياغلانا ( 12 يوم ) لأن شهر مارس ( 31 يوم ) ...
وفندق ( صن واي لاقون ) أفخم وأجمل من البيراميد ... وهم ملاصقين ومتجاورين ...
أما في بينانغ عندك ( قولدن ساندس ) فخم وبعده ( بارك رويال ) ثم ( هوليدي إن )
وفي كوالا ( التريدرز ) أرقى من رويال شولان ...
وجنتنغ تزورها من كوالا من ( 10ص - 6 م ) ... والمسافة بينهم 45 دقيقة فقط
وتكفيك في ماليزيا ( 500 ريال ) مصروف يومي ... والأفضل تحول من هنا 5000ريال إلى رنقت
والباقي في الصراف تسحبه من هناك وقت الحاجة

لاهنت اخوي وافي على المعلومات القيمه وفعلا 12 ليله لان شهر مارس 31 يوم
لكن انا زرت موقع بوكنق ولاحظت فيه اختلاف بالغرف من ناحيه السعر وش انسب شي للحجوزات من ناحيه الاطلاله ونوع الغرفه المناسبه ؟
هل وفيه مواقع غير البوكنق اقدر احجز منه؟ .. وبخصوص التريدرز و رويال شولان هل هي قريبه من شارع العرب والاسواق ؟
واذا كان وصولي لسلانجور والبرامييد متاخر على 10 مساء تقريبا طبيعي اني راح اريح بعد تعب السفر ..ماراح يكون الا عندي يوم واحد بسلانجور كيف استغله افضل استغلال ؟

الشمري10
بعد الراحه والنوم قوم الصباح واستعن بالله انزل الفطور واستعد الى الصن واي لاقون من الساعه 10 صباحا استمتع بكل اقسامها الى 3 العصر ريح لك ساعه وتوجه الى جوله في بوتراجايا ولا احلى من قبل الغروب االى بعده تشوفها بالنهار وبالليل احلا حاجة وبكذا يكون وضعك ممتاز واستغليت يومك طبعا اتفق مع سائق مضمون والجولة بالساعه تكون تقريب 25 الى 30 رنقت وتوكل على الله
أختك/Haty
اتمنى اني افدتك

اختي Haty ماقصرتي
لكن وش الفرق بين الديلوكس و البريمير والكلوب ؟
واحترت بين الفنادق صراحاً فندق ( البيراميد ) وال ( صن واي لاقون ) بسلانجور
وفي لنكاوي فندق البلانجي بيتش كثير من التعليقات ماتمدحه يقولون فيه اعمال صيانه وخدمتهم مو ذاك الزود
وانا لازم اعرف الفرق بين الغرف قبل لا احجز وارتب اموري لاني لاحضت فيه عروض ذكيه .

اتمنى تفيدوني عن استفساراتي الى فوق وهل فندق الوستن في لنكاوي افضل من البلانجي بيتش ؟