نسيت ان اذكر
ان الشقة تكون في الخبر او الدمام
او
ان تذكرون لي اسم الحي الي يوجد فيه اكبر قدر من الشقق التي تطل على البحر

حياك الله بالشرقيه
مافيه شقق مطله مباشره على البحر
فيه فندق سوفتيل هو الوحيد اللي مطل على البحر دايركت
ارشح شقق الرايه بالخبر لها اطلاله بحريه وفندق بودل الجديد بالعقربيه مرره حلو بس انه مو على البحر

الشقق اللي تطل على الكورنيش موجودة بكثرة بالدمام
لكن البلكونة ما أظن موجودة
انصحك بأبان ( الدمام ) وتراها ماهي لازقةبالبحر بالمرة
انا اشوف ان هالفترة ماهي موسم يعني لوتختار وانت قريب يكون افضل

الف شكر لكي اختي فاررسه ما قصرتي
الف شكر اخ اطلالة وعجبني اقتراحك خاصة ان المجال مفتوح على كلامك

والله يا أوكسجين أنا أشوف من وجهت نظري أن شقق حدائق الخليج الي بحي الشاطي بالدمام بتناسبك فيها بلكونة صغيرة بس تراها ماهي مطلة على البحر وميزتها أن بغيت الأسواق قريبة لك وأن حاشك الجوع مايمديك تبلع ريقك الا وانت بشارع المطاعم وان بغيت الكورنيش الا حذفت عصى عنك والي يميزها بعد فيها مسبح للاطفال بالدور الأرضي عندهم نظام الغرفة والصالة
وفيها حمامين أعزكم الله والشقة فيها كل شي من ماكرويف وغسالة أتوماتيك يعني قبل ماتطلع قط ملابسك فيها واطلع وطاولة كوي ومكوى للملابس وسعرهم معقول ب 450 ريال
بالنسبة للخبر انا امدح لك شقق الراشد الي في سوق الراشد من الخلف بمعنى تقدر تخلي ام العيال والعيال ينزلون لسوق الراشد وانت تبطح بالشقة لحالك اذا مالك خلق على صجة السوق ويتمشون العيال بالسوق وفيه مدينة العاب ومطاعم وريح راسك ما يجونك الا وهم متورمين من الاكل والفرفرة بسوق الراشد ويدورون الفراش.

هلا أخوي أوكسجين ، عندك (( الحويل للأجنحة الفندقية و كان للأجنحة الفندقية )) يطلان على البحر مباشرة وأيضاً فندق البحيرة وجميعهم على طريق الكورنيش في حي الحمراء بالدمام .

في شقق فندقية اسمها (جوالدن هاوس ) بالدمام في حي الشاطئ
قريبة من الشاطئ مول
والله مميزاتها مرة حلوة (فطور مجاني - المسبح من الصباح الا الظهر مجاني - وممكن تستاجر المسبح انت والاهل الساعه 50 ريال - الشقة متكاملة ميكرويف -غساله - ثلاجة - فرن -غلايه للموي ومجاني الكوفي والشااي- كواية - عندهم خدمة غسيل - خدمة الغرف 24 ساعه -الانتر نت مجاني وايرلس {واي فاي } )
ومرة خدمتهم ممتازة ويارب مانسيت شي
وهي عبارة عن غرفة وصاله وحمام
او غرفتين وصالة وحمامين
او ثلاث غرف وصاله وحمامين
بس ماهي مطله على البحر بس جدا مريحة الاقامة فيها
بس الاسعار ماعندي ابد خبر بس اكيد مو غالي لان مو موسم

ياهلا وسهلا بك في المنطقة الشرقية
ماشاء الجميع ماقصروا الله يعطيهم العافية وبالنسبة الى الاطلالة على البحر مباشرة في الدمام لايوجد لكن الخبر فندق السوفتيل
نتمنى لك طيب الاقامة
دمت بود