حرس الحدود
07-05-2022 - 12:29 am
صباح الخير على الجميع
انا نويت انشالله على شهر العسل شهر 9
وراح يكون تقريبا في 8/9
عندي كم استفسار وياليت تفيدوني
انا قررت اروح ماليزيا
واخذ لي 5 ايام في كوالالمبور
بعدها باذن الله قررت اروح بالي
لاحظت تقاريرك الجميله عن بالي والي نورتني على بالي خصوصا انك تقول انه في شهر العسل الواحد يبحث عن الطبيعه والفخامه في نفس الوقت وهذا الشيء مشترك بيننا
اسالتي ياعزيزي
ابي لي فيلتين فخمه تنصحني بها لشهر العسل ؟؟ لانه الصراحه تعبت من الفلل الي تعرضها كل وحده تقول الزود عندي
الشيء الثاني
انت تقول شهر 9 تقل الامطار وانا متخوف من الجو هل التوقعات للجو بتكون مناسبه؟؟
السؤال الأخير اخوي
شنهي الاشياء الي تنصحني اني ازورها في بالي وتستحق الزياره
انا طرحت الموضوع هنا عشان الكل يستفيد
وقريت مقارنات بين بالي ولنكاوي ومما زاد عندي الحيره من ناحية الطبيعه فما الأجمل بينهم
الف شكر لك مقدما ولكل الاعضاء
وعليكم السلام ورحمة الله وبركاته
الله يوفقك اخوي ويرزقك الذرية الصالحه امين
احسنت الاختيار لجزيرة الاحلام فلا يوجد وجه مقارنه بينها وبين لنكاوي زرت الثنتين فرق السماء عن الارض
بالنسبة للفلل اشووف انها كثيره ومنتشره لكن هل الصور نفس الواقع اكييد لا فيه فلل مليئة لعدو الزوجه وهي الحشرات
والبريعصي ومن هالاشياء
فانا افضل انك تحجز اول يومين في فندق فخم وتريح فيه وتبدأ بالبحث بنفسك وتشوف اللي يعجبك على حسب نظرك
ولو تبي رقم سائق مسلم في بالي يتحدث العربيه بطلاقه عطيتك وهو بنفسه تقدر تركب معه ويدللك على احسن الفلل ويكون مرافق معك على طول
بالنسبة للتمشيات فيه اشياء حلوه بس ماتصلح للمرأة مثل الغوص وركوب والكثير من الفعاليات البحريه المنشره
فيوجد كشكات عندهم عروض لرحلات حلوه شف اللي يعجبك وخذها او كلم الفندق ويجيك مليون مكتب لحد الفندق ويعرضون لك كل الفعاليات
وحياك الله