aziztaleb
28-08-2022 - 07:04 am
السلام عليكم ورحمة الله وبركاته
ان شاء الله ،، مقرر اني اروح شهر العسل للنمسا في 13 اكتوبر...
ولكن للأسف !!ما اعرف الاماكن اللي نزورها ، و لا كيف اوزع الايام ..
انا حجزي الذهاب لفينا ، و العودة من ميونخ ((مدة الرحلة كاملة 14 يوم))
ومفكر في بالي :
5 ايام فيينا... 2 يومين سالزبورغ... 5 ايام زيلامسي.... 2 يومين ميونخ...
وابغى اقتراحاتكم لبرنامجي واذا فيه غيره ،، لان الصراحة ما عاد عندي وقت اقرا زيادة ولا بعد لقيت برنامج مناسب
وابغى لو تتكرمون باقتراح برنامج او اقتراح اماكن نزورها او طريقة التنقل
سواء من خبراتكم او روابط تجارب اخوان قبلنا فاكون لكم من الشاكرين ومن الداعين ...
ارجوكم لا تبخلون علي
اهلين اخوي
برنامجك كخط سير مره متتاز لكن توزيع الأيام مو مناسب
مثلا 5 أيام فيينا مره كثيره عليها فينا 3 أو 4 ايام جدا مناسب يعني لو جلست 3 أيام فيينا بتقدر تروح لكل الأماكن اللي قالوا عليها
يعني ممكن تخلي رحلتك ..
4 أيام فيينا
3 سالزبرغ
4 أيام زيلامسي
3 ايام ميونخ
انا قللت مدة الاقامه بزيلامسي لان الوقت اللي بتروح فيه جدا بار د فا ما تقدر تستمتع بكل الرحلات
اما بالنسبه لو بتروح الرحله الثلجيه والتزلج .. تقدر تروح بزيلامسي وايضا بميونخ
بالنسبه للفنادق
بحكم اني جالسه اجهز لسفرتنا اللي الله ما كتبها والسبب تأخرنا بالشنقن
نصيحه طلع الشنقن الان ولمدة 3 شهور افضل لك علشان ما يصير لك اللي صار لنا
بالنسبه للفنادق
تقريبا خط سير رحلتنا نفس رحلتك الفرق انو رحلتنا تنتهي فباريس
فا لو تبغى فنادق بس اعطيني ميزانيتك المضبوطه وانا اعطيك اروع الفنادق بسعر مميز
مثلا لو كانت ميزانية الفنادق 10 الاف أو اكثر
وعلى فكره انا لما اختار فنادق احرص على اشياء كثير جدا مهمه
وتقييم الفندق عالي لان فيه فنادق نفس المواصفات لكن اللي زاروا الفندق ما يمدحونه لسوء تعامل او عدم نظافه .
كل الامور هذي جدا مهمه وأهمها الانترنت لان كثير بالمسافرون العرب صارت لهم مواقف مثلا يحتاجون الانترنت ويلقونه غالي جدا بالفندق مثلا الساعه ب 100 ريال او اكثر ويضطرون يروحون لاماكن فيها انترنت
وبالانترنت تقدر تتواصل مع الاهل بشكل يومي عن طريق الماسنجر بكذا تقلل من صرفيات المكالمات بالجوال
انا اشوفه من اهم الاشياء اللي ضروري تتواجد بالفنادق
ورحله سعيده
وانا بالخدمه فيه حال تبغون فنادق مميزه