مرحبا اخوي ومشكور على الكلام الحلو
بنسبة للميزانية ماحددت لنا هل هي مع او بدون التكت
وماقلت لنا عدد الايام على العموم انا راح افرض ان الميزانية مع التكت وانقول المدة اسبوعين
بنسبة للمالديف فهي حلو وايد بس الاسعار نار
انا اخوي توه راجع من اهناك راح لها 10 ايام ومر دبي 4 ايام تخيل صرف في سفرته 120 الف ريال
وهو كان يمدحها بس للامانه يقول انه تملل فيها وان حدها 5 ايام
وحتى لو انت ماراح اتروح فرست او تحجز في منتجعات 5 نجوم مثل ما سوا اخوي بس بتظل غالية عليك واكيد فوق الميزانية
وعندك موضوع لخونا الطير عن المالديف وهو راح لها مدة 9 ايام وصرف اهناك تقريبا 97 الف ريال وتقدر تتطلع على الموضوع واتشوف
انا نصيحتي تلغي المالديف لان الميزانية ماتسمح
بنسبة لماليزيا فهي مناسبة جدا من ناحية الميزانية وتقدر اتروح لها اسبوعين وتستمتع اهناك واتكون سفره حلوة وراقية واتكون ظمن الميزانية وتقدر اتروح بعد لماليزيا 10 ايام وسنغافورة 4 ايام وتستمتع اهناك
بنسبة الى اوربا فهي حلوة بعد وافضل اوربا في هشهر هي ايطاليا واسبانيا لانهم ادفى دول اوربا والجو بكون حلو
بس حط في بالك لازم اتزيد الميزانية
يعني لو بحسبها وياك كمعدل متوسط الفندق في اوربا بكلفك بليلة الف ريال كمعدل متوسط في المدة بتساوي 14 الف ريال
والتكت كمعدل متوسط لشخص الواحد هو 3500 ريال ولخصين 7 الاف ريال زاد السكن بتساوي 21 الف ريال
وبنسبة لصرف فراح تصرف كمعدل متوسط من 700 ريال الى 1200 ريال لو فرضنا الف ريال بليوم
في المدة بتساوي 14 الف ريال زاد السكن والتكت بتساوي 35 الف ريال ولو قلنا بنضيف عليهم 5 الاف ريال لطوارئ او للمواصلات او الهداية او حق اي شي يطلع فجى الحسبه كلها بتساوي 40 الف ريال
لسفره محترمه مدة اسبوعين الى اوربا
طبعا السعر هاي مجرد سعر تقريبي ممكن يزيد وممكن ينقص بس حط في بالك ماراح ينقص اكثر من ال 35 الف وطبعا ماراح يزيد عن ال 45 الف ريال
وبنسبة الى امريكا صح حلوة بس المسافة تلعب دور وتقريبا بتطلع عليك مثل اوربا صح الفنادق والصرف ارخص بس التكت اغلى وضعف تكت اوربا يعني تقريبا نفس الشي وهلكلام بعد على استراليا ونيوز لاندا
واكيد ماراح اقولك جنوب افريقا مع انها حلوة بس لانها نار مثل المالديف واسعارهم خياليه جدا واغلى بوايد من اوربا
نصيحتي لك يا عزيزي انك يا اتزيد الميزانية واتروح اوربا ولا اتخليك على ماليزيا وسنغافورة
وانا استشير واستخير والله يكتبلك الي فيه الخير
وان شاءالله لمى اتعزم حدد لنا الدولة وننصحك بافضل الاماكن فيها وانسويلك جدول حلو
واي استفسار انا بلخدمة
تحياتي

هلا فيك اخووي حلو ومدلع...
ومشكور على الرد والمعلومات واالي ابصراحه فادتني وايد..
واسمحلي اني رديت عليك متاخر
طبعا اكيد السعر مع التكت ..
بس مو شرط اتكون الفتره اسبوعين ..
في احدود 8 ايام وفوق...
انا حاب اروح اوربا ولا امريكا ابصراه ..
بس ابي احسبها صح..
فيدونا جزاكم الله خيرر
وان شاء الله احاول اني ازيد الميزانيه

ونسيت اسئلكم شباب شنو الدول البارده في شهر 4..؟؟
وسلامتكم

كل اوربا بارده بشهر 4 واربدهم اكيد لندن والمانيا

يزاك الله الف خيرر...

انا اللحين افكر ما بين اسبانيا فرنسا...
شرايك يا اخوي حلو

كلهم حلوين واختيار اكيد موفق وابيك اتشوف موضوع لمشرف امريكا امكت مسوي تقرير عن فرنسا واسبانيا ورحلة بحرية وتركيا بعد وماشاءالله تقريره روعه ممكن تستفيد عنه وفعلا اسبانيا تستحق الزيارة

.’.’.’.
جو بريطانيا وفرنسا متقاربين جداً ..
إذا تدور الدفا .. شف إيطاليا :.
.’.’.’.

قررت وباتوكل على الله وبنقضي شهر العسل في ماليزياا..
بس حبيت اعرف المناطق البارده في شهر ابريل..
وبرنامج مميز وحلو ومشوق لشهر العسل في ماليزيا..
افيدونا يا جماعة الخير وعساكم بخير
وفي انتظار خبراتكم