ليس هناك اي مشكله لا في تأقلم ولا غيره..توكل على الله و الامور طيبه
لو اردت نصيحتي خل جدولك على النحو التالي
فينا 3 ليالي
زيلامسي 5 ليالي
سالزبورج 4 ليالي
ميونخ ليلتين ومن ثم العوده منها الى ارض الوطن
ثلاث ارباع دول اوروبا مليانه خليجيين وعربين ولن تجد اي مشكله ان شاءالله
با التوفيق

لا اخوي الغالي حدي مصر
انا بجلس في النمسا 14 يوم وميونخ 6 ايام
يعني كل الجدول 20 يوماً تقريباً
وكم تتوقع المصروف اليومي من كم الي كم تقريباً

كلام اخوي ( حدي مصر )
رائع فعلا
وأنت ستتأقلم مع عروستك .. وما لك شغل في الناس ..
بتاخذ جدولك بالتفصيل من هذا المكان .. وبتسأل الفنادق عن الأماكن .. وبتستعين بالخرائط ..
وما عليك .. راح تمشي نفسك ..
وما أحلى التجربة في شهر العسل ..
وفقك الله

]
لا كثير مره على ميونخ 6 ايام...ترى مافيها شي حدها ثلاث الى اربع ايام فقط
با النسبه للمصروف يعتمد من شخص الى اخر بس اعتقد يتراوح مابين 700 الى 1500 ريال با اليوم كمتوسط صرف
با التوفيق

أنا مع أخي حدي مصر....ميونح وايد عليها 6 أيام....حدها بس يومين او ثلاثة بالكثير....وبعدين في نقطة حبيت اوضحها ..رتب موعد عودتك للوطن بحيث يكون قريب من وقت التشك اوت من الفندق...واتمنى لكم زواج سعيد باذن الله ورحله سعيده...والاخوان كلهم جاهزين لاي استفسار...

والله وانا اخوك شف .. انا فريت شرق آسيا .. وبرضه فريت اوروبا .. ومن وجهة نظري الشخصية ان السفر لأوروبا ما يصلح كشهر عسل .. (طبعاً ممكن فيه ناس كثير يخالفونني في الرأي) .. لكن انا وجهة نظري .. ان شهر العسل يبغى له فنادق فخمة يبغى له مناطق رومانسية .. يبغى له شواطيء (طبعاً غير الرومانسية اللي في الشواطيء .. انها منطقة يكون فيها "اليود" كثير .. وهذا شيء من صالح العرسان :109 غير ان الفنادق اللي تكون الفخمة ومودرن في نفس الوقت .. شيء شبه مستحيل انك تلقاه في اوروبا خصوصاً في الأرياف ..
الشيء الثاني ان اوروبا احلى ما فيها انك تتنقّل بالسيارة من مكان الى مكان .. وهالشيء ما احس انه يصلح الا لناس قد بدوا يمونون على بعض اولاً .. وثانياً بدوا يعرفون طبايع بعض ..
خلاصة كلامي .. وبإختصار .. احس شهر العسل ازين ما فيه انك تصير خشّتك في خشّة زوجتك واذا بغيتوا تغيرون جو اطلعو على البحر .. او روحو حدايق او اي شيء .. عاد على حسب البلد اللي بتروح له انت ..
وفي الأول والأخير استخر ربّك .. وشاور المدام وشف هي وش تأيد (لا يكون نظامك من اللي ما يشاورون ويسوون كل شيء على كيفهم بس :109 .. والله يوفقكم ويبارك لكم ويبارك عليكم ويجمع بينك على خير .. اللهم آمين ..
تحيّاتي لك يا الغالي ..